Friday, August 28, 2015

ပါကင် အလိုရှိသည်


ပြီးခဲ့သည့် သြဂုတ် ၈ ရက်က ထိုင်းနိုင်ငံသားတစ်ဦးနှင့် အသက် ၁၄ နှစ်အရွယ် မြန်မာအမျိုးသမီး တစ်ဦးတို့ကို တာချီလိတ်မြို့ အမှတ် (၁) ချစ်ကြည်ရေးတံတားအနီး၌ မသင်္ကာဖွယ်ရာ တွေ့ရှိပြီး စစ်ဆေးမေးမြန်းရာမှတစ်ဆင့် မြန်မာ၌ကျယ်ပြန့်လာနေပြီဖြစ်သည့် အပျိုစင်ဈေး ကွက်ကို ရဲတပ်ဖွဲ့က တွေ့ရှိ သွားသည်။
အဆိုပါနိုင်ငံခြားသားက မြန်မာအမျိုးသမီးတစ်ဦးထံမှတစ်ဆင့် ယင်းမိန်းကလေးကို ထိုင်းဘက် တွင် အိမ်ဖော်အလုပ်လုပ်ရမည်ဟု စည်းရုံးပြီး အပျိုရည်ဖျက်နိုင်ရန်အတွက် ခေါ်ယူလာခြင်းဖြစ်နေသည်။
လွန်ခဲ့သည့် နှစ်လခန့်ကလည်း ထိုသူသည် အပျိုစင်အမျိုးသမီးငယ်နှစ်ဦးကို မြန်မာအမျိုးသမီးတစ်ဦးထံမှ ခေါ်ယူထားသူ ဖြစ်နေပြန်သည်။
ရှာဖွေပေးခအဖြစ် ဘတ် ၉ဝဝဝ (ငွေကျပ် ၃ သိန်းနီးပါး) ပေးရသည်ဟု ယင်းထိုင်းနိုင်ငံသားက ရဲထံထွက်ဆိုထားသည်။ နိုင်ငံ၏ ဓလေ့ထုံးတမ်းများအရ မြန်မာအမျိုးသမီးတစ်ဦး၌ တန်ဖိုးထားအပ်သော အရာများထဲတွင် အပျိုစင်ဘဝသည်တစ်ခုအနေဖြင့် ပါဝင်သည်။ အများသူငါ အထူးသဖြင့် အိမ်ထောင်ဘက်က တန်ဖိုးထားတက်ကြသည်။ ထိုအရာသည် ယနေ့ကာလတွင် ကြီးစွာဒုက္ခပေးတော့ မည့် အရာအဖြစ် မြန်မာအမျိုးသမီးထုနှင့်လက် တစ်ကမ်းအကွာတွင် နီးကပ်စွာ သန္ဓေတည်လာနေပြီဖြစ်သည်။ အထက်ပါဖြစ်စဉ်တစ်ခုက နယ်စပ်မြို့တွင် ဖြစ်ပွားခဲ့သည်ဟုဆိုနိုင်သော်လည်း နိုင်ငံအတွင်းပိုင်း မြို့ကြီးမြို့ငယ်များအနှံ့တွင် အလားတူဖြစ်ရပ်များ ဖြစ်ပွားနေခြင်း ရှိ မရှိဆိုသည်မှာ မေးခွန်းထုတ်စရာတစ်ခု ဖြစ်လာသည်။
မြန်မာနိုင်ငံမှာ တကယ်ဖြစ်နေပြီလား
အသက်အရွယ်ပြည့်မီခြင်း မရှိသေးသည့် မိန်းကလေးများ၏ အပျိုစင်ဘဝကို အရောင်းအဝယ်ပြုလုပ်နေသည့်အဖြစ်အပျက်များက လူ အ များသိသာမြင်သာသည့် နေရာ များသို့သတင်းတစ်ခုအဖြစ်များပြား စွာထွက်ပေါ်လာခြင်း မရှိသော်လည်း မကြာသေးမီက ရန်ကုန်မြို့ တွင် ဖြစ်ပျက်ခဲ့သောအမှုတစ်ခုက ယခုကဲ့သို့ အဖြစ်အပျက်များဖြစ်ပျက်နေသည် ကိုကောင်းစွာ အသိပေးလိုက်သလို ဖြစ်သွားခဲ့သည်။ ထိုဖြစ်ရပ်မှာ မိခင် ဖြစ်သူက မိမိ၏သွေးသားအရင်းသ မီးဖြစ်သူ၏အပျိုစင်ဘဝကို တရုတ်နိုင်ငံသားတစ်ဦး ထံသို့ မြန်မာ ကျပ် ငွေ သိန်း သုံးဆယ်ကျော်ဖြင့် ရောင်းစားခဲ့သည့် ဖြစ်ရပ်ပင်ဖြစ်သည်။ မြန်မာနိုင်ငံ လူကုန်တားရဲတပ် ဖွဲ့မှ ဒုတိယရဲမှူးကြီးသက်နောင်က ”ဒီလို ကိ စ္စတွေ ရှိနေပါပြီ”ဟု ပြောသည်။ ထို့ပြင် မြန်မာနိုင်ငံလူကုန်တား ရဲတပ်ဖွဲ့မှ အငြိမ်းစားဒုတိယရဲမှူး ကြီးတစ်ဦးဖြစ်သူ ဦးညွန့်လှိုင်က လည်း အဆိုပါကိစ္စနှင့်ပတ်သက်၍ ယခုကဲ့သို့ ပြောပြန်သည်။
”ရန်ကုန်မြို့ထဲက ပြည့်တန်ဆာ တွေရှိတဲ့ တချို့နေရာတွေမှာ ကား ထိုးရပ်လိုက်ပြီဆိုတာနဲ့ ပါကင်ယူမ လားဆိုပြီး မေးတဲ့ခေါင်းတွေ ရှိ တယ်”ဟု ၎င်း ကပြောသည်။ လိင်ပိုင်းဆိုင်ရာ အသိပညာပေးခြင်း၊ HIV ရောဂါအကြောင်း အသိပညာပေးခြင်းများကို ဆောင် ရွက်နေေ သာ Sex Support Kayin Nation Society မှ အထွေထွေအတွင်းရေး မှူးဦးသန်းထွန်းကလည်း ယခုကဲ့သို့ အသက်အရွယ် မပြည့် မီသေးသည့် မိန်းကလေးများ အပျိုစင်ခန္ဓာကိုယ် ရောင်းစားခြင်းဖြစ်ရပ်သည် မြန်မာ ရွှေ့ပြောင်းလုပ်သားများတွင် များ စွာဖြစ်ပွားနေသည် ကို တွေ့နေရ ကြောင်းဆိုသည်။ ထိုသို့ဆိုလျှင် မြန်မာတွင် အပျိုစင်ဈေးကွက် ကျယ်ကျယ်ပြန့်ပြန့် ရှိလာနေသည်မှာအမှန်ဟု ရဲနှင့်အရပ် ဘက်အဖွဲ့အ စည်းတို့က ယခုအခါတွင် အတည်ပြုလိုက်ကြပြီဖြစ်သည်။
အရင် ဒီလိုတွေ ဖြစ်ခဲ့ဖူးတယ်
၂ဝ၁၅ တာချီလိတ်ကဲ့သို့ပင် ၂ဝ၁၂ ခုနှစ်တုန်းကလည်းအလားတူ ဖြစ်ခဲ့ဖူးကြောင်းမြန်မာနိုင်ငံလူကုန်တားရဲတပ်ဖွဲ့မှ အငြိမ်းစားယူခဲ့ သူဦး ညွန့်လှိုင်ပြောသည်။ သို့သော် မြန် မာနိုင်ငံတွင် မဟုတ်ဟု သူက ပြော သည်။ ထိုင်းနိုင်ငံ၏အရှေ့ဘက်ပိုင်း မြို့တစ်မြို့တွင်ရှိသော မရီနာဆိုသည့် အနှိပ်ခန်းတစ်ခုကို ဝင်ဖမ်းစဉ်လိင် လုပ်သားများထဲမှ အသက် ၁၈ နှစ် အောက် မြန်မာမိန်းကလေး အချို့မှာ ၎င်းတို့၏ အပျိုစင်ဘဝကို ထိုင်းနိုင်ငံသားတို့ထံ ရောင်းစားခံရရင်း အ နှိပ်ခန်းထဲရောက်လာသည်ကို တွေ့ခဲ့ရဖူးကြောင်းပြောသည်။ ”အဲဒီအချိန်က တည်းက တော်တော်များနေပြီဆိုတာ ပေါ်နေပြီ”ဟု ၎င်းက ပြောသည်။ ထို့ပြင် ၂ဝဝ၉ ခုနှစ်ခန့်ကလည်း အသက် ၁၄ နှစ် အ ရွယ် မြန် မာမိန်းကလေးတစ်ဦး၏ အပျိုစင်ဘဝကို အရောင်းအဝယ်ပြုလုပ်ခြင်းဖြင့် နယ်သာလန်နိုင်ငံသားတစ်ဦးနှင့် ကြားမှဆောင်ရွက်ပေးသော ပွဲစားတစ်ဦးကို လူကုန်ကူးမှု ဥပဒေပုဒ်မ ၂၄/၃၂ (လူကုန်ကူမှု နှင့် လူကုန်ကူးမှုတွင် ပူးပေါင်းပါဝင် မှု) ဖြင့် ဖမ်းဆီးခဲ့ရကြောင်း ၎င်းက ဆက် ပြောသည်။ ပြည်တွင်းတွင် မြန်မာအချင်း ချင်းဖြစ်ခဲ့သည့် ဖြစ်စဉ်တစ်ခုလည်း လွန်ခဲ့သည့် ၂ဝဝ၆ ခုနှစ်ကဖြစ်ခဲ့ သည်။ သို့သော် လည်း အဆိုပါပြစ်မှု ကို ကျူးလွန်ခဲ့သည့် အဓိကတရားခံ ဖြစ်သူကို ဖမ်းဆီးရမိခဲ့ခြင်းမရှိဘဲ ကြားမှ စီစဉ်ပေးသည့် ပွဲစားများကိုသာ ဖမ်းဆီး ရမိခဲ့သည်ဟ မြန်မာနိုင်ငံလူကုန်တားရဲတပ်ဖွဲ့မှ အကြီးတန်းအရာရှိကြီးတစ်ဦးက ပြောသည်။
အပျိုစင်ဈေးကွက် နောက်ဆက်တွဲ
အသက်အရွယ်ပြည့်မီခြင်းမရှိသေးသည့် မိန်းကလေးတစ်ဦး၏ အပျိုစင်ခန္ဓာကိုယ်ကို ရောင်းချခြင်း ဓလေ့များပြားလာခြင်း၊ ယင်းထဲတွင် အသက်မပြည့်မီသေးသည့် ၁၆ နှစ် အောက်မိန်းကလေးများမှာ အဓိက ပစ်မှတ်ထားခံနေရပုံနှင့် ပတ်သက် ၍ မြန်မာတွင်လွန်ခဲ့သည့် ဆယ်စု နှစ် နှစ်ခုကျော်ခန့်က သုတေသန တစ်ခုပြုလုပ်ခဲ့ဖူးကြောင်း ဦးအောင် မျိုးမင်းက ပြောသည်။ ထိုစဉ်က ပါကင်(အပျိုစင်)ဆိုသည့် အရာအပေါ် အဓိပ္ပာယ်ဖွင့်ကြရာတွင် အတွေးအ ခေါ်အယူအဆနှစ်မျိုး ဖြစ်ခဲ့ကြသည်ဟု ၎င်းကပြောသည်။
”တရုတ်တွေက ဒါလုပ်ရင် အသက်ရှည်တယ်၊ ယောက်ျားခွန်အားပြည့်တယ်ဆိုတဲ့ အယူအဆ ရှိကြတယ်။ အနောက်နိုင်ငံ သားေ တွ တော်တော်များများ သတ်မှတ်ထားတဲ့ အယူအဆကတော့ လိင်ဆက်ဆံမှုတစ်ခါမှမပြုရသေးတဲ့ သူနဲ့ လိင်မှုပြုလုပ်ရင် HIV ရော ဂါဖြစ် ပွားမှုနှုန်း လျော့မယ်၊ ဖြစ်ပွားမှုမရှိနိုင်ဘူးဆို တဲ့အတွေးတွေ ရှိတယ်။ ပြည့်တန်ဆာလုပ်သားတွေကျတော့ လူတကာနဲ့ ဆက်ဆံကြရတယ်။ ဒီတော့ HIV ဖြစ်ပွားနိုင်တယ်။ ဒီလိုအပျိုစင်ကျတော့ HIV ဖြစ်ပွားမှုမရှိနိုင်ဘူးဆိုတဲ့အတွေး လည်းရှိနေပြန်တယ်” ဟု ၎င်းကပြောသည်။ ယင်းကြောင့် အသက်အရွယ်မပြည့်သေးသည့် အမျိုးသမီးငယ်များသည် ယင်းကဲ့သို့ စိတ်နေသဘောထားရှိသူများ၏ အဓိ ကပစ် မှတ်ထားစရာ သားကောင်ဖြစ်လာခဲ့ပြီး ထိုသို့ သောမှုခင်းများ တဖြည်းဖြည်းများပြားလာခဲ့သည်။ မြန်မာနိုင်ငံ၏ အ ချို့သောနေရာများတွင် အဆိုပါ အပျိုစင်ရောင်းချခြင်းကိစ္စနှင့် ပတ်သက်၍ ထူးခြားသည့် အယူအဆမျိုးရှိသေးကြောင်း မြန်မာနိုင်ငံလူကုန်တားရဲတပ်ဖွဲ့မှ ဒုတိယ ရဲမှူးကြီး ခင်မောင်လှက ပြောသည်။
၎င်းက ”ဒါက ရှမ်းပြည်နယ် အရှေ့ပိုင်းဒေသမှာ၊ အဲဒီဒေသမှာရှိတဲ့ မိန်းကလေးတွေက သူတို့အရွယ်ရောက်ပြီဆိုတာနဲ့ သူတို့ရဲ့ခန္ဓာကိုယ် ကို ဒီလို အပျိုစင်အနေနဲ့ရောင်းစားပြီးရတဲ့ငွေကို မိဘကိုကန်တော့တာကို ကျေးဇူးဆပ်ခြင်းတစ်မျိုး၊ မွန်မြတ်တဲ့ အလုပ်တစ်ခုဆိုပြီးတော့ သူတို့ရဲ့ စိတ်ထဲမှာသတ်မှတ်ထားတယ်။ ရှမ်း ပြည်နယ်ဘက်မှာက ဒါက သူတို့ရဲ့ ဓလေ့ထုံးစံတစ်ခုလို ဖြစ်နေတယ်။ ပြောရရင်တော့ ဒီလို သဘောတူညီမှုနဲ့ လုပ်တယ်ဆိုတာကိုလည်း လူကုန်ကူးမှု လိင်ခေါင်းပုံဖြတ်မှုနဲ့ အရေးယူလို့ရတယ်”ဟုပြောသည်။
နိုင်ငံတကာမှာလည်း ဒီလိုရှိတယ်
ယခုကဲ့သို့ မှုခင်းဖြစ်ရပ်များသည် နိုင်ငံတကာတွင်လည်း များစွာဖြစ်ပွားနေကြောင်းကို တာဝန်ရှိသူများက ယခုကဲ့သို့ပြောခဲ့သည်။ (Equa-lity Myanmar) မှ ဦးအောင်မျိုးမင်းက ”ဒီလိုကိစ္စမျိုးက အာရှဒေသမှာတော့ အရမ်းတွင်ကျယ်တယ်။ ထိုင်းမှာဆိုရင် အပျိုစင် (ပါကင်)ဈေးနဲ့ အပျိုစင်မဟုတ်တော့ဘဲ နောက်ပိုင်း ပါကင်မဟုတ်တော့တဲ့ နောက်မှာသတ်မှတ်တဲ့ဈေး၊ ရတဲ့ဈေးပေါ့ဗျာအရမ်း ကွာကြ တယ်။ ဒီလိုကိစ္စမျိုးဖြစ်ချင်ရင် သာမန်ထက်ပိုတဲ့ ဈေးနှုန်းမျိုးတွေကိုပေးရတယ်။ ပြောရရင်တော့ ရောင်းသူလည်းရှိတယ်၊ ဝယ်သူလည်းရှိ တယ်။ ဒီလိုကိစ္စမျိုး ဖြစ်အောင်လို့ ထောက်ပံ့တယ်ပြောရမလား၊ ပွဲစားပြောရမလား၊ သူလည်း ရှိတယ်။ စစ်တမ်းကောက်တဲ့ အချိန် တုန်းကဈေးနဲ့ဆိုရင် သာမန်ပြည့်တန်ဆာက ထိုင်းဘတ်ငွေ ၁ဝဝဝ ပေးရရင် အပျိုစင်(ပါကင်)က နှစ်ေ သာင်း၊ နှစ်ေ သာင်းကျော်ပေးရ တယ်။ ဒီလိုကိစ္စမျိုးက ကလေးတွေအပေါ်မှာ အသက်မပြည့်သေးတဲ့ သူတွေအပေါ်မှာ လိင်ပိုင်းဆိုင်ရာကျူးလွန်တဲ့ကိစ္စဖြစ်တော့ ပိုပြီးတော့ ဖြစ်ပွားလာစေတယ်”ဟု ဆိုသည်၊။
လူကုန်ကူးမူ၊ HIV ရောပါများ အသိပညာပေးခြင်းပြုလုပ်သည့် Porniss Association မှ မန်နေဂျာ ကိုစည်သူဟန်က ယခု ကဲ့သို့ ဖြစ်ရပ်များသည် ကမ္ဘာ့နိုင်ငံဒေသအသီးသီး နှင့် ကမ္ဘောဒီးယား၊ ထိုင်းနှင့်အာရပ် ဒေသနိုင်ငံများတွင် တွင်ကျယ်စွာ ဖြစ် ပွားနေသော ကိစ္စတစ်ခုဟု ပြောသည်။ အရှေ့တောင်အာရှ၌ အပျိုစင်ရောင်းဝယ်မှု ပြုလုပ်ရာတွင် ကမ္ဘောဒီးယားနိုင်ငံမှာ အထင်ရှား ဆုံးဖြစ်ပြီး ဆင်း ရဲနွမ်းပါးသည့် မိသားစုအချို့က ၎င်းတို့၏ သမီးကညှာတို့ကို ပန်းဦးရောင်းချခြင်းဖြင့် ဘဝထွက် လမ်းရှာကြ သည်။ ဒေါ် လာထောင်ေ ပါင်း များစွာ ရကြ၍ဖြစ်သည်။ ထိုသို့ ပန်းဦးမစွန့်မီ အပျိုစစ် စစ်ဖြစ်ကြောင်း ဆေးစစ်ချက်ထောက်ခံစာလည်း တင်ပြရသေးသည်။
အခုတော့ ပုံစံပြောင်းပြီး လုပ်နေတာတွေလည်းရှိတယ်
အရွယ်မရောက်သေးသော မိန်းကလေးများ၏ အပျိုစင်ခန္ဓာကိုယ်အား အရောင်းအဝယ်ပြုလုပ်ရန် ကြံစည်နေသူများသည် ယခင်က စားဝတ်နေမှုမပြေလည်သော မိသားစုများမှ မိန်းကလေးများကိုသာ အဓိကပစ်မှတ်ထားခဲ့သော်လည်း ယနေ့အချိန်တွင်မူ လူတန်းစား မခွဲခြားတော့ဘဲ အလွှာပေါင်းစုံမှ မိန်းကလေးများကို ပစ်မှတ်ထားနေပြီဖြစ်ကြောင်း ပြောင်းလဲသွားမှုနှင့်ပတ်သက်၍ လူကုန်ကူးမူ၊ HIV ရောဂါများအသိပညာပေးခြင်း လိင်ပိုင်းဆိုင်ရာ အသိပညာပေးခြင်းများကိုဆောင် ရွက်နေသော အခရာအဖွဲ့မှ ဒါရိုက် တာ ဒေါ် ထားထားက ”အခုက အမျိုးသမီးတိုင်းကို ခြိမ်းခြောက်တဲ့ ပြဿနာတစ်ခု ဖြစ်လာပြီ။ ဖြစ်လာပြီဆိုတာကလည်း ဆင်းရဲချမ်းသာ မရွေးဖြစ် လာပြီ။ ကြားထဲမှာလည်း ဆက်သွယ်ပေးတဲ့သူ ရှိတယ်။ ပွဲစားလို့ပြောရမှာပဲ။ အခုဖြစ်နေတာက မနူးမနပ်အရွယ်တွေကို ရည်း စားဖြစ် အောင်လုပ်တယ်။ ကောင်လေးနဲ့ သူတို့ပစ်မှတ်ထားတဲ့ကောင်မလေး ကြိုက်သွားအောင် ချိတ်ပေးတယ်။ ပြီးတော့မှ ဒီလိုရောင်း စားတဲ့ကိစ္စ တွေကိုဆက်ပြီးလုပ်တယ်”ဟု ၎င်းကရှင်းပြသည်။
ဆက်လက်၍ ၎င်းကပင် ” ပြီး ခဲ့တဲ့နှစ်လလောက်က ခြံကြီးဝင်းကြီး နဲ့ နေတဲ့ မိန်းကလေးကို အိမ်ဖော်မိန်းကလေးက ချိတ်ပေးတယ်။ ပါ သွားတယ်။ ကာယကံရှင်မိန်းကလေးကကြာတော့ မဟုတ်မှန်းသိတယ်နဲ့တူပါတယ်။ မိဘကိုပြန်ပြောပြတယ်။ ရန်ကုန်တိုင်းမှာပဲ ဖြစ် သွားတာ။ ဒါပေမဲ့ ကောင်မလေးဘက်က သူ့ ချစ်တဲ့သူကို ရဲပြန်တိုင်ရတဲ့ပုံစံဖြစ်နေတယ်။ ကောင်မလေးက ဆယ့်သုံးနှစ်လောက် ပဲ ရှိသေးတယ်။ နောက်တစ်ခုကအသက် ၂ဝ လောက်။ ကြည့်မြင်တိုင်မှာနေတယ်။ ကောင်မလေးက ရောင်းစားခံရတော့မယ်။ ဒါပေမဲ့ မဖြစ်ခင် ရဲစခန်းမှာ အမှုတွေ ဘာတွေဖြစ်တော့ ကောင်မလေးက သူကိုယ်တိုင် ကျွန်မချစ်သူနဲ့ လိုက်ခဲ့တာပါဆိုပြီးထွက်ဆိုတော့ ဘာမှ လုပ်လို့မရတော့ဘူး။ ကျွန်မတို့လည်း အဲ့ဒီကိစ္စအတွက်နဲ့ ဟိုဘက်က လူကုန်ကူးဂိုဏ်းပဲလားမသိဘူး။ ခြိမ်းခြောက်ခံရတယ်။ ကျွန်မတို့ က ကောင်မလေး မိသားစုဘက်က ပြောလို့ သွားပြီးကူညီတာ။ ကျွန်မတို့လည်း ဘာမှလုပ်လို့မရလိုက်ဘူး။ ဒီလို ပုံစံပြောင်းသွားတာဟာ မိန်းကလေးတွေအတွက် အရမ်း အန္တရာယ်များတဲ့ပုံစံကို ပြောင်းသွားတာ”ဟု ရှင်းပြသည်။
ရဲတပ်ဖွဲ့က ဒီလိုပြောတယ်
အဆိုပါကိစ္စနှင့်ပတ်သက်၍ မြန်မာနိုင်ငံလူကုန်တားရဲတပ်ဖွဲ့မှ ဒုတိယရဲမှူးကြီးသက်နောင်က ”ဒီ လိုအမှုမျိုးဆိုတာက ဖော်ထုတ် ဖို့ခက် တယ်။ အလွတ်သဘော ကြားသိနေ ရတာတွေ ရှိပေမယ့် ဖမ်းမိဖို့ခက်တယ်။ ဖြစ်ပွားတာတွေကလည်း စားဝတ်နေမှုမပြေ လည် တာတွေကိုပဲ ပစ်မှတ်ထားတယ်။ အသက် ၁၆ နှစ် အောက် အမျိုးသမီးတွေကတော့ အဓိကပစ်မှတ်ထားခံရတယ်။ အ ရေးယူမယ်ဆို ရင်တော့ လူကုန်ကူးမှုနဲ့ပဲ အရေးယူတယ်။ ထိုင်းနိုင်ငံမှာ ဆိုရင်တော့ တော်တော်များပါတယ်။ သူတို့က ၁၆ နှစ်အောက် မိန်းက လေးတွေ ကိုသွေးစစ်တယ်။ ပြီးတော့ မှန်ခန်းတွေမှာ ထည့်ထားတယ်။ သွားတဲ့ဖောက်သည်က ကြိုက်တဲ့သူ ကိုခေါ်လို့ရတယ်။ နိုင်ငံတွေအားလုံး မှာ ဒီလိုကိစ္စမျိုးမရှိတဲ့နိုင်ငံဆိုတာတော့ တစ်နိုင်ငံမှ မရှိနိုင်ဘူး။ နိုင်ငံတိုင်းမှာရှိတယ်။ ကမ္ဘောဒီးယားမှာဆိုရင် Child Sex နဲ့ပတ် သက်ပြီး ပေါ်ပေါ်တင်တင်လုပ်ကြတယ်။ ဒါ က မြန်မာနိုင်ငံရဲ့ယဉ်ကျေးမှုအရဆိုရင်တော့ လုံးဝလက်ခံနိုင်စရာမရှိ ဘူး။ တကယ် တမ်းပြောရရင် ဒီလို ကိစ္စမျိုး မြန်မာနိုင်ငံမှာဖြစ်နေတာ တွေကို ဖော်ထုတ်ချင်တာပေါ့ကွာ။ ကိုယ့်တူမ ကိုယ့်သားသမီးအ ရွယ်တွေ ဖြစ်နေ တာကွာ။ ဒါပေမဲ့ ခုနက ပြောတဲ့ အခက်အခဲတွေ ရှိနေတယ်” ဟု ဆိုသည်။
အခက်အခဲတွေက ဘာတွေလဲ
ယခုကဲ့သို့ မြန်မာအမျိုးသမီးတစ်ဦး၏ တန်ဖိုးထားအပ်သော အပျိုစင်ဘဝကို အရောင်းအဝယ်ပြုလုပ်နေသော မှုခင်းများဖော်ထုတ် သည့်နေ ရာတွင် ကြီးမားသည့်အခက်အခဲမှာ နှစ်ဦးနှစ် ဖက်သဘောတူညီစွာ ရောင်းဝယ် သည့်ကိစ္စ ဖြစ်နေ သည်ဟု မြန်မာနိုင်ငံ လူကုန် တားရဲ တပ်ဖွဲ့မှ တာဝန်ရှိသူများနှင့် အရပ် ဖက်လူမှုအဖွဲ့အစည်းများက တူညီ စွာပြောဆိုကြသည်။ ဒုတိယရဲမှူးကြီး သက်နောင် က အဆိုပါကိစ္စနှင့် ပတ်သက်၍ ”အဆိုးဆုံးက နှစ်ဦးနှစ်ဖက်သဘောတူညီစွာ ကျေနပ်လက်ခံကြ ပြီးဖြစ်သွားတဲ့အတွက် ဖော်ထုတ် ဖို့်ဆို တာ ခက်ခဲသွားတာ။ ရောင်းသူဝယ်သူအသံတူတော့ အမှုအခင်းအနေနဲ့ ဖြစ်မလာတော့ဘူး။ အဓိက ပြောရရင်တော့ ကလေးတွေက သူတို့ဘဝရပ်တည်ဖို့ ခက်ခဲတော့ ဒီလိုကိစ္စမျိုးမှာ အသံမထွက်တော့ဘူး။ ရဲတပ်ဖွဲ့ဘက်ကလည်း သတင်းအနေနဲ့ မရရှိတော့ ဘူး”ဟုပြော သည်။
ယင်းဖြစ်ရပ်နှင့် ပတ်သက်၍ အငြိမ်းစားဒုတိယရဲမှူးကြီးဦးညွန့်လှိုင်က ”နှစ်ဦးနှစ်ဖက်သဘောတူညီမှုနဲ့လုပ်ကြတာဖြစ်တော့ ရဲတပ်ဖွဲ့ဆီ ကို အမှုအဖြစ် တက်မလာဘူး။ သတင်းတက်မလာဘူး။ ဖြစ်ပွားတာတွေက ကာယကံရှင်နဲ့ သူ့ရဲ့မိဘပတ်ဝန်းကျင်က သဘောတူ လို့ဖြစ် တာတွေဖြစ်တော့ ခက်တယ်။ အခု တာချီလိတ်မှာ ထိုင်းအထူးစုံစမ်းရေး ဌာနက ဖမ်းမိလိုက်တယ်ဆိုတာက လည်း သူ့ကို ဖော်တဲ့ သူရှိ လို့လို့ပြောရ မယ်။ အဲ့ဒီဖမ်းမိလိုက်တဲ့ ထိုင်းနိုင်ငံ သားက စားဖားကြီး၊ သူနဲ့ အိပ်ခဲ့ဖူး တဲ့ ကလေးတွေက ဟုတ်ပါတယ်။ သူနဲ့ ကျွန်မတို့ အိပ်ခဲ့ဖူးတယ်ဆိုပြီးထွက်ဆိုလို့ ဖမ်းမိလိုက်တာ။ အဲဒီလို ထွက်ဆိုတာမျိုးမရှိရင် ဖမ်းလို့ရမှာ မဟုတ်ဘူး”ဟု ဆိုသည်။
ဒါတွေလုပ်ဖို့ လိုအပ်နေပြီ
လူကုန်ကူးမှု၊ လိင်အကြမ်းဖက် မှုများနှင့်ပတ်သက်၍ အသိပညာပေးခြင်း၊ ကာယကံရှင်များနှင့်တွေ့ ဆုံကူညီခြင်းစသည်တို့ကို ဆောင် ရွက်နေသော အခရာအဖွဲ့မှ ဒါရိုက် တာ ဒေါ်ထားထားက ယင်းကဲ့သို့ ဖြစ်ပွားနေသော ကိစ္စများနှင့်ပတ်သက်၍ ယခုကဲ့သို့ပြောခဲ့သည်။ ”ပြောရရင် မိဘအုပ်ထိန်းသူရဲ့ ဆုံးမပုံ၊ အသိပညာပေးပုံတွေ အရမ်းလိုအပ်တယ်။ ကျွန်မတို့ဆီမှာက လူဆိုတာ ဒီလိုပြောရင်ကြောက် တတ်တယ်၊ ဒီလိုပြောရင်ကြိုက်တတ်တယ်ဆိုတာကို မိဘဖြစ်တဲ့သူက မသင်ပေးဘူး။ ခန္ဓာကိုယ်ဆိုတာ ဒီလိုထိတွေ့ရင် သာယာတတ် တယ်ဆိုတာကို အသိမပေးဘူး။ ကောင်လေး တွေနဲ့လျှောက်မသွားနဲ့ အတူတူအိပ်တာတွေမလုပ်နဲ့ ဆိုပြီးပဲ သင်ပေးတယ်။ အဲဒါတွေက အခု အားနည်းချက်ဖြစ်လာပြီ။ မှန်တာပြောရရင် ကျွန်မတို့ နိုင်ငံသားကလေးတွေဟာ လိင်အသိပညာကိုမရကြ ဘူး”ဟု နိုင်ငံ၏ အခြေ အနေကို သုံးသပ်သည်။
ထို့ပြင် ၎င်းက ”ကျွန်မတို့က လိင်အသိပညာပေးဆိုရင် လူတွေက လိင်ဆက်ဆံတာကိုသင်ပေးမယ်ထင်ကြတယ်။ အမှန်ကမဟုတ်ဘူး။ လိင်ဆက်ဆံတာက လူမပြောနဲ့ တိရစ္ဆာန်တောင် သင်ပေးစရာမလိုဘူး။ လိင်အသိပညာဆိုတာ ခန္ဓာကိုယ်ကို ဒီလိုဖွဲ့စည်းထားတယ်။ ဒီလိုပုံစံရှိတယ်။ ဒီလိုလုပ်ရင် သာယာတတ်တယ်။ ဒါကြောင့် ဒီလိုလာထိရင် ဒီလိုပြန်ပြီးလုပ်ရတယ်။ ဒီလိုလာလုပ်ပြီဆိုရင်မရိုးသားဘူး ဒီလိုသင်ပေးထားရမှာ။ သူတို့ တစ်စုံတစ်ခုကြုံတွေ့ရရင် မှန်ကန်တဲ့ဆုံး ဖြတ်ချက်ကို ချနိုင်ဖို့ မသင်ပေးထားတဲ့အတွက်ထိတွေ့ရင် သာ ယာတတ်တယ်။ မိဘဘက်ကလည်း ဟိုမသွားနဲ့ ဒီမသွားနဲ့ဆိုပြီး ခြိမ်းခြောက်ထားတာပဲရှိတယ်။ အပျိုစင်ဘဝကို ရောင်းစားတဲ့ ပုံစံကဒီ လိုပုံစံကိုပြောင်းသွားတဲ့အတွက် လိင်အသိပညာမပေးထားတဲ့အခါ အရမ်းအန္တရာယ် ကြီးသွားတယ်။ ဒီလိုတွေဖြစ်လာ တာက အစိုး ရနဲ့မိ ဘတွေမှာ အရမ်းတာဝန်ရှိတယ်”ဟု ပြောသည်။
သို့ပါသော်လည်း လက်ရှိဖြစ်ပွားနေသာ အပျိုစင်မိန်းကလေးများ၏ခန္ဓာကိုယ်ရောင်းဝယ်ခြင်းနှင့် ပတ်သက်၍ (Equality Myanmar) ၏တာဝန်ရှိသူတစ်ဦးဖြစ်သူ ဦးအောင်မျိုးမင်းက မြန်မာနိုင်ငံအစိုးရ၏ ဆောင်ရွက်မှုအပေါ်တွင် ”မြန်မာနိုင်ငံမှာ ဖြစ်တယ်ဆို တာက လည်း နိုင်ငံတော်အစိုးရက နိုင်ငံခြားသား ဆိုရင်သိပ်ပြီးမကိုင်ရဲဘူး။ ပြီးတော့ သူတို့ရဲ့သက်ဆိုင်ရာသံရုံးတွေက လည်း သူတို့နိုင်ငံ သားမြန်မာနိုင်ငံ မှာအပြစ်ကျူးလွန်ရင် ထိုက်တန်တဲ့ အပြစ်ပေးဖို့ဆိုတာထက် ကယ် ထုတ်နိုင်ဖို့ကြိုးစားကြတာဆိုးတယ်။ အမှန်ဆိုရင်ပြစ် မှုကျူးလွန်ရင် ဘယ်သူမဆိုထိုက်တန်တဲ့ ပြစ်ဒဏ်ပေးဖို့ ပြုလုပ်ရမှာ”ဟု ဝေဖန်ခဲ့သည်။ သို့သော်လည်း လက်ရှိဖြစ်ပွားနေသော အခြေ အနေများကို ခြုံငုံသုံးသပ်ပါက အမျိုးသမီးငယ်များ၏ မိဘအုပ်ထိန်းသူများမှာ မိမိ၏သားသမီးကို ကောင်း စွာ စောင့်ရှောက်ရတော့ မည် ဖြစ်ကြောင်း အဆိုပါဖြစ်ရပ်များနှင့် ပတ်သက်၍ ဆောင်ရွက်နေသော လူမှုအဖွဲ့အစည်းများက ပြောကြ သည်။မည်သို့ပင် ဖြစ်နေေ စကာမူ ပြည်တွင်းလိင်လုပ်သားဈေးကွက်တွင်တော့ အသက် ၁၈ နှစ်ကျော်လျှင် ဈေးကောင်းမရကြတော့ပေ။ ”ငယ်ငယ်လေးတွေ ရှိလား ပဲ မေးနေကြတော့ အငယ်ကို ကိုယ်တွေက ရှာထားရတော့တယ်။ ဒါမှအကြီးတွေနဲ့ ရောထည့်ပေးလို့ရမှာ။ မဟုတ်ရင်ကိုယ်တွေက ငတ်ေ သမယ်”ဟု ပန်းဆိုးတန်းတစ်နေရာမှ ပြည့်တန်ဆာခေါင်းက လက်ရှိဈေးကွက်အခြေအနေကို ရှင်းပြနေသည်။ ဤသို့ဆိုပါလျှင် ……။
(ပေါ်ပြူလာနယူးစ်သတင်းအဖွဲ့)

No comments:

Post a Comment

Related Posts Plugin for WordPress, Blogger...