Monday, January 19, 2015

ပက်ဒီလား အရေးအခင်း နဲ့ ကပ်စထရိုရဲ့ အမှောင်ခြမ်း

 “ပက်ဒီးလာ” အရေးအခင်းဆိုတာ ၁၉၇၁ ခုနှစ်မှာ ဖြစ်ပွားခဲ့တယ်။
ကျူးဘားကဗျာ ဆရာ “ဟက်ဗတ်တို ပင်ဒီးလာ” ဟာ အစပိုင်းမှာ ကပ်စထရို ရဲ့ တော်လှန်ရေးကို ထောက်ခံခဲ့ပေမယ့်၊ ၁၉၇၀ တဝိုက်လောက်မှာတော့ ဗြောင်ဝေဖန်လာခဲ့တယ်။ ကပ်စထရို အစိုးရဟာ ပြည်သူတွေ မျှော်လင့်တောင့်တခဲ့တဲ့ အိပ်မက် နဲ့ သွေဖီပြီး လွတ်လပ်စွာ ပြောဆိုရေးသားခွင့်တွေကို တားဆီးချုပ်ကိုင်လာတယ် လို့ ဆိုတယ်။ ဒါကြောင့်လည်း ကပ်စထရို အစိုးရဟာ “ဟယ်ဘတ်တို ပက်ဒီလား” ကို ဖမ်းဆီးလိုက်တယ်။
-------------------------------------------------------------
လက်တင်အမေရိကား ရဲ့ စာပေအနုပညာ မြည်ဟိန်းသံများ
---------------------------------------------------------------
စစ်အေးတိုက်ပွဲအရှိန်မြင့်လာတဲ့ ၁၉၆၀ - ၁၉၈၀ ကာလတွေဟာ လက်တင်အမေရိကားနိုင်ငံတွေအတွက် စိတ်လှုပ်ရှားဘွယ်အကောင်းဆုံး နဲ့ ထိတ်လန့်ကြောက်ရွံ့ဘွယ်နေ့ရက်များကို ဖြတ်သန်းစေခဲ့တယ်။
ချီလီမှာ ဆိုရှယ်လစ်ခေါင်းဆောင် “အာလန်ဒေး” ရဲ့ သက်တမ်းကို ဗိုလ်ချုပ်ကြီး ပီနိုချေး က အာဏာသိမ်းယူမှုနဲ့ အဆုံးသတ်ပစ်လိုက်သလို၊ ကျူးဘားတော်လှန်ရေး ရဲ့ မဟာမိတ်ဖွဲ့မှုတွေဟာ ကျယ်ပြန့်သထက် ကျယ်ပြန့်လာတဲ့အခါ၊ အမေရိကန်ပြည်ထောင်စုကလည်း ကွန်ဒါစစ်ဆင်ရေး ( The Operation Condor ) ကို စတင်လိုက်တယ်။
စီအိုင်အေ ရဲ့ ဦးဆောင်ညွှန်ကြားမှုအောက်မှာ၊ ကွန်မြူနစ်ဆန့်ကျင်ရေး စစ်ခေါင်းဆောင်တွေ နဲ့ လက်ယာနိုင်ငံရေးသမားတွေ ရဲ့ ကွန်ယက်တွေဟာ အာဂျင်တီးနား၊ ချီလီ၊ ကိုလံဘီယာ၊ ပါရာဂွေး၊ ဘရာဇီး -- စတဲ့ တောင်အမေရိကားဒေသတလျှောက် လက်ရဲဇက်ရဲ လှုပ်ရှားလာခဲ့ကြတယ်။ နိုင်ငံတော် အကြမ်းဖက်မှုတွေ ဆက်တိုက်ပေါ်ပေါက်လာခဲ့တယ်။ အာဂျင်တီးနားအစိုးရရဲ့ နိုင်ငံတော်အကြမ်းဖက်မှု ကြောင့် ညစ်ပတ်စုတ်ပဲ့သော စစ်ပွဲတွေဖြစ်ခဲ့ရတယ်။ ကျောင်းသားသမဂ္ဂခေါင်းဆောင်တွေ၊ အလုပ်သမားသမဂ္ဂခေါင်းဆောင်တွေ၊ လှုပ်ရှားတက်ကြွသူတွေ၊ လက်ဝဲနိုင်ငံရေးသမား (၃) သောင်းကျော် အသတ်ခံခဲ့ရတယ်။ တချို့ဆို စာရင်းပျောက်အင်းပျောက် ဖျောက်ဖျက်ခံရတယ်။
နိုင်ငံရေးဖြစ်ရပ်တွေက စာပေအနုပညာသည်တွေအပေါ် ရိုက်ခပ်လာတယ်။ တကယ်တော့


၁၉၆၀- ၇၀ ကာလတွေဆိုတာ လက်တင်အမေရိကားဟာ တကမ္ဘာလုံးက အသိအမှတ်ပြုလေးစားခံရမယ့် စာပေအနုပညာသမားတွေကို မွေးထုတ်ပေးလိုက်တယ်။ ဥပမာ-
 ပီရူးစာရေးဆရာ “မာရီယို ဗားဂတ်စ်” (Mario Vargas Llosa ) ဆိုတာ ၂၀၁၀ မှာ စာပေအနုပညာနဲ့ နိုဘယ်ငြိမ်းချမ်းရေးဆုရှင်ဖြစ်လာခဲ့သူ။  သူဟာ ကပ်စထရို အစိုးရ ကို ပထမပိုင်းမှာ ထောက်ခံခဲ့ပေမယ့်၊ နောက်ပိုင်းမှာ ဆန့်ကျင်ဝေဖန်လာခဲ့တယ်။ လက်ဝဲနိုင်ငံရေးအတွေးအခေါ် မှ ကွန်ဆာဗေးတစ် လက်သစ် နဲ့ လစ်ဘရယ်အယူအဆကို ယုံကြည်လာသူတွေဖြစ်လာခဲ့ကြတယ်။
အာဂျင်တီးနား စာရေးဆရာ “ဂျူလီယို ကော့တာဇာ” ( Julio Cortazar) ဆိုသူကို မော်ဒန်ဝတ္တုတိုရဲ့ ဖခင်အဖြစ်အသိအမှတ်ပြုခဲ့ကြရတယ်။ သူတို့ဟာ လက်တင်အမေရိကားရဲ့ ၁၉၆၀-၇၀ စာပေအနုပညာလှုပ်ရှားမှုကို ဦးဆောင်ခဲ့ကြသူတွေဖြစ်တယ်။ ကဗျာဆရာ ပက်ဒီလား ကို ဖမ်းဆီးခြင်းဟာ လက်တင်အမေရိကန်စာပေအနုပညာအုပ်စုကို စိန်ခေါ်လိုက်ခြင်းဖြစ်တယ် လို့ ယုံကြည်ကြတာကြောင့်
ထင်ရှားတဲ့ လက်တင်စာရေးဆရာတွေ၊ ယန်းပေါဆက် လို နိုင်ငံတကာ စာရေးဆရာတွေက အစ၊ ကပ်စထရို အစိုးရကို ပြင်းပြင်းထန်ထန် ကန့်ကွက်ခဲ့ကြတယ်။
စာပေအနုပညာအသိုင်းအဝိုင်းရဲ့ ဖိအားကြောင့်၊
ကဗျာဆရာ “ပယ်ဒယ်လာ” လွှတ်မြောက်ခဲ့ပေမယ့်၊ ကပ်စထရို အစိုးရဟာ သူ့ကို နိုင်ငံတွင်းက ထွက်ခွင့်မပေးပါဘူး။ အနုပညာသမားတွေ၊ စာရေးဆရာတွေဟာ ကျူးဘားတော်လှန်ရေးကို ငြင်းဆန်ဝေဖန်တဲ့သူ မဖြစ်ရဘူး ဆိုတဲ့ သတိပေးမှုတွေက နေရာယူလာတယ်။ စာပေအနုပညာသမားတွေကို စောင့်ကြည့်နေခဲ့တယ်။
၁၉၇၀ ကာလမှာ ကပ်စရိုအစိုးရအတွက် အလှည့်အပြောင်းတခုလို့ ဆိုရမယ်။ ပညာတတ်တွေ၊ အနုပညာသည်တွေဟာ ကပ်စထရို အစိုးရအပေါ် သံသယကြီးကြီး ဖြစ်လာခဲ့ကြတယ်။
------------------------------------------------------------------
ဘက်မလိုက် လှုပ်ရှားမှု - Non-Aligned Movement (NAM )
------------------------------------------------------------------
ကျူးဘားနိုင်ငံဟာ ဆိုဗီယက်ပြည်ထောင်စုဆီက နိုင်ငံရေး၊ စီးပွားရေး၊ စစ်ရေးအကူအညီယူ ပြီး နီးနီးစပ်စပ်နေခဲ့ပေမယ့်၊ ထူးခြားချက်ကတော့ ဘက်မလိုက်လှုပ်ရှားမှုနိုင်ငံတွေရဲ့ ညီလာခံတွေမှာ ဝင်ရောက်ပါဝင်နေခြင်းပဲဖြစ်တယ်။
၁၉၇၃ စက်တင်ဘာ မှာ ချီလီ စစ်ခေါင်းဆောင် ပီနိုချေး က အာလန်ဒေးအစိုးရကို ဖြုတ်ချခဲ့တယ်။ အောက်တိုဘာမှာ အစ္စရေး နဲ့ အာရပ်ကမ္ဘာကြားမှာ ယွမ်ကစ်ပါး စစ်ပွဲ (Yom Kippur War ) ဖြစ်ပွားခဲ့တယ်။ ဖီဒယ်ကပ်စထရို ဟာ အာရပ်တွေဘက်က ဝင်ရောက်ရပ်တည်ပေးခဲ့တယ်။ အစ္စရေး နဲ့ သံတမန်ရေးအဆက်အသွယ်ဖြတ်ခဲ့တယ်။ ဆီးရီးယားနယ်မြေတွေကို အစ္စရေး ကျူးကျော်မှုလက်အောက်မှ ခုခံရေးအတွက် ကျူးဘားစစ်သားတွေ ထောင်ချီပြီး ပို့ပေးခဲ့တယ်။ အမေရိကန်ဆန့်ကျင်ရေးအုပ်စုတွေ နဲ့ ပူးပေါင်းဆောင်ရွက်ခဲ့တယ်။ ဒါကြောင့်လည်း လစ်ဗျားခေါင်းဆောင် ကဒါဖီ အပါအဝင်၊ အာရပ်ကမ္ဘာအတွက်တော့ ကပ်စထရို ဟာ သူတို့ရဲ့ အခိုင်မာဆုံး မိတ်ဆွေတယောက်ဖြစ်လာခဲ့တယ်။
-------------------------------------
အသားအရောင်ခွဲခြားမှု တိုက်ပွဲများ
-------------------------------------
အမေရိကန်ပြည်ထောင်စုက ကပ်စထရို နဲ့ ချေဂွေဗားရား ကို ရွံရှာခဲ့တာ အဆန်းတော့ မဟုတ်ဘူး။
ချေ ဟာ ကုလသမဂ္ဂရဲ့ စင်မြင့်ပေါ်ကနေ အမေရိကန်ပြည်ထောင်စု ရဲ့ လူဖြူအစိုးရအပေါ် ကျောထောက်နောက်ခံပေးထားတာတွေ၊ လူမျိုးရေးခွဲခြားမှုတွေကို အပြင်းအထန် ဝေဖန်ခဲ့တယ်။ တောင်အာဖရိက အသားအရောင်ခွဲခြားရေး တိုက်ပွဲအတွက် ကျူးဘားရဲ့ စစ်ရေးအရာရှိတွေကို စေလွှတ်ခဲ့တယ်။ ကပ်စထရို အတွက်တော့ အာဖရိကားဟာ ကိုလိုနီနယ်ချဲ့စက်ကွင်းတွေအတွက်၊ အားအနည်းဆုံးနေရာဖြစ်တယ်။ လွတ်မြောက်ရေးတွေကို ကူညီရမယ် ဆိုတဲ့ ယုံကြည်မှုနဲ့ အတူ အန်ဂိုလာ၊ မိုဇမ်ဘစ်၊ ဆိုမားလီးယား၊ တန်ဇိုင်းနီးယား ပြည်တွင်းစစ်ပွဲတွေမှာ စစ်ရေးအရဝင်ရောက်ကူညီပေးခဲ့တယ်။  ဒါကြောင့်လည်း နယ်ဆင်မင်ဒဲလားလွတ်မြောက်လာစဉ်က ဖီဒယ်ကပ်စထရို ရဲ့ ရဲဘော်ရဲဘက် အခန်းကဏ္ဍ ကို ခြီးမွန်းခန်းဖွင့်ခဲ့သလို၊ အာဖရိကားတိုက်ကို အလည်ရောက်လာတဲ့ ကပ်စထရို ကို ရော့ခ် အဆိုတော် တယောက်လို ပြည်သူတွေက ကြိုဆိုခဲ့ကြတယ်။
အရှေ့အလယ်ပိုင်း ပြဿနာမှာလည်း ကျူးဘားရဲ့ ရပ်တည်ချက်က အာရပ်ကမ္ဘာရဲ့ ခံစားမှုအတိုင်းဖြစ်တယ်။
၁၉၇၉ မှာ အီရန်တော်လှန်ရေးအရှိန်ကောင်းလာတော့၊ ကပ်စထရို ဟာ သူ့ရဲ့မြို့တော် ဟားဗားနား မှာ ဘက်မလိုက် လှုပ်ရှားမှုကို ကျင်းပခဲ့ပြီး၊ နယ်ချဲ့ဆန့်ကျင်ရေး၊ အချုပ်အခြာ အာဏာတည်တံ့ရေး နဲ့ တရားမျှတရေး ကြွေးကြော်သံတွေ နဲ့ အတူ ဟားဗားနား ကြေငြာချက်ကို ထုတ်ပြန်ကြေငြာခဲ့တယ်။
ဒါပေမယ့်၊ ဘက်မလိုက်လှုပ်ရှားမှု အဖွဲ့ဝင်တွေ ဟာ ရှုပ်ထွေးလွန်းတဲ့ နိုင်ငံရေးပြဿနာတွေကြားမှာ နက်နက်နဲနဲ ဝင်ရောက်ပါဝင်ခဲ့ပြန်တယ်။ ဥပမာ- အိန္ဒိယ-ပါကစ္စတန် ပဋိပက္ခ နဲ့ အီရန်-အီရတ် စစ်ပွဲတွေမှာလည်း  ဝင်ရောက်ပါဝင်ကြတယ်။ ၁၉၈၉ မှာ ဆိုဗီယက်တပ်နီတော်ဟာ အာဖကန်နစ္စတန် ကို ကျူးကျော်ဝင်ရောက်လိုက်တယ်။ ကပ်စထရို နဲ့ ဘက်မလိုက်လှုပ်ရှားမှုအဖွဲ့တွေဟာ ဆိုဗီယက်ကျူးကျော်မှုကို ရှုတ်ချဖို့ ပျက်ကွက်ခဲ့ကြတယ်။ နိုင်ငံတကာ အသိုင်းအဝိုင်းရဲ့ အမြင်မှာတော့ ကျူးဘားနဲ့ ဘက်မလိုက်လှုပ်ရှားမှုအဖွဲ့တွေဟာ ရာဇဝတ်မှုအပေါ် ငြိမ်သက်စွာ ကျောခိုင်းနေသူများဖြစ်တယ် လို့ ဝေဖန်တိုက်ခဲ့ကြတယ်။
တကယ်တော့ အာဖကန်စစ်ပွဲဟာ ဆိုဗီယက်အတွက်သာမက၊ ကျူးဘားနိုင်ငံရဲ့ ပြည်တွင်းရေးကိုလည်း လာရောက်ထိခပ်လာခဲ့တယ်။ ဖီဒယ်ကြီးဟာ တော်လှန်ရေးလမ်းကြောင်းနဲ့ သွေဖယ်နေပြီး၊ လုပ်ဖေါ်ကိုင်ဘက်တွေကို ဖမ်းဆီးဖို့ ကြိုးစားလာနေပြီ ဆိုတဲ့ သံသယစိတ်က ကြီးထွားလာနေခဲ့တယ်။

ကျူးဘား တော်လှန်ရေး နဲ့ ကြီးပျင်းလာခဲ့သူတွေအတွက်တော့၊ ချေဂွေဗားရား နဲ့ ကပ်စထရိုဟာ လက်တင်အမေရိကားရဲ့ သူရဲကောင်းတွေအဖြစ် သိရှိနားလည်ခဲ့ကြဘူးတယ်။ ဒါပေမယ့် အားလုံး မသိနိုင်တဲ့ ကပ်စထရို ရဲ့ အမှောင်ခြမ်းတွေလည်း ရှိနေသေးရဲ့။
ဆက်လက်ဆွေးနွေးပါအုံးမယ်။ 

No comments:

Post a Comment

Related Posts Plugin for WordPress, Blogger...