Sunday, September 6, 2015

ကိုတင်အေးသို့ ပေးစာ


 

သို့၊
ကိုတင်အေး၊
၁။ ခင်ဗျားကိုမဲသူခိုးလို့စွပ်စွဲကြတာကို၊
ခင်ဗျားမခံမရပ်နိုင်ဖြစ်နေတယ်လို့သိရပါတယ်။
ဝမ်းသာစရာပဲဗျာ။ခင်ဗျားအနေနဲ့ သူခိုးအခေါ်မခံချင်တဲ့စိတ်ဓာတ်ကို
ကျွန်တော်အရမ်းလေးစားပါတယ်။


၂။ ဒါပေမဲ့ဗျာ။ ၂၀၁၀ရွေးကောက်ပွဲတုန်းကလည်း
ကော်မရှင်ဥက္ကဋ္ဌဟာ၊ခင်ဗျားတို့နဲ့၊
တကျိတ်တည်း၊တဥာဏ်တည်းပဲမဟုတ်လား။

အဲဒီပွဲဟာ သူခိုးတွေအတွက်၊
သူခိုးကဥက္ကဋ္ဌလုပ်ပေးခဲ့တဲ့မဲခိုးမဲလိမ်ပွဲကြီးဆိုတာ၊
လူတကာသိနေခဲ့ပါတယ်။

၃။ ဘာဘဲဖြစ်ဖြစ်၊ပြီးတာတွေပြီးပါစေတော့။
လာမဲ့(၂၀၁၅)ရွေးကောက်ပွဲမှာတော့၊
ခင်ဗျားကတိအတိုင်းမဲမခိုးမှာသချာတယ်နော်။

၎။ တကယ်လို့သာ၊အဲဒီရွေးကောက်ပွဲဟာ၊
လွတ်လပ်ပြီးတရားမျှတတဲ့ရွေးကောက်ပွဲဖြစ်ခဲ့ရင်
ခင်ဗျားကိုကျွန်တော်ထိခြင်းငါးပါးနဲ့
ဒူးထောက်ရှစ်ခိုးပါ့မယ်လို့၊
ယောက်ျားကောင်းတစ်ယောက်အနေနဲ့၊
အလေးအနက်ကတိပေးပါတယ်။

၅။ ဒီလိုမှမဟုတ်ပဲ၊အကျင့်ဟောင်းအတိုင်း၊
မဲခိုးမဲလိမ်တဲ့ကိစ္စတွေ၊ဆက်လုပ်တယ်ဆိုရင်တော့၊
ကျွန်တော့်ဆွေစဉ်မျိုးဆက်ဟာ၊
ခင်ဗျားရဲ့ဆွေစဉ်မျုိးဆက်ကို၊
တွေ့လေရာနေရာမှာ၊
သူခိုးမျိုးတွေ၊အာဏာရူးတွေလို့၊
ကမ္ဘာတည်သရွေ့၊ဆက်ခေါ်သွားပါမယ်။

၆။ ကျွန်တော်ရှစ်ခိုးကန်တော့တာကို
ကောင်းစွာခံယူနိုင်ဖို့၊ ကိုယ်စိတ်နှစ်ဖြာ
ကျန်းမာချမ်းသာပါစေကြောင်း၊
ဆုမွန်ကောင်းတောင်းပါတယ်ခင်ဗျာ။

၇။ ကိုတင်အေး၊ကျွန်တော်ပြောတာရှင်းပါတယ်နော်။

မင်းဒင်
ဖူးခက်ကျွန်း
ထိုင်းနိုင်ငံတောင်ပိုင်း။
၂၀၁၅စက်တင်ဘ့ာ(၆)ရက်

No comments:

Post a Comment

Related Posts Plugin for WordPress, Blogger...