Wednesday, April 20, 2011

စီမံခန့်ခွဲခြင်း ပညာ

စီမံခန့်ခွဲခြင်း

စီမံခြင်းနဲ့ ခန့်ခွဲခြင်း စကားနှစ်လုံးကို ပေါင်းပြီး `စီမံခန့်ခွဲခြင်း´ဆိုပြီး စကားလုံး တစ်လုံးတည်းအဖြစ် သုံးစွဲ ကြပါတယ်။ စီမံခန့်ခွဲခြင်းလို့ ဆိုလိုက်တာနဲ့ ထိရောက်မှုလည်း ရှိပါတယ်။ တိကျ ပြတ်သားမှုလည်း ရှိတယ်။ လေးနက်ထိရှတဲ့ အဓိပ္ပာယ်လည်းဆောင်တယ်။နှစ်လုံးပေါင်းတစ်လုံးဆိုပေမယ့်တစ်လုံးချင်းစီမှာလည်း ပြည့်စုံတဲ့ အဓိပ္ပာယ်ဆောင်ပါတယ်။ ...စီမံခြင်းဆိုတာ အစီအမံ ပြုတယ်၊ စီစဉ် မွမ်းမံတယ်၊ ခန့်ခွဲ ခြင်းဆိုတာ တွက်ချက်ခန့်မှန်း ခွဲခြမ်း စိတ်ဖြာတယ်။ စီမံခန့်ခွဲတယ်ဆိုတော့ စီစဉ်၊ မွမ်းမံ၊ တွက်ချက်၊ ခန့်မှန်း၊ ခွဲခြမ်း၊ စိတ်ဖြာတယ်ဆိုတဲ့ အဓိပ္ပာယ် အသွယ်သွယ် ပူးပေါင်း ပါဝင်သွားပါတယ်။ ဒီတော့ စကားလုံးကိုက လေးနက်၊တည်ကြည်၊ ပီပြင်၊ ထင်ရှား ဖြစ်သွားပါတော့တယ်။ ဒါက `စီမံခန့်ခွဲခြင်း´ ကို မြန်မာစာ ခက်ဆစ်အဓိပ္ပာယ် အလိုအရခွဲခြမ်းစိတ်ဖြာစိစစ်လေ့လာသိခြင်း ဖြစ်ပါတယ်။
Contents
[hide]
  • 1 နဖူးတွေ့ဒူးတွေ့ စီမံခန့်ခွဲခြင်း
  • 2 ရှောင်မပြေးနဲ့ မွေးကတည်းက ပါတယ်
  • 3 ဘာတုန်းဟဲ့ စီမံခန့်ခွဲရေး
  • 4 စီမံခန့်ခွဲရေးမှာ လုပ်ဆောင်စရာ ငါးမျိုး
    • 4.1 စီမံကိန်းချမှတ်ခြင်းနှင့် ကြီးကြပ်ကွပ်ကဲခြင်း (Planning and Controlling)
    • 4.2 ဖွဲ့စည်းဆောင်ရွက်ခြင်း (Organizing)
    • 4.3 ၀န်ထမ်းခန့်ထားခြင်းနှင့် လေ့ကျင့်သင်ကြားခြင်း (Staffing and Training)
    • 4.4 ဦးစီးဦးဆောင်ပြုခြင်း (Leading)
    • 4.5 ဆန့်ကျင် ကွဲလွဲမှုများကို ကွပ်ကဲစီမံခြင်း (Managing Conflict)
  • 5 မိသားစုထဲမှာ ချသုံးကြည့်ပါ
    • 5.1 စီမံကိန်း ချမှတ်ခြင်း၊ ကြီးကြပ်ကွပ်ကဲခြင်း
    • 5.2 ဖွဲ့စည်းဆောင်ရွက်ခြင်း
    • 5.3 ဦးစီးဦးဆောင်ပြုခြင်း
    • 5.4 ဆန့်ကျင်ကွဲလွဲမှုများကို ကွပ်ကဲစီမံခြင်း
  • 6 အခြေခံ လုပ်ငန်းစဉ် နှစ်ရပ်
    • 6.1 (၁) အဆုံးအဖြတ်ပေးခြင်း (Decision Making)
    • 6.2 (၂) ဆက်သွယ်ပေးခြင်း (Communication)
  • 7 စီမံခန့်ခွဲသူဟာ မန်နေဂျာ
[ပြင်ဆင်ရန်] နဖူးတွေ့ဒူးတွေ့ စီမံခန့်ခွဲခြင်း
စီမံခန့်ခွဲခြင်းနဲ့ နဖူးတွေ့ ဒူးတွေ့ တွေ့ရတယ်ဆိုတာ လူတိုင်းအတွက် နိစ္စဓူဝ ကိစ္စပါ။ နံနက် ဝေလီဝေလင်း အရုဏ်မကျင်းခင် ကတည်းက စလိုက်ရတဲ့ စီမံခန့်ခွဲခြင်းဟာ ညဥ့်နက် သန်းခေါင်ကျော် ခေါင်းအုံးပေါ် ခေါင်းချ အိပ်ပျော်တော့မယ် ကြံကာမှ နောက်တစ်နေ့အတွက် စီမံခန့်ခွဲရေး လုပ်လက်စလေးတွေ ရှိပါသေးလား ဆိုပြီး အတွေးစိတ်က အိပ်ခါနီးတောင် စီမံခန့်ခွဲခြင်းကို ခွာချမထားနိုင်သေးပါလား။
မိခင်တစ်ဦးက ခင်ပွန်းသည်နဲ့ သားသမီးတွေအတွက် နံနက်စာ ထမင်းချိုင့် စီစဉ်ချက်ပြုတ် ထည့်သိုပေးရတာ စီမံခန့်ခွဲရေးပါ။ ကျောင်းသူ တစ်ဦး အချိန်ဇယားအရ ပုံနှိပ်စာအုပ်၊ လေ့ကျင့်ခန်းစာအုပ်၊ မှတ်စုစာအုပ်တွေ ရွေးနုတ်ပြီး၊ ကျောပိုးအိတ်ထဲ သတ်သတ်ထည့်၊ ညနေ ကျူရှင် သင်တန်းအတွက် မှတ်စုစာအုပ်ကို ဆွဲခြင်းထဲ သတ်သတ်ထည့်၊ ဒါနဲ့မှမပြီးသေး၊ ဘာများ မေ့ကျန်ခဲ့ဦးမလဲ ပြန်စစ်ဆေး ရတာဟာလဲ စီမံခန့်ခွဲခြင်းပါပဲ။
သက်ဆိုင်ရာ မန်နေဂျာ အသီးသီးက မိမိတို့ ၀န်ထမ်းတွေကို ညွှန်ကြားချက်တွေ ပေးခြင်းဟာ စီမံခန့်ခွဲခြင်းပါ။ ဧည့်လမ်းညွှန်တစ်ဦးက ဧည့်သည်လည်ပတ် သွားလာ တည်းခိုစားသောက်နေနိုင်ရေး စိတ်ချမ်းမြေ့ ပျော်ရွှင် ကျေနပ်စေဖို့ ခရီးစဉ်ကောင်းတွေ ရှာဖွေ ရေးဆွဲနေခြင်းဟာ စီမံခန့်ခွဲခြင်းပါ။ စူပါကုန်တိုက်ကြီးရဲ့ အုပ်ချုပ်မှု ဘုတ်အဖွဲ့က အရောင်းဝန်ထမ်းတွေကို ရောင်းအားတက်အောင်ဘယ်လိုပြောဆို ဆက်ဆံရမယ်ဆိုတဲ့ ကိုယ်အမူအရာ နှုတ်အမူအရာ ၀န်ဆောင်မှု သင်တန်း ပို့ချပေးတာဟာလည်း စီမံခန့်ခွဲခြင်းပါပဲ။
စီမံခန့်ခွဲခြင်းဆိုတာ လူ့ဘောင် လောကကြီးထဲမှာ လူတိုင်းလူတိုင်း နဖူးတွေ့ ဒူးတွေ့ တွေ့ရတဲ့ နိစ္စဓူဝ ကိစ္စဆိုတာ ငြင်းလို့လည်း မရသလို၊ ရှောင်ရှားလို့လည်း မရပါဘူး။
လူမှန်ရင် စီမံခန့်ခွဲခြင်းနဲ့ ကင်းကွာလို့ မရ၊ ကင်းချင်တယ် ဆိုရင်တောင် သေမှပဲ ကင်းနိုင်မယ့် ကိစ္စပါ။ စေ့စေ့တွေးရင် သေရင်တော့ စီမံခန့်ခွဲခြင်းနဲ့ ကင်းပြီ ထင်ရပေမယ့်၊ စီမံခန့်ခွဲခြင်းနဲ့ ကင်းဖို့ သေကြည့်ပါလား။ သေပြီးတဲ့ ရုပ်ခန္ဓာကို ဘယ်လို အလောင်းပြင်ကြမလဲ၊ ဘာပန်းခြင်း ပန်းပွင့်တွေ လွှမ်းပေးဦးမှာလဲ။ ရင်ဘတ် မှာ နှင်းဆီအနီရဲရဲလေးတစ်ပွင့်ထိုးပေးလိုက်ဦးမလား၊ ဘာအ၀တ်အစားတွေ လွှမ်းအုပ်ပေးလုိုက်မှာလ မီးပဲရှို့ပစ်ကြမလား၊ အုတ်ဂူဖြူဖြူထဲ ထိုးထည့်ကြမလား။ သေသူက သိမသွား ရပေမယ့် အသုဘ စီမံခန့်ခွဲခြင်းနဲ့တော့ မလွတ်နိုင်ပါဘူး။ နာရေး ကြော်ငြာ၊ ယပ်တောင်၊ ရက်လည် ဆွမ်းကျွေး၊ ကျန်ရစ်တဲ့ ပိုင်ဆိုင်ပစ္စည်းများ အဲဒါ တွေလည်း စီမံ ခန့်ခွဲပစ်ကြမှာပဲ မဟုတ်ပါလား။
[ပြင်ဆင်ရန်] ရှောင်မပြေးနဲ့ မွေးကတည်းက ပါတယ်
စီမံတယ်၊ ခန့်ခွဲတယ်ဆိုတဲ့ ကိစ္စကို ဘယ်ပညာရှိ၊ အတွေးအခေါ်သမားကြီး တစ်ဦးဦးက ဘုရားသခင်ကို လှမ်းအကြောင်းကြားလိုက်သလဲ မသိဘူး။ မယုံ မရှိပါနဲ့၊ စီမံခန့်ခွဲခြင်းဆိုတာ မွေးကတည်းက ပါလာတဲ့ ဖွားဖက် တော် တစ်ပါးပါပဲ။ အဲဒီ ဖွားဖက်တော်က လူကို အလုပ်နှစ်ခု ပေးပါတယ်။ ပထမ အလုပ်က စီမံခန့်ခွဲခြင်းကို ခံယူရမယ်။ (ကျေနပ်သည်ဖြစ်စေ၊ မကျေနပ်သည်ဖြစ်စေ)၊ ဒုတိယ တစ်လုပ်ကစီမံခန့်ခွဲခြင်းကို လုပ်ဆောင်ရတယ် (တတ်သည်ဖြစ်စေ၊ မတတ်သည်ဖြစ်စေ)။
တွေးခေါ် ပညာရှင်ကြီးလည်းဖြစ်၊ ဘောဂဗေဒ ပညာရှင်ကြီးလည်း ဖြစ်တယ်လို့ သတ်မှတ်ခံခဲ့ရတဲ့၊ ၂၀ရာစု ၀ါဒတစ်ခုကို ဖန်တီး ဖြစ်ပေါ်စေတဲ့ ပညာရှင်ကြီး တစ်ပါးက လူမှန်ရင် အလုပ် သုံးခု လုပ်ရမယ်လို့ သတ်မှတ် ပြဋ္ဌာန်းခဲ့ဖူးတယ်။ (၁) မိမိ မျိုးဆက်ကို ပြန့်ပွားစေရမယ် (အိမ်ရာထောင်ပြီး သားသမီး ပွားစီးစေရမယ်)၊ (၂) ကုန်ထုတ်လုပ်ရမယ် (စားဝတ်နေရေးအတွက် ကာယ အား၊ ဉာဏအား စိုက်ထုတ်ပြီး အလုပ်လုပ်ရမယ်)၊ (၃) သိပ္ပံနဲ့ နည်းပညာ ရှာဖွေမှုမှာ ပါဝင်ရမယ်၊ ဒါမှ လူသားသမိုင်းဟာ ကြောင်လိမ် လှေကားလို တစ်ရစ်ပြီးတစ်ရစ် မြင့်တက် ထွန်းကား ဖွဲ့ဖြိုးမယ်။
အဲဒီ အလုပ်မိန့်မှာချက်ဟာ ဟောင်းနွမ်းသွားပြီလား၊ သစ်လွင် လင်းလက်ဆဲလား မဆိုနိုင်ပေမယ့် လူတွေကတော့ မျိုးဆက် ပြန့်ပွားရေး အတွက် အိမ်ရာ တည်ထောင်နေကြတယ်၊ စားဝတ် နေရေးအတွက် အလုပ် လုပ်နေကြပါတယ်။ ဒီတော့ အဲဒီအလုပ် နှစ်လုပ်နဲ့တင် စီမံခန့်ခွဲရေးနဲ့ ပက်ပင်း တွေ့ရပါတော့တယ်။
အမိဝမ်းက အထွက် စောင်ပုခက်ကလေးထဲ ကွေးကွေးလေး မှေးပြီိ ဆိုကတည်းက အဲဒီ လူသားလေးအပေါ် စီမံခန့်ခွဲရေးက စတင် ကျရောက်ပါပြီ။ လူမှန်း မသိတတ်ခင်ကတည်းက စီမံ ခန့်ခွဲရေးက ကိုယ့်ကိုသိနေတယ်၊ ကိုယ်က စီမံခန့်ခွဲရေးကို မသိခင်မှာ စီမံ ခန့်ခွဲစရာတွေက ကိုယ့်ကို ဆွဲခေါ်နေပြီ။ဒီတော့ အဲဒီ စီမံခန့်ခွဲရေးဆိုတာ ဖြူသလား၊ မည်းသလား၊ အထီးလား၊ အမလား၊ ကဲ-နင်လားငါလား ကွဲကွဲပြားပြား သိထားမှ တော်ကာကျမှာမို့ စီမံခန့်ခွဲရေး အတို့အမြှုပ်လေး ရှာကြည့်ရ အောင်လား။
[ပြင်ဆင်ရန်] ဘာတုန်းဟဲ့ စီမံခန့်ခွဲရေး
အိုဟိုင်းအိုး တက္ကသိုလ်၊ စီးပွားရေးလုပ်ငန်း ကွပ်ကဲအုပ်ချုပ်မှု ကောလိပ်ကျောင်းမှ သောမတ် ဒဗလျူဂျွန်ဆင်နဲ့ ဂျွန်အီးစတိန်စင် (Thomas W.Johnson & John E.Stinson) တို့က စီမံခန့်ခွဲခြင်း ပစ္စုပ္ပန်နှင့် အနာဂတ် (Managing Today and Tomorrow) ဆိုတဲ့ စာအုပ်ကို ရေးပါတယ်။အဲဒီစာအုပ်မှာ စီမံခန့်ခွဲခြင်းကို ဒီလို အဓိပ္ပာယ် ဖွင့်ဆိုထားပါတယ်။
“စီမံခန့်ခွဲခြင်း ဆိုသည်မှာ မိမိလုပ်ငန်း၊ ဌာနအဖွဲ့အစည်း၏ ရည်မှန်းချက်များ ပြီးမြောက် အောင်မြင်စေရန်အတွက် အခြားသူများနှင့်အတူ တွဲ၍ဖြစ်စေ၊ အခြားသူများမှ တဆင့်ဖြစ်စေ ဆောင်ရွက်သည့် လုပ်ငန်းစဉ် ဖြစ်သည်” လို့ ဆိုပါတယ်။
ဒီအဓိပ္ပာယ် ဖွင့်ဆိုချက်ကို ထောက်ရှုခြင်းအားဖြင့် စီမံခန့်ခွဲခြင်းဆိုတာ မိမိအလုပ်၊ မိမိဌာန၊ တစ်နည်း မိမိလုပ်ငန်း၊ စီးပွားရေးကိစ္စ တစ်ခုခု၊ ဒီထက် အောက်ဘက်ဆင်းရရင် မိမိ မိသား စု၊ မိမိ တစ်ကိုယ်စာ အတွက် ချမှတ်ထားတဲ့ ရည်မှန်းချက်(ဆန္ဒ)များ ပြီးလည်းပြီးမြောက် အောင်လည်း အောင်မြင် စေဖို့အတွက် တခြားလူတွေနဲ့ အတူလက်တွဲ ဆောင်ရွက်တာ၊ တခြားလူတွေ ကို ဆောင်ရွက်စေတာ၊အဲဒီလို ဆောင်ရွက်ဖို့ လုပ်ငန်းစဉ် ချပေးတာဟာ စီမံခန့်ခွဲခြင်းပါပဲလို့ ဒီလိုနားလည်နိုင်ပါတယ်။
ဒီလိုဆိုရင် စီမံခန့်ခွဲခြင်းဆိုတာ ချမှတ်ထားတဲ့ ရည်မှန်းချက် (ဆန္ဒ) ပြီးမြောက် အောင်မြင်ဖို့ မိမိနဲ့ အဖွဲ့သားများ ပူးပေါင်း လုပ်ဆောင်တာ၊ ဒါမှမဟုတ် အဖွဲ့သားတွေ ဒီလိုလုပ်ဆောင် ပါလို့ အစီအစဉ်တွေ ချပေးတာဟာ စီမံခန့်ခွဲခြင်းပါပဲ။
[ပြင်ဆင်ရန်] စီမံခန့်ခွဲရေးမှာ လုပ်ဆောင်စရာ ငါးမျိုး
စီမံခန့်ခွဲခြင်းဟာ လုပ်ငန်းစဉ် (လုပ်ကိုင် ဆောင်ရွက်ရမယ့် အစီအစဉ်) ကို ရေးဆွဲ ပုံဖော်ရတာဆိုတော့ စီမံခန့်ခွဲရေး တစ်ခု လုပ်ဆောင် တော့မယ်ဆိုတိုင်း လုပ်ဆောင်စရာ ငါးမျိုး ရှိရမယ်၊ ရှိသင့်တယ်လို့ ဆိုပါတယ်။ အဲဒီ စာအုပ်မှာ စီမံခန့်ခွဲရေး လုပ်ဆောင်မှု ငါးမျိုးကို ဖော်ပြထားပါတယ်။ သူ့ရဲ့ ဖော်ပြထားပုံက လုပ်ငန်းဌာန တစ်ခုအတွက် ရည်ရွယ်စီမံ ဖော်ပြထားတာပါ။ ဖော်ပြမှုကို စီမံခန့်ခွဲရေး ပညာရှုထောင့်အရ လေ့လာရမှာ ဖြစ်ပေမယ့်၊ မိမိနဲ့ မိမိ မိသားစုအတွက် ဆိုရင်တော့ တစ်မျိုးပြုပြင် နားလည် ရပါလိမ့်မယ်။ စီမံခန့်ခွဲရာတွင် လုပ်ဆောင်မှု ငါးမျိုးရှိသည်။
[ပြင်ဆင်ရန်] စီမံကိန်းချမှတ်ခြင်းနှင့် ကြီးကြပ်ကွပ်ကဲခြင်း (Planning and Controlling)
ရည်ရွယ် မျှော်မှန်းသည့် ပန်းတိုင်ကို ပစ်မှတ်ထားခြင်းနှင့် ထိုပန်းတိုင်သို့ ရောက်အောင် မည်သို့မည်ပုံ ပြီးပြတ်အောင် ဆောင်ရွက်မည် ဆိုသည်ကို ဆုံးဖြတ်ခြင်းဖြစ်သည်။ ထို့ပြင် လုပ်ဆောင်မှု အဆင့်ဆင့်ကို ပန်းတိုင် သို့ ဦးတည်နေစေရန် ထိန်းကျောင်းကွပ်ကဲခြင်း ဖြစ်သည်။
[ပြင်ဆင်ရန်] ဖွဲ့စည်းဆောင်ရွက်ခြင်း (Organizing)
တစ်ဦးချင်းစီသို့ အလုပ်တာဝန် ပေးအပ်ခြင်း၊ အလုပ် တာဝန်များကို ဌာနခွဲအလိုက် စုဖွဲ့ခြင်း၊ လုပ်ပိုင်ခွင့်နှင့် တာဝန်များ အပ်နှင်းခြင်းတို့ ဖြစ်သည်။
[ပြင်ဆင်ရန်] ၀န်ထမ်းခန့်ထားခြင်းနှင့် လေ့ကျင့်သင်ကြားခြင်း (Staffing and Training)
ဝန်ထမ်းများ၊ အလုပ်သမားများ စုဆောင်း၍ အလုပ်အကိုင်၊ ရာထူးနေရာများတွင် ရွေးချယ် ခန့်ထားခြင်း၊ စွမ်းဆောင်ရည် ရှိရှိဖြင့် လုပ်ကိုင် တတ်စေရန် ကျွမ်းကျင်မှု အရည်အချင်း မြှင့်တင်ပေးခြင်း။
[ပြင်ဆင်ရန်] ဦးစီးဦးဆောင်ပြုခြင်း (Leading)
ရည်မှန်းချက်များ ပြီးမြောက်ရေးအတွက် တစ်ဦးချင်းဖြစ်စေ၊ အစုအဖွဲ့ဖြစ်စေ လမ်းညွှန်ခြင်းနှင့် ဩဇာ ညောင်းစေခြင်း၊ အစုအဖွဲ့များအား လမ်းညွှန်ခြင်းနှင့် စိုးမိုးထားခြင်း။
[ပြင်ဆင်ရန်] ဆန့်ကျင် ကွဲလွဲမှုများကို ကွပ်ကဲစီမံခြင်း (Managing Conflict)
တစ်ဦးနှင့်တစ်ဦး၊ တစ်ခုနှင့် တစ်ခုအကြား အဖျက်သဘော ဆန့်ကျင် ကွဲလွဲမှုများ လျော့နည်း စေရန်နှင့် ရှောင်ရှားကြစေရန် ပြုလုပ်ခြင်း၊ တစ်ချိန်တည်းမှာပင် တီထွင် ဖန်တီးမှုများ၊ အပြုသဘော ငြင်းခုံ ဝေဖန်မှုများကို အားပေးခြင်း။
ဒါကတော့ စီမံခန့်ခွဲရာမှာ လုပ်ဆောင်စရာ (လုပ်သင့်စရာ) နည်းနာ ငါးမျိုးပါ။ ဒီလုပ်ဆောင်ချက် ငါးမျိုး မဖြစ်မနေ ပါဝင်ပါမှလည်း စီမံခန့်ခွဲခြင်း မည်ပါလိမ့်မယ်။ သူက လုပ်ငန်းဌာနကြီးကို ရည်ညွှန်းထားပေမယ့်၊ လုပ်ငန်း အသေးစား၊ အိမ်တွင်းမှု စီးပွားရေးကလေးဖြစ်ဖြစ်၊ ပွဲရုံ လုပ်ငန်းလေးပဲဖြစ်ဖြစ်၊ ယုတ်စွအဆုံး အလုပ်သမား လေးငါးဦးလောက်ကလေးနဲ့ လုပ်ရတဲ့ လက်ဖက်ရည်ဆိုင်၊ထမင်းဆိုင်ကလေးပဲ ဖြစ်ဖြစ်၊ အထက်က နည်းနာငါးမျိုး ပါဝင်တဲ့ စီမံခန့်ခွဲခြင်းနဲ့ ဆောင်ရွက်လိုက်လို့ကတော့ စီးပွား အရှိန်ဟာ ဟုန်းခနဲ မတက်တောင် အများအံ့ဩရတဲ့ အဆင့်တော့ ရနိုင်ပါတယ်။
ဒါပေမယ့် နည်းနာငါးမျိုးကို တည့်တည့်ကြီး နားလည်၊ တည့်တည့်ကြီး လုပ်ဆောင် လို့ကတော့ မရနိုင်ဘူးပေါ့လေ။ မိမိရဲ့ ဉာဏ်ကလေးကို လွှာသုံးပြီး ငါးမျိုးထဲက ဖြုတ်တန်တာ ရှာရလိမ့်မပေါ့။
[ပြင်ဆင်ရန်] မိသားစုထဲမှာ ချသုံးကြည့်ပါ
မိသားစုရှိသူများ၊ အထူးသဖြင့် မိသားစုကို ဦးဆောင်ဦးစီး လုပ်နေရသူ ဖခင်များ(သို့မဟုတ်) မိခင်များ၊ မိသားစုဘ၀ကို စီမံ ခန့်ခွဲ လိုကြသူများ၊ ဆိုခဲ့ပါ စီမံခန့်ခွဲရေး လုပ်ဆောင်ချက် နည်းနာငါးမျိုးထဲက ကောင်းနိုးရာရာ၊ သင့်တင့်ရာရာကို လက်တွေ့ အလုပ်တရားအဖြစ် အသုံးချကြည့်လို့ ရနိုင်ပါတယ်။ ငါးမျိုးစလုံးတော့ မိသားစု ဘ၀နဲ့ အကျုံးမ၀င်ပါဘူး။ ဒီတော့ မိသားစုဘ၀ထဲမှာ စီမံခန့်ခွဲ ကြည့်ရအောင်လား။
[ပြင်ဆင်ရန်] စီမံကိန်း ချမှတ်ခြင်း၊ ကြီးကြပ်ကွပ်ကဲခြင်း
ဒါ ဖြစ်နိုင်ပါတယ်။ မိသားစု အများစုမှာ ရှေ့လုပ်ငန်းစဉ်တွေ၊ အစီအစဉ်တွေ ရှိပါတယ်။ အဲဒီအတွက် စီမံကိန်း ချမှတ်သင့်ပါတယ်။ မိသားစု ရေးရာ လူနေမှု အဆင့်အတန်းဖြစ်ဖြစ်၊ မိသားစု စီးပွားရေးလုပ်ငန်းဖြစ်ဖြစ် နောက်တစ်နှစ်မှာ၊ နောက်ငါးနှစ်မှာ ဘာဖြစ်ရမယ်ဆိုတဲ့ စီမံကိန်း ရှိရပါမယ်။ အနည်းဆုံးတော့ ဘုရားဖူး ခရီးထွက်ဖို့အတွက် ငွေကြေး စုဆောင်းထားတာကအစ စီမံကိန်း ချမှတ်စုဆောင်းသင့်ပါတယ်။ အဲဒီ ချမှတ်လိုက်တဲ့ စီမံကိန်း ထမြောက် အောင်မြင်ဖို့ အတွက် ကြီးကြပ်ကွပ်ကဲခြင်း လိုအပ်ပါတယ်။ ဒီတာဝန် ကြီးကြပ်ကွပ်ကဲခြင်းကိုတော့ အိမ်ထောင်ဦးစီးက တာဝန် ယူရ ပါလိမ့်မယ်။
[ပြင်ဆင်ရန်] ဖွဲ့စည်းဆောင်ရွက်ခြင်း
ဒီနည်းလမ်းလည်း မိသားစုတွင်း အသုံးချနိုင်ပါတယ်။ ချမှတ်ပြီးတဲ့ စီမံကိန်းကို အကောင်အထည် ဖော်ဖို့အတွက် မိသားစုဝင်တွေကို အဖွဲ့အစည်းလိုက် ဆောင်ရွက်တတ် အောင် တာဝန်ခွဲဝေ အပ်နှင်းရပါမယ်။ ဖခင်က ဘာတာဝန်ယူ၊ မိခင်က ဘာတာဝန်၊ ကလေးတွေက ဘာတာဝန် စသဖြင့် အသီးသီး ခွဲဝေပေးရမယ်။ တချို့ မိသားစုတွေမှာ စာရင်း ကိုင်သူ တစ်ဦး၊ ငွေကိုင်သူက တစ်ဦး၊ တာဝန်ကိုယ်စီ ခွဲထားတာတွေ့ဖူးပါတယ်။
[ပြင်ဆင်ရန်] ဦးစီးဦးဆောင်ပြုခြင်း
ဝန်ထမ်းခန့်ထားခြင်း၊ လေ့ကျင့်သင်ကြားခြင်း နည်းလမ်းကတော့ မိသားစုဘ၀နဲ့ အလှမ်းကွာပါတယ်။ ဦးစီးဦးဆောင် ပြုခြင်းကတော့ မိသားစုဘ၀အတွက် မလွဲမသွေ လိုအပ်တဲ့ နည်းနာ ဖြစ်သလို၊ အဖွဲ့အစည်းတိုင်း အတွက်လည်း အထူး လိုအပ်ပါတယ်။ မိသားစု တစ်စုမှာ ဘယ်သူက ဦးစီး ဦးဆောင်သူလဲ၊ ဘယ်လို ဦးစီးဦးဆောင် ပြုမှာလဲ၊ အဲဒါ အလွန်အရေးပါတဲ့ မေးခွန်းပါ။ အခု ဒီနည်းနာဟာ အဲဒီမေးခွန်းကို ဖြေပေးမယ့် ကိစ္စပါ။
မိသားစုဘ၀အတွက် ချမှတ်ထားတဲ့ ရည်မှန်းချက်တွေ၊ စီမံကိန်းတွေ ပြီးမြောက် အောင်မြင် စေဖို့အတွက် တိကျတဲ့တာဝန် ခွဲဝေမှုကို ဦးစီးဦးဆောင်သူက လုပ်နိုင်ရမယ်၊ လမ်းညွှန်မှု ပြုနိုင်ရမယ်၊ မိသားစုအပေါ် ဩဇာ ညောင်းစေရမယ်။ မိသားစုကို စိုးမိုးထားနိုင်ရမယ်။ ဒီလို အရည် အချင်း တွေဟာ ဦးစီး ဦးဆောင်ပြုသူမှာ ရှိရပါမယ်၊ အိမ်ထောင်ဦးစီးမှာ ရှိရပါမယ်။
[ပြင်ဆင်ရန်] ဆန့်ကျင်ကွဲလွဲမှုများကို ကွပ်ကဲစီမံခြင်း
ဒီနည်းနာကတော့ မိသားစုတွင်း မလွဲမသွေ ချသုံးရမယ့် အခြေ ရှိပါတယ်။ မိသားစုတိုင်းမှာ တစ်ဦးနဲ့တစ်ဦး အမြင်သဘော ကွဲလွဲမှု လေးတွေ အမြဲရှိပါတယ်။ အနည်းဆုံးတော့ လင်နဲ့မယားကြား ပဋိပက္ခလေးတွေ ရှိပါ တယ်။ သိပ်ကြီးထွားလာရင် အိမ်ထောင် ပြိုကွဲရတဲ့ အထိတောင် ဆိုးဝါးနိုင်ပါတယ်။ ဒီတော့ မိသားစုကို စီမံခန့်ခွဲတဲ့အခါ မိသားစုတွင်း သဘော ကွဲလွဲမှုတွေ လျော့ပါးအောင်၊ရှောင်ရှားနိုင်အောင် ဆောင်ရွက်နိုင်ရမယ်၊ တပြိုင် တည်းမှာပဲ အပြုသဘောဆောင်တဲ့ အကြံဉာဏ်ကောင်း ထွက်စေတဲ့ ဝေဖန် ငြင်းခုံမှုတွေကိုလည်း အားပေးသင့်ပါတယ်။ ဒီနည်းနာကိုလည်း အိမ်ထောင်ဦးစီးက ပိုင်နိုင်စွာ ကိုင်တွယ် သုံးစွဲနိုင်ရပါမယ်။
[ပြင်ဆင်ရန်] အခြေခံ လုပ်ငန်းစဉ် နှစ်ရပ်
ဖော်ပြပါ နည်းနာ လေးချက်ကတော့ မိသားစု စီမံခန့်ခွဲရေးအတွက် ထည့်သွင်း လုပ်ဆောင် စရာအဖြစ် ကောက်ယူ စစ်ထုတ်လို့ ရသွားပါပြီ။ ဆက်လက်ပြီး စီမံခန့်ခွဲမှု ပညာရပ်လာ စီမံခန့်ခွဲမှု အခြေခံ လုပ်ငန်းစဉ်နှစ်ရပ် ကိုလည်း လေ့လာဖို့ လိုပါတယ်။ စီမံခန့်ခွဲမှု လုပ်ဆောင်ရတိုင်းမှာ အခြေခံ လုပ်ငန်းစဉ် နှစ်ရပ် ရှိကို ရှိရပါမယ်။ စာအုပ်မှာ ဖော်ပြထားတာကို ဆက်လက် လေ့လာကြည့်သင့်ပါတယ်။
[ပြင်ဆင်ရန်] (၁) အဆုံးအဖြတ်ပေးခြင်း (Decision Making)
ရည်မှန်းချက်အား မည်သည့် နည်းလမ်းဖြင့် အကောင်အထည် ဖော်မည်ကို ရွေးချယ် ဆုံးဖြတ်ရမည်။ လုပ်ငန်း အစုအဖွဲ့များ ဖွဲ့စည်းခြင်း၊ လုပ်ပိုင်ခွင့်နှင့် တာဝန်အပ်နှင်းခြင်း အမျိုးအစား၊ ပုံစံများစွာထဲမှ ဖွဲ့စည်းဆောင် ရွက်ရန် သင့်တော်မည့် အမျိုးအစား၊ ပုံစံကို အကဲဖြတ် ရွေးချယ်ရမည်။ ၀န်ထမ်း ခန့်ထားခြင်း၊ လေ့ကျင့်သင်ကြားခြင်း၊ ဦးဆောင်ခြင်းနှင့် ဆန့်ကျင် ကွဲလွဲနေသည်တို့ကို ကွပ်ကဲစီမံခြင်း များတွင်လည်း ဖြေရှင်းရမည့် အခက်အခဲ တို့ကို ရွေးချယ်ရာ၌ အဆုံးအဖြတ် ပေးဖို့လိုသည်။ အဆုံးအဖြတ် ပေးခြင်းသည် စီမံခန့်ခွဲသူ၏ လုပ်ရည်ကိုင်ရည်ကို ထင်ရှားအောင် ဖော်ပြရာ ရောက်ပေသည်။
[ပြင်ဆင်ရန်] (၂) ဆက်သွယ်ပေးခြင်း (Communication)
သတင်း အချက်အလက်နှင့် နားလည်မှုများကို လက်ဆင့်ကမ်းပေးသည့် လုပ်ငန်းစဉ်ဖြစ်သည်။ စီမံခန့်ခွဲသူသည် အကောင်အထည်ဖော်ရန် သတင်းအချက်အလက်များ လက်ခံစုဆောင်း ရမည်။ လုပ်ငန်း အကောင်အထည် ဖော်တော့မည်ဆိုလျှင် အစီအစဉ် သတင်းအချက်အလက်များကို ဆက်သွယ် ပေးပို့ရမည်။ ကြီးကြပ်ကွပ်ကဲမှု စနစ်ပုံစံသည် သတင်းအချက်အလက်များ ရလို သည့်အချိန်တွင် ရနိုင်အောင် အသင့် ရှိနေစေရမည်။
ထိုသတင်းများက စီမံခန့်ခွဲသူအား လုပ်ငန်း အခက်အခဲများကို ရှာဖွေစိစစ်ရာတွင် အထောက် အကူ ပေးသည်။ သတင်း အဆက်အသွယ် မပါဘဲ ဦးဆောင်၍ မရ။ လူများကို လေ့ကျင့် သင်ကြားပေးရန် မဖြစ်နိုင်။ ဆန့်ကျင် ကွဲလွဲနေမှုများကိုလည်း ဖြေရှင်းပေးနိုင်မည် မဟုတ်။ တစ်ဦးနှင့်တစ်ဦး အဆက်အသွယ် ပြတ်နေခြင်းသည် ဆန့်ကျင် ကွဲလွဲမှုများကို မလွှဲမသွေ ဖြစ်ပေါ်စေသည်။
စီမံခန့်ခွဲမှု ပညာရပ်လာ စီမံခန့်ခွဲမှု အခြေခံ လုပ်ငန်းစဉ်နှစ်ရပ် အဆုံးအဖြတ်ပေးခြင်းနဲ့ ဆက်သွယ်ပေးခြင်းတို့ဟာ စီမံခန့်ခွဲသူတို့ရဲ့ အရည် အချင်းများ၊ ရှိသင့်တဲ့ အရည်အသွေးများလို့ ဆိုနိုင်ပါတယ်။ စီမံခန့်ခွဲသူတို့ ထမ်းဆောင်ရမယ့် တာဝန်များလို့လည်း သတ်မှတ်နိုင်ပါတယ်။
ဘာအရည်အချင်းတွေလဲ၊ ဘာတာဝန်တွေလဲလို့ ပြန်ကောက်ကြည့်မယ်ဆိုရင် ရည်မှန်းချက် အောင်မြင်ရေး နည်းလမ်းများ ရှာဖွေနိုင်ခြင်း၊ ရွေးချယ် ဆုံးဖြတ်နိုင်ခြင်း၊ လုပ်ငန်းအဖွဲ့၊ အစုအဖွဲ့များကို ရွေးချယ် ဖွဲ့စည်းပေးနိုင်ခြင်း၊ လုပ်ပိုင်ခွင့် တာဝန် အပ်နှင်းခြင်းကို အမျိုးအစား ပုံစံအလိုက် ရွေးချယ် အကဲဖြတ် အပ်နှင်းပေးနိုင်ခြင်း၊ ၀န်ထမ်း (လူ့စွမ်းအားအရင်းအမြစ်) ကိုစိစစ်ရွေးချယ် ခန့်ထားနိုင်ခြင်း၊ ၀န်ထမ်းများကို လုပ်ငန်းခွင် ကျွမ်းကျင်ဖို့ လေ့ကျင့် သင်ကြားနိုင်ရေး သင်တန်းများ စီစဉ် ဖွင့်လှစ်ပေးနိုင်ခြင်း၊ သုတေသနနှင့် ဖွံ့ဖြိုးရေး အစီအစဉ်ကို စီစဉ် ဆောင်ရွက်ပေးနိုင်ခြင်း၊ လုပ်ငန်းခွင် အတွင်း သဘောထား ကွဲလွဲမှုများ၊ အစုအဖွဲ့ အတွင်း ဆန့်ကျင်ဘက် သဘောဆောင်မှုများကို ဦးဆောင် ဖြေရှင်းပေးနိုင်ခြင်း၊ ကြိုတင်ရှောင်ရှားစေနိုင်ခြင်း၊ လုပ်ငန်းခွင်အတွင်း အခက်အခဲများကို ဖြေရှင်းနိုင်ဖို့ ဆုံးဖြတ်ချက် ပေးခြင်း စတာတွေ ဖြစ်ပါတယ်။
အဆုံးအဖြတ် ပေးခြင်းကိစ္စဟာ အရည်အချင်း တစ်ရပ်ပါ။ စီမံခန့်ခွဲသူဟာ အဆုံးအဖြတ် ပေးနိုင်ခြင်း အရည်အချင်းများနဲ့ ကောင်းကောင်းကြီး ပြည့်စုံနေဖို့ လိုပါတယ်။မိမိ မိသားစုအတွက် ဆိုရင်တော့ အဆုံးအဖြတ် ပေးနိုင်ခြင်း အရည်အချင်းတွေထဲက သင့်တော် ကောင်းနိုးရာကို ထပ်မံရွေးချယ် ပြုပြင်ပြီး အိမ်ထောင်ဦးစီး အနေနဲ့ ဒီအရည်အချင်းတွေကို ဖြည့်ကျင့် လေ့လာထားရ ပါလိမ့်မယ်။
[ပြင်ဆင်ရန်] စီမံခန့်ခွဲသူဟာ မန်နေဂျာ
စီမံခန့်ခွဲခြင်း (Managing) ကို ကိုင်စွဲ အသုံးပြုသူဟာ စီမံခန့်ခွဲသူ (Manager) ပါပဲ။ အင်္ဂလိပ် အသံထွက် မန်နေဂျာလို့ ခေါ်ဝေါ် သုံးနှုန်းလိုက်တာနဲ့ အရပ်ထဲ၊ ဈေးထဲမှာတော့ အရာရှိတစ်ဦးလို့ ဂုဏ်ရှိန် ပဲ့တင်ထပ်သွား ပါတယ်။ ဒါပေမယ့် လူတိုင်းဟာ မန်နေဂျာ ဖြစ်နေ ကြတာကိုလည်း မေ့ထားလို့ မဖြစ်ပါဘူး။ လူတိုင်းဟာ တစ်နေရာမဟုတ် တစ်နေရာ စီမံခန့်ခွဲခြင်းကို အသုံးချပြီး စီမံခန့်ခွဲနေရသူတွေပါ။ ဒါကြောင့် သူ့နေရာနဲ့သူ အသီးသီး မန်နေဂျာ ဖြစ်နေကြပါတယ်။
အိမ်တစ်အိမ်မှာ ဖအေက မန်နေဂျာ၊ မအေကတော့ လက်ထောက် မန်နေဂျာပေါ့။ တချို့ အိမ်တွေမှာတော့ မအေက မန်နေဂျာ၊ ဖအေက ကြီးကြပ်ရေးမှူးလောက်သာ ဖြစ်မှာပေါ့။ လမ်းထိပ် ကုန်စုံဆိုင်က ခပ်၀၀ မိန်းမကြီးကလည်း မန်နေဂျာမကြီးပဲပေါ့။ သူ့မှာ အရောင်းဝန်ထမ်း သုံးလေးဦး ကိုတောင် ခန့်ထားနိုင်လိုက်သေး။
ဘာပဲဖြစ်ဖြစ်၊ နိစ္စဓူဝ ဦးဆောင်ဦးစီး ပြုနေကြသူ အားလုံးဟာ မန်နေဂျင်းကို အသုံချပြီး မန်နေဂျာ ဖြစ်နေရပါလား ဆိုတာကို လက်ခံကြဖို့ လိုပါတယ်။ ဒါပေမယ့်လည်း ဒီစီမံခန့်ခွဲခြင်းဆိုတာ ဘာလဲလို့ ဟုတ်တိပတ်တိ သိနေဖို့ကတော့ သိပ်တော့ မလွယ်လှသေးဘူး ထင်ပါရဲ့။
ဒါပေမယ့်လည်း စီမံခန့်ခွဲခြင်းနဲ့ ဘယ်လိုမှ မကင်းနိုင်မှတော့ စီမံခန့်ခွဲခြင်းထဲက လုပ်ဆောင်မှု ငါးမျိုးနဲ့ အခြေခံ လုပ်ငန်းစဉ် နှစ်ရပ်ကိုတော့ စတိလောက် သိထားသင့်ကြပါတယ်။ စီမံခန့်ခွဲခြင်း ပညာရပ်မှာ အဲဒါကလေး ကလည်း တကယ့် အသေးကလေး၊ အစပျိုးရုံ ရှိသေး၊ အခြေခံ သဘောထား ကလေးပဲ ရှိပါသေးတယ်။အဲဒီ အခြေခံအဆင့် သဘောကလေးကို သိတယ်ဆိုရင်လည်း နိစ္စဓူဝ စီမံခန့်ခွဲရခြင်းတွေမှာ အထိုက်အလျောက် တာသွား လိမ့်မယ်လို့ ယုံကြည်ပါတယ်။
ဒီဆောင်းပါးရဲ့ ရည်ရွယ်ရင်းက မိမိတို့ သာမန် ပြည်သူတွေဟာ စီပွားရေး လုပ်ငန်းတစ်ခု၊ ၀န်ဆောင်မှု လုပ်ငန်းတစ်ခု၊ အဖွဲ့အစည်း တစ်ရပ်၊ ဌာနအုပ်စု တစ်စုကို ထူထောင်ဦးစီး ကွပ်ကဲမှု ပြုရလိမ့်မှာ မဟုတ်တာမို့၊ အနည်းဆုံးတော့ မိမိတို့ မိသားစုဘ၀ တိုးတက် ရှင်သန်ရေးအတွက် မိသားစုကို ဦးစီး ဦးဆောင်ရာမှာ နည်းလမ်းကျန မှန်ကန်တဲ့ စီမံခန့်ခွဲခြင်း နည်းနာလေးများ ရရာ ရကြောင်း အကြံကောင်း ပေးနိုင်ဖို့ တင်ပြ လိုက်ရခြင်းသာ ဖြစ်ပါတယ်။
Categories: နည်းပညာ | အုပ်ချုပ်ရေး

No comments:

Post a Comment

Related Posts Plugin for WordPress, Blogger...