Sunday, January 4, 2015

မူလန်တန်းပညာရေးအတွေးအခေါ် ( ၄)


အိမ်စာ ( homework )
တကယ်တော့ homework ဆိုတဲ့ အင်္ဂလိပ် ဝေါဟာရကို ကျွန်တော့် အနေနဲ့ လူအများစု လက်ခံထားတဲ့ အတိုင်း အိမ်စာလို့ ဘာသာပြန်ရတာတောင်မှ အတော်ကလေး ခက်ခဲပါတယ်။ Homework ( အိမ်စာ ) ဆိုတာ ကျောင်းက ပေးလိုက်တဲ့ စာတွေ ၊ လေ့ကျင်ခန်းတွေကို သင်ယူလေ့လာတာပါ။ သင်ယူတဲ့ နေရာမှာကိုယ့်အိမ်က လူကြီးတွေဆီက စာနဲ့ ပတ်သတ်မှုက အစ ၊ သူတို့ရဲ့ သမိုင်း ၊ ဘ၀ အဖြစ်အပျက်တွေကို သင်ယူမှုအထိပါပါတယ်။ သင်ယူမှုနဲ့ ပတ်သတ်တဲ့ အရာတွေကို အိမ်မှာ လုပ်ကိုင်ရတဲ့ အလုပ်တွေပါပဲ ။ ကျွန်တော်တို့ ဆီမှာ အဲဒီလို ပညာရေးယဉ်ကျေးမှု မျိုး မရှိသေးတော့ ကာ အိမ်စာလို့ မြင်ရင် စာတွေ လုပ်ရုံသက်သက် ၊ အလွတ်ကျက်မှတ်ရုံသက်သက်လို့ ထင်သွားနိုင်ပါတယ်။ ဘာသာပြန်ထဲမှာပါ တဲ့ “ စာ ” ၀ါ အိမ်စာ လို့ ဆိုကတည်းက အိမ်မှာ စာတွေ ၊ လေ့ကျင်ခန်းတွေ သက်သက်လုပ်ရုံလို့ ယူဆချင်စရာ ဖြစ်သွားရတာပါပဲ။ အလွတ်ကျက်မှတ်လုပ်ကိုင်ရမယ့် ဆိုတဲ့ သဘောနဲ့ လည်း နီးကပ်သွားနိုင်တယ်။ ဒါပေမယ့် အိမ်စာ ဆိုတဲ့ အသုံးအနှုန်းက စကားလုံးကျစ်ကျစ်နဲ့ အတိုင်းအတာတစ်ခု အထိတော့ ခြုံငုံမိပါတယ်။ စာလုပ်ခြင်း သက်သက် ဆိုတာ ထက် ကျော်ကြည့် နိုင်ဖို့ပဲ အရေးကြီးပါတယ်။ 

ယနေ့ကလေးတွေရဲ့ အိမ်စာ
ဗြိတိန် အစိုးရ ချမှတ်ထားတဲ့ ပညာရေးဆိုင်ရာ လမ်းညွန်ချက်တွေထဲမှာ မူလတန်းက ကလေးငယ် တွေ ဟာ တစ် ပတ်မှာ အနည်းဆုံး တစ်နာရီလောက် အိမ်မှာ စာဖတ်ခြင်း ၊ စာရေးခြင်း အလုပ်လုပ်ကို လုပ်ရပါမယ်တဲ့ ။ ကျွန် တော်တို့ကလေးတွေများကြားရင် ဘယ်လိုများခံစားရမလဲ မသိပါဘူး ။ ကျွန်တော်တို့ ဆီက ကလေးတွေဟာ ကျောင်းသွား တတ်တဲ့ အခါလည်း ပြင်ပသင်ရိုးမရှိ ၊ စာသင်ခန်းအတွင်း နှုတ်ဆက်ငြိမ်သက်ရင်း အရေး ၊အဖတ် တွေကို ဒလစပ်သင် ကြားရပါတယ်။ ကျွန်တော်တို့ရဲ့ ပညာရေးက သူငယ်တန်းမှာတောင် စာမလိုက်နိုင်မှာ ဆိုးလို့ မူကြိုတောင် စာတွေအများကြီးသင်ကြားနေတဲ့ ခေတ်ကြီးပါ။ပြန်ဆက်ရရင် ကလေးငယ်တွေ ကျောင်းတတ်ပြီး အိမ်ရောက်တဲ့ အခါမှာ ကျူရှင်ဆိုတာနဲ့ သင်ကြားရပါသေးတယ်။ တစ်ချို့ကလေးငယ်တွေဆိုရင် ဂိုက် ဆိုတာမျိုးတောင်ထက်ပြီး ရှိနေပီ ။ အိမ်မှထပ်ဆင့် သင်ကြားရတဲ့ အပြင် ဂိုက်တွေနဲ့ တစ်ပတ်မှာ လေးငါးရက်လောက် လေ့လာကြရပါတယ်။ တစ်ချို့ တင်းကြပ်တဲ့ မိဘများဆို သူတို့ကိုယ်တိုင် တောင်မှ ထပ်ပြီး စာကျက်မှတ် ခိုင်းတာတွေ လုပ်ပါသေးတယ်။ မူလတန်းငယ်တွေ အလွန်အကျွံ စာသင်ယူနေရပြီး သူတို့မှာ ကစားချိန်နားချိန်တွေ အတော်ကလေး ရှားပါသွားတာတွေ့ရမယ်။ နေ့လည် ဆယ်နာရီ ကျောင်းတတ်ပြီး သုံးနာရီ လောက်ကျောင်းဆင်းရတဲ့ ကလေးတွေဆိုရင် ကစားချိန်ဆိုတာ မရှိသဘောက်ပါပဲ ။ ကျောင်းကားက သူတို့ကို မနက် ရှစ်နာရီလောက်ကတည်းက လာကြိုတာပါ ။ ဒီအတွက် မနက် ၇နာရီလောက်ထပြီး သွားတိုက်ရေးချိုး ၊ မနက်စာစား နဲ့ ပြင်ဆင်ရပါတယ်။ အဲဒီနေ့သင်မယ့် ဘာသာရပ် တွေကို မနက်ကြမှ ထည့်ချိန်မရပါဘူး ။ အများစုက ညကတည်းက ကြိုပြင်ဆင်ရလေ့ရှိပါတယ်။ နေ့လည် သုံးနာရီ ကျော်ကျော်လောက် ကျောင်းဆင်းပြီးတဲ့ အခါ အိမ်ကို ၄နာရီခွဲ ငါးနာရီလောက်ပြန်ရောက်ကြတယ်။ ရေးမိုးချိုးပြီးတဲ့ အခါ သူတို့ရဲ့ကျူရှင် ဆရာမက သူတို့ကို စာကြည့်စားပွဲမှာ အခန့်သားစောင့်နေပါပြီ ။ ပျှမ်းမျှ ရနာရီလောက်မှ သူတို့ပြီး တတ်ကြပါတယ်။ ဒါဟာနေ့စဉ် သူတို့လုပ်နေရတဲ့ အရာပါ ။ အိမ်စာလုပ်ဖို့ အချိန်က ကျူရှင်ဆရာမနဲ့ လုပ်ကြတယ်။ တစ်ချို့လည်း ဂိုက်သက်သက်ခေါ်ပြီးလုပ်ကြတာပါပဲ ။ ကျွန်တော်တို့ သင်ယူနေရတဲ့ ပညာရေးစနစ်ကနေပြန်ပေးနေတဲ့ ရလဒ်နဲ့ ကျွန်တော်တို့ ကလေးတွေ သူတို့ရဲ့ ဘ၀တွေကို ပေးဆပ်နေရမှုနဲ့ ဟာကိုက်ညီရဲ့လားလို့ စဉ်းစားစရာပါပဲ ။ ဒီကြားထဲအိမ်စာ ပေးပုံ မှားယွင်းနေတာတွေ အများကြီး ရှိပါသေးတယ် ။ အဓိက အယူအဆ တွေလွဲမှားနေတာပါ ။ 

အိမ်စာပေးခြင်း
အိမ်စာပေးခြင်း ပထမအယူအဆကတော့ ကျွန်တော်တို့ ကျောင်းတွေမှာလည်းတွေ့နိုင်ပါတယ်။ နေ့လည် ကျောင်းမှာသင်လိုက်တဲ့စာတွေကို ပိုပြီး ခိုင်ခိုင်မာနားလည်နိုင်ဖို့ အတွက် သင်ဆိုင်မယ့် အိမ်မှာ လုပ်ရမယ့် အလုပ် ၀ါ အိမ်စာတွေကို ပေးလိုက်တာပါ ။ ဒါမျိုးတွေ ဖတ်စာအုပ်ထဲက လေ့ကျင့်ခန်းတွေကို လုပ်ဖို့ ဆရာတွေ ညွန်းကြားတတ်ပါ တယ်။ ဒါပေမယ့် မတန်တဆလုပ်ခိုင်းခြင်း ၊ ကျောင်းလေ့ကျင့်ခန်းစာအုပ်ထဲက စာတွေကိုသာလုပ်ခိုင်းခြင်းသာလျင်တွေ့ရ တတ်ပါတယ်။ အိမ်စာပေးခြင်းရဲ့ ဒုတိယရည်ရွယ်ချက်က မိဘတွေနဲ့ ကလေးတွေကို အတူလုပ်ကိုင်စေချင်တာပါပဲ။ အဲဒီလိုလုပ်ကိုင်မှသာလျင် ကလေးရဲ့ပညာရေးမှာ မိဘဆရာ ပူးပေါင်းဆောင်ရွက်ညှိနှိုင်းလုပ်ကိုင်တာဖြစ်တယ်။ အိမ်စာ ပေးတဲ့ နေရာမှာလည်း စာတွေလုပ်ခိုင်တာအပြင် ၊ မိဘ ညီအစ်ကို မောင်နှမနဲ့ ( လေ့ကျင်ခန်းနဲ့ဆက်စပ်ပြီး ) သူတို့ရဲ့ ဘ၀တွေကို မေးမြန်စကားစမြည်ပြောခိုင်တာမျိုး အထိပါပါတယ်။ မိဘတွေ အဲလို ပါဝင်နိုင်အောင်လည်း ကလေးတွေကို အိမ်စာ တွေနင်းကန်မပေးပဲ အနည်းငယ်သာလျင်ပေးခိုင်းတဲ့ သဘောမျိုးကို ဗြိတိန် အစိုးရရဲ့ပညာရေးလမ်းညွန်ချက် မှာ ထည့်ထားတာပါ ။ စာသင်တယ်ဆိုတာ ကျောင်းမှာပဲ ဘာအိမ်စာမှ မပေးဘဲ သင်လို့ရပါတယ်။ အိမ်စာပေးရတာက ကလေးတွေ ကိုယ့်မိသားစုယဉ်ကျေးမှုတွေ ကိုသင်ယူနိုင်ဖို့နဲ့ မိဘတွေဟာ ကလေးရဲ့ ပညာရေးမှာ ပါဝင် အားထုတ်ဖို့ ဆိုတဲ့ အချက်က အရေးတကြီးပါပါတယ်။ မိဘဆိုတာကလည်း အမြဲအားနေတာ မဟုတ်ပါဘူး ။ သူတို့ အလုပ်နဲ့ သူတို့ လုပ်နေရတာပါ ။ ရုံးဝန်ထမ်းဆိုရင် စနေတနင်္ဂနွေ အားနိုင်သေးပေမယ့် လက်လုပ်လက်စားတွေနဲ့ ဆိုင်ကန္ဒာဖွင့်ပြီး လုပ်ကိုင်တဲ့ အရောင်းအ၀ယ်သမားတွေဆိုရင် တစ်နေ့မှာ တစ်နာရီ အားလပ်ဖို့ အချိန်မရှိပါဘူး။ ဒါပေမယ့် ပျှမ်းမျှအား ဖြင့် တစ်ပတ်တစ်ရက်လောက်တော့ အားတတ်ပါတယ်။ ဒါကြောင့် အိမ်စာဟာ တစ်ပတ်မှာ အဲဒီအားလပ်ရက်လုပ် နိုင် လောက်တဲ့ အိမ်စာမျိုးသာ ရှိသင့်တယ်။ ဒါမှမဟုတ်ရင် မူလတန်းကလေးတွေကို အိမ်စာပေးခြင်း ရဲ့သဘောသဘာဝဟာ ပျက်စီး သွားမှာပါ ။ ထပ်ပြောရရင် ကျွန်တော်တို့ဆီမှာ သင်ခန်းစားတွေကို ပိုမိုခိုင်ခိုင်မာမာ နားလည်အောင် အိမ်စာ ပေးတာရှိနေပေမယ့် အဲဒီလို ပေးခြင်းမှာတောင် စာလုပ်ခိုင်းခြင်းတစ်ခုသာလျင်ဖြစ်နေတယ်။ နောက်ထပ် အနှစ်သာရ တစ်ခုဖြစ်တဲ့ မိဘဆရာ ပူပေါင်းသင်ကြားပေးရေးဖြစ်စဉ်ကို မလုပ်နိုင်ဘူး ။ 

အိမ်စာပေးခြင်းရဲ့ ပြဿနာ
ယေဘုယျအားဖြင့်တော့ ကောင်းမွန်မှန်ကန်တဲ့ အိမ်စာပေးခြင်းကို သင်ယူမှုကို တိုးတက်စေနိုင်တဲ့ အရာ အဖြစ် မူလတန်းပညာရေး ပညာရှင် အများစုက လက်ခံကြပါတယ်။ ဒါပေမယ့် အဲဒီလို စနစ်ကျပြီး ကောင်းမွန်တဲ့ အိမ်စာပေးခြင်း မှာတောင် ပြဿနာတွေရှိနေတယ်လို့ တစ်ချို့ပညာရှင်တွေက ထောက်ပြကြပါသေးတယ်။ လန်ဒန်တက္ကသိုလ်ရဲ့ ပညရေး အင်စတီကျူ သုတေသနကနေ ထုတ်ပြန်တာက အိမ်စာပေးခြင်းကြောင့် မိသားစုထဲမှာ စိတ်တင်းကြပ်မှုတွေ ပိုပြီးဖြစ်ပွား နိုင် ၊ မိသားစုအခြေအနေ ဆိုးဝါးသွားနိုင်လို့ ထုတ်ပြန်တာကလည်း ဆင်ခြင်စရာပါပဲ။ လန်ဒန်သုတေသန အင်စတီကျူ ကလည်း ဒီသဘောမျိုးပါတဲ့ သုတေသနရလဒ်ကို ထုတ်ပြန်ပါသေးတယ်။ ဘာပဲ ပြောပြော အိမ်စာတွေကို မိဘတွေ အနေနဲ့ ပူးပေါင်းပါဝင်လုပ်ကိုင်ရတာ မလွဲတဲ့ အတွက် ဒီပြဿနာတွေတတ်လာနိုင်မယ်။ ကျွန်တော်တို့ဆီမှာ ကလေးပြုစု ပျိုးထောင်ရေးအမြင်အပေါ် လက်တွေ့ လုပ်ကိုင်မှုနည်းပါတဲ့ နိုင်ငံမှာဆိုရင် ကလေးငယ်စာပြရင်း မိဘက စိတ်မရှည် ရိုက်နှက်နေတာတွေအများကြီးပါပဲ ။ ပြီး ရင်း စားဝတ်နေရေးအတွက် ရုန်းကန်နေရတာ နဲ့ မလုပ်ပေးနိုင်တာ၊ အိမ်စာ မပြီး ရင်ကလေးငယ်က ကျောင်းမှာ အရိုက်ခံရ နဲ့ တဖြည်းဖြည်းကျောင်းကို ကြောက်လာတာ၊ သင်ယူမှုကို ကြောက်လာ တာ တွေဖြစ်လာနိုင်တယ်။ ဒါကြောင့် အိမ်စာပေးခြင်းဟာ မိသားစုအတွင်းပြဿနာတွေ ၊ ကလေငယ်တွေရဲ့ စိတ်ရှုပ်ထွေးမှု နဲ့ အကြောက်တရားတွေ တိုးပွားမလာဖို့ အထူးသတိထားဖို့လိုသလို ၊ အဲဒီလို တိုးပွားမလာမယ့် အခြေအနေမျိုးတည်ဆောက် လုပ်ကိုင်နိုင်ဖို့အရေးကြီးတယ်။ ကလေးငယ်တွေကို ကိုယ်ကျင့်တရား နဲ့ စိတ်ဓါတ်ခွန်အားတိုးပွားလာဖို့ အမြဲစောင့် ရှောက်ပေးနေရမှာဖြစ်တယ်။ 

မင်းခက်ရဲ
ဆက်လက်ဖတ်ရှုရန်ကျမ်းကိုး
Department for Education and Employment (1998b) Homework: Guidelines for primary and
secondary schools, Sudbury: DfEE Publications.
Hallam, S. (2004) Homework: The evidence, Bedford Way Papers 21, London: Institute of
Education.
Kidwell, V. (2004) Homework, London: Continuum.

No comments:

Post a Comment

Related Posts Plugin for WordPress, Blogger...