Wednesday, December 24, 2014

ဖက်ဆစ်ဝါဒ ဖက်ဆစ်ဝါဒီ ဆိုသည်မှာ- မျိုးသန့်

ထင်ရှားသော ဖက်ဆစ်ဝါဒကို လက်ခံကျင့်သုံး ခဲ့သူ တချို့


(၂၀) ရာစုအစောပိုင်းကာလ ပထမကမ္ဘာစစ်ကြီးဖြစ်ပွား ခဲ့ချိန်လောက်က ဥရောပတိုက်တွင် ဖက်ဆစ်ဝါဒ စတင်ပေါ်ပေါက်လာ ခဲ့တယ်။  အမျိုးသားရေးကို အခြေခံသော လှုပ်ရှားမှုတွေက ပြင်သစ်နိုင်ငံမှာ ဖွံ့ဖြိုးလာ ခဲ့ပြီး၊ နောက်ပိုင်းတွင် အီတလီ၊ စပိန်နှင့် ပေါ်တူဂီနိုင်ငံတွေ ဆီသို့ ပြန့်နှံ့သွား ခဲ့တယ်။ ၎င်းအမျိုးသားရေးကို အခြေခံ၍ ဖက်ဆစ်ဝါဒအဖြစ် အီတလီနိုင်ငံမှာ စတင်လာ ခဲ့လေတယ်။


အာရှအရှေ့ဖျားမှာတင် ဖက်ဆစ်ဂျပန်စစ်တပ်ကြောင့် (၁၉၃၇) ခုနှစ် ဒီဇင်ဘာလ (၁၃) မှ စတင်၍ (၃) ပတ်အတွင်းမှာ ယနေ့ကွန်မြူနစ်တွေ အာဏာ မရမှီ တရုတ်ပြည်သူ့ သမ္မတနိုင်ငံ၏ မြို့တော် နန်ကင်းရှိ တရုတ်လူမျိုး (၃) သိန်းနှင့် ဒုတိယကမ္ဘာစစ်ကြီးအတွင်းမှာ ဥရောပရှိ ဂျူးဘာသာဝင် (၆) သန်းဟာ ဖက်ဆစ်တွေ၏ ရက်ရက်စက်စက် အသတ်ခြင်းကို ခံခဲ့ရတယ်။ ထို့ကြောင့် ဖက်ဆစ်ဝါဒဟာ အင်မတန် ရက်စက်ပြီး၊ လူသားအချင်းချင်းအပေါ်မှာ တရိစ္ဆာန်တွေလိုမျိုး၊ ကြီးနိုင် ငယ်ညှဉ်းလုပ် ကြတော့၊ တနေ့မှာ သူတို့ထက် ကြီးတဲ့ သူတွေနဲ့ တွေ့မှ ဖက်ဆစ်ဝါဒီတွေ ခံခဲ့ရတော့တယ်။

ထင်ရှားသော ဖက်ဆစ်ဝါဒကို လက်ခံကျင့်သုံး ခဲ့သူ တချို့

ဖက်ဆစ်ဝါဒီတွေက နိုင်ငံကို ကွဲပြားမသွားရအောင် ဗဟိုချုပ်ကိုင်သော အာဏာရှင်စနစ်ဖြင့် ထိန်းချုပ်ထားပြီး၊ နိုင်ငံ၏ လူများစု လူမျိုးနှင့် ၎င်းလူများစု လူမျိုးတို့ ကိုးကွယ်ရာ ဘာသာကို အခြေပြုတယ်။ နိုင်ငံတော်၏ အခြေခံမူများကို ချမှတ်ပြီး၊ အမျိူးသားရေး တာဝန်များအဖြစ် ဆောင်ရွက်ရန် ခိုင်မာသော ခေါင်းဆောင်မှုကို တည်ရှိစေတယ်။ အဲဒီခေါင်းဆောင်မှုကို ဖက်ဆစ်ဝါဒီတွေက အဓမ္မ ရယူထား တတ်တယ်။

ဖက်ဆစ်ဝါဒီတို့၏ အလံ တချို့ဖက်ဆစ်ဝါဒီတို့၏ အလံ တချို့ဖက်ဆစ်ပါတီတွေ၏ အမှတ်တံဆိပ် တချို့ဖက်ဆစ်ပါတီတွေ၏ အမှတ်တံဆိပ် တချို့

ဖက်ဆစ်ဝါဒဟာ အမိန့်အာဏာကို အခြေခံသော အာဏာရှင်စနစ် ဖြစ်ပြီး၊ စရိုက်လက္ခဏာတွေက အမျိုးမျိုး ရှိတတ်တယ်။သို့သော် မည်သည့် နိုင်ငံရှိ မည်သည့် ဖက်ဆစ်စနစ် တွင် မဆို- တူညီချက် (၄) ချက်နှင့် စရိုက်လက္ခဏာ (၁၄) ခုတို့ကို  အကြမ်းဖျင်းတွေ့ ရှိနိုင်တယ်။

(၁) စစ်ရေးဝါဒ။ ဖက်ဆစ်ဝါဒီတွေက စစ်ဝါဒကိုသာ အမြဲ အားပေးတယ်။ နိုင်ငံရေးဆိုင်ရာ ကိစ္စတွေမှာ စာပွဲဝိုင်းမှာ တွေ့ဆုံဆွေးနွေး အဖြေရှာရေးထက် လမ်းမတွေပေါ်မှာသာ အင်အားသုံး ဖြေရှင်းခြင်းနှင့် စစ်မြေပြင်မှာ လက်နက်ကိုင်ပဋိက္ခနည်းများကို သုံးခြင်း စသည်တို့ ရှိခြင်း။

(၂) အမျိုးသားရေးဝါဒ။ ဖက်ဆစ်ဝါဒီတွေ၏ အမြင်က နိုင်ငံတခုဟာ သမိုင်းကြောင်းအရ တည်ရှိလာသော မိမိလူမျိုး၊ မိမိနိုင်ငံနှင့် မိမိစစ်အင်အားကို အခြေခံပြီး၊ မိမိလူမျိုး တမျိုးတည်းကို အခြေတည်း ဖွဲ့စည်း ရမယ်။ ထို့ကြောင့် မိမိလူမျိုး၊ မိမိဘာသာ သာသနာမှ လွဲ၍ အခြားလူမျိုး၊ အခြားဘာသာ သာသနာတို့ကို လက်မခံဘဲ နည်းမျိုးစုံဖြင့် နှိပ်ကွပ်ထားခြင်း။

(၃) မိမိနှင့် အကျိုးတူများအချင်းချင်း သွေးစည်းညီညွတ်ခြင်း။ ဖက်ဆစ်ဝါဒက မိမိနှင့် တူသော ဘာသာ သာသနာ၊ မိမိနှင့်တူသော လူမျိုး၊ မိမိနှင့် အကျိုးတူသော လူပုဂ္ဂိုလ်များ အချင်းချင်းသွေးစည်း ညီညွတ်ရေးကို အခြေခံသည့် လူမှု့အသိုင်းအ၀ိုင်းကို ဖေါ်ထုတ်ထားခြင်း။

(၄) အာဏာရှင်စနစ်။ ဖက်ဆစ်ဝါဒီတွေ၏ အယူအဆက အာဏာရှင်စနစ်ကို အခြေခံပြီး၊တခြားပုဂ္ဂိုလ်များ၊ တခြားလူမျိုးများ၊ တခြားဘာသာ သာသနာများနှင့် တန်ဖိုးများကို အသိအမှတ် မပြုခြင်းဖြင့် မိမိဘာသာ သာသနာ၊ မိမိလူမျိုး၊ မိမိအကျိုးကို အခြေခံသော အစိုရတရပ် ဖြစ်ပေါ်စေရေးနှင့် နိုင်ငံရေးအာဏာကို လက်ဝါးကြီး အုပ်ထားခြင်း။ နိုင်ငံသူနိုင်ငံသား များ၏ နေ့စဉ်ဘ၀တွေ အပေါ် လွှမ်းမိုးချုပ်ကိုင် ထားပြီး၊ အရာရာဟာ နိုင်ငံတော်ပိုင်ဖြစ်သည်ဟု ယူဆ၍ နိုင်ငံရေးဆိုင်ရာ အယူအဆများ၊ ယဉ်ကျေးမှုဆိုင်ရာ ကိစ္စများ၊ နိုင်ငံနှင့် နိုင်ငံသူ နိုင်ငံသားတို့ ပိုင်ဆိုင်မှုတို့ကို ၎င်းတို့မှ လွဲ၍ အခြားသူများပိုင်ဆိုင်ခွင့်၊ ဖေါ်ထုတ်ခွင့်၊ သုံးစွဲခွင့် မရှိအောင် ဖိနှိပ်ထားခြင်း။

ဖက်ဆစ်ဝါဒီတွေ အချင်းချင်း အုပ်စုဖွဲ့ ထားပြီး၊ ၎င်းတို့၏ အုပ်စုဝင် ပုဂ္ဂိုလ်များက လူထုဆက်သွယ်ရေးစနစ်၊ ၀ါဒဖြန့်ချီရေးနှင့် အခြားနည်းလမ်းများကို အသုံးချ၍ လူမြင်ကွင်းမှာ ၎င်းတို့ကိုယ် ၎င်းတို့ဟာ အမျိုးသားရေး၊ ဘာသာ သာသနာရေးတို့ကို ကာကွယ် စောင့်ရှောက်နေသူများ အဖြစ် ထင်မြင်လာအောင် လုပ်ဆောင်ပြခြင်း။

ဖက်ဆစ်ဝါဒီတွေက စစ်ဝါဒ၊ အမျိုးသားရေးဝါဒ၊ မိမိနှင့် မိမိအကျိုးတူများ အချင်းချင်း သွေးစည်းညီညွတ်ခြင်းနှင့်အတူ အာဏာရှင်စနစ်တို့အခြေခံပြီး၊ ၎င်းတို့၏ အတွေးအခေါ် အယူအဆ များက နိုင်ငံတွင်းရှိ လူများစု၏ လူမျိုး၊ လူများစု ဘာသာကို အခြေခံပြုထား သယောင်ဖြင့်၊ အရာရာမှာ နိုင်ငံတော်နှင့် အမျိုးသားရေးအတွက် ဆိုပြီး၊ လုပ်ပိုင်ခွင့် အာဏာ အားလုံးကို နည်းမျိုးစုံဖြင့် ဗဟိုပြု  ဦးစီး ချုပ်ကိုင်သော အာဏာရှင်စနစ်ကိုသာ တည်မြဲနေအောင် ၀ါဒဖြန့်ချီရေး လုပ်တယ်။

အမျိုးဘာသာ သာသနာအခြေခံထားတော့၊ ဖက်ဆစ်ဝါဒီတွေကို ဘာသာရေးခေါင်းဆောင်တွေလည်း ထောက်ခံ ခဲ့ကြတယ်။အမျိုးဘာသာ သာသနာအခြေခံထားတော့၊ ဖက်ဆစ်ဝါဒီတွေကို ဘာသာရေးခေါင်းဆောင်တွေလည်း ထောက်ခံ ခဲ့ကြတယ်။

ထိုကြောင့် ဖက်ဆစ်ဝါဒီတို့သည်-
(၁) အမြဲတမ်း အမျိုးသားရေးကို ဘန်းပြခြင်း
(၂) လူ့အခွင့်အရေးများကို မလိုတမျိုး လိုတမျိုး လုပ်ခြင်း
(၃) သူတပါးကို အမြဲ အပစ်ရှာ ရန်လုပ်ခြင်း
(၄) စစ်တပ်တခု တည်းကသာ နိုင်ငံကို မပြိုမကွဲအောင် စုစည်းထားနိုင်တယ်ဟု သတ်မှတ်ပြီး၊ အရပ်သားနိုင်ငံရေးပါတီများနှင့် အရပ်သားနိုင်ငံရေးသမားများကို အထင်သေးခြင်း
(၅) အမျိုးသားများကိုသာ အရေးကြီးသော နေရာပေးပြီး၊ အမျိုးသမီးများကို နေရာ မပေးသည့် အပြင် လိင်ပိုင်းဆိုင်ရာနှင့် အသက်အန္တရာယ်ရှိသည်အထိ အကြမ်းဖက်မှုများ ရှိခြင်း
(၆) လူထုဆက်သွယ်ရေးစနစ်ကို ပုံစံအမျိုးမျိုးဖြင့် ထိန်းချုပ် (သို့မဟုတ်) အသုံးချခြင်း
(၇) အမျိုးသားလုံခြုံရေးကို အကြောင်းပြ၍ အတိုက်အခံများကို အမျိုးသားသစ္စာဖေါက်အဖြစ် သတ်မှတ်ခြင်း
(၈) အမျိုးဘာသာ သာသနာကို စောင့်ထိန်းသူများအဖြစ် ပုံဖော်ကာ အတိုက်အခံများကို အမျိုးဘာသာ သာသနာကို မစောင့်ထိန်းသူများအဖြစ် အမြဲတမ်း အပစ်တင်နေခြင်းနှင့် အမျိုးမတူ ဘာသာမတူ စကားမတူသော သူတွေကို မလေးစား ရန်လို မုန်းထား တိုက်ခိုက်ခြင်း
(၉) နေရာတကာမှာ နိုင်ငံတော်အတွက် ဆိုပြီး၊ နိုင်ငံသူနိုင်ငံသားများ၏ အခွင့်အရေးများကို ကန့်သတ်ချုပ်ချယ်ထားခြင်း၊ နိုင်ငံရေးနယ်ပယ်တွင်သာ မက စီးပွားရေး နယ်ပယ် ထဲမှာပါ လွှမ်းမိုးချုပ်ကိုင် ထားခြင်း
(၁၀) အလုပ်သမား၊ လယ်သမား၊ ကျောင်းသားများစသော လူထုလူတန်းများ၏ အင်အားကို အားနည်းအောင် လုပ်ခြင်း
(၁၁) ပညာတတ်နှင့် အနုပညာရှင်များကို မလိုတမျိုး လို တမျိုးလုပ်ပြီး၊ ဖိနှိပ်ထားခြင်း (သို့မဟုတ်) ၎င်းတို့အကျိုးကို ထမ်းဆောင်လျင် အခွင့်အရေးပေးခြင်း
(၁၂) နိုင်ငံရေးသဘာထား ကွဲလွဲသူများကို ရာဇာဝတ်သားများအဖြစ် သတ်မှတ် အရေးယူ အပစ်ပေးခြင်း (သို့မဟုတ်) အခွင့်အရေးပေး စည်းရုံးခြင်း
(၁၃) စီးပွားရေးနယ်ပယ် ထဲတွင် ခရိုနီ (ခေါ်) အခွင့်ထူးခံ ငွေရှင်ကြေးရှင် အရင်းရှင်များ အဖြစ် ရှိနေပြီး၊ လာဘ်ပေး လာဘ်ယူမှုများ အကြီးအကျယ် ရှိခြင်း
(၁၄) ရွေးကောက်ပွဲတွေမှာ မသမာမှုများ ပြုလုပ်၍ မဲခို မဲလိမ်ခြင်းနှင့် အခြား မသမာမှုများသည် တနည်းတဖုံဖြင့် တည်ရှိနေခြင်း စသဖြင့် ရှိတယ်။

အချူပ်အားဖြင့် ဆိုရသော် ဖက်ဆစ်ဝါဒက အာဏာရှင်စနစ်ဖြင့် တည်ရှိနေတော့၊ ဖက်ဆစ်ဝါဒီတွေက ဒီမိုကရေစီစနစ်ကို လက်မခံနိုင်ပေ။ ဖက်ဆစ်အစိုးရတွေက နိုင်ငံအတွင်း လူမျိုးရေး၊ ဘာသာရေး၊ လူတန်းစားရေး၊ ပဋိပက္ခတွေကို ဖန်တီးပြီး၊ နိုင်ငံတော်၏ အမျိုးသားစည်းလုံးကို ထိန်းထားတတ်တယ်။ နောက်ပြီး၊ မိမိနှင့် အကျိူးစီးပွားတူများ၊ ဘာသာရေးလူမျိုးရေး အစွန်းရောက်သူများဖြင့် အမျိူးသားရေးအတွက် သွေးစည်းမှုယူကာ၊ လူနည်းစုဝင် လူမျိုးများ၊ ဘာသာဝင်များကို ရန်လုပ် အန္တရာယ်ပေးကာ အဖြေရှာတတ်ပြီး၊ ၎င်းတို့၏ အာဏာတည်မြဲရေးကို အမြဲရှေ့ရှုတတ်တယ်။

ဖတ်သည့်အတွက် ကျေးဇူးတင်လျှက်- မျိုးသန့်

အချိန် ရလျင် ကျွန်တော်၏ ဒီမိုကရေစီအတွက် ရုန်းကန်ကြ - အမှတ်စဉ် (၁၂) ၏ ဖက်ဆစ်တွေ အကြောင်းတချို့ကို ဖတ်လို့ ရအောင် လင့် (ခ်) လုပ်ထားပေး ထားတယ်။

https://www.facebook.com/notes/myo-thant/ဒီမိုကရေစီအတွက်ရုန်းကန်ကြ-အမှတ်စဉ်(၁၂)မျိုးသန့်/10152652111539302

No comments:

Post a Comment

Related Posts Plugin for WordPress, Blogger...