Saturday, October 31, 2015

“ ယုံကြည်မှုအကြောင်း ”


မိန်းမပျိုတဦးဟာ လူခြေရှင်းစ ညအချိန်မှာ တယောက်တည်း
အငှားယာဉ်စီးလာပါတယ်။ မဲမှောင်ပြီး လူပြတ်တဲ့ နေရာတွေ
ရောက်တဲ့အခါ လွန်ခဲ့တဲ့ရက်တွေက မသမာသူ အငှားယာဉ်
မောင်းသမားတွေရဲ့ လုပ်ရပ်အချို့ကို ကြားသိရပြီး ငါမှားပြီ
လားလို့လဲ တွေးမိပါတယ်။ ကားသမားကို အကဲခတ်ကြည့်
တော့လဲ ဦးထုပ်ငိုက်ငိုက်နဲ့ တစုံတရာကို သဲသဲမဲမဲ ကြံစည်
နေသလိုလို ။


.
မီးရောင်လင်းတဲ့ လမ်းကျယ်တွေဘက် မောင်းခိုင်းပေမယ့်
မြန်မြန်ရောက်တဲ့လမ်းက မောင်းပေးနေတာပါဆိုတဲ့
အကြောင်း ပြချက်ကလဲ မသင်္ကာစရာ။
.
ဒါနဲ့ လက်ကိုင်ဖုန်းကို ထုတ်ပြီး အိမ်ကလူတွေကို ဆက်သွယ်
တော့လည်း တယ်လီဖုန်းလိုင်းတွေက မမိ။ တခုခုဖြစ်လာရင်
ဘာလုပ်ရမလဲ တွေးရင်း ဇောချွေးလေးများ ပျံလာပါတယ်။
ကံအားလျော်စွာ ဖုန်းလိုင်းမိပြီး အိမ်နဲ့အဆက်အသွယ်ရပါတယ်။
“ သမီးဘယ်နေရာကို ရောက်နေပြီလို့ သတင်းပေးရင်း၊ အိမ်နဲ့
အဆက်အသွယ်မပြတ်အောင် စကားကို ရှာကြံပြီး ပြောနေ
ရတယ်။ အိမ်နဲ့အဆက်အသွယ်ရသွားတော့ အားရှိလာသလို
ခံစားတာမှမကြာသေးဘူး ဖုန်းက ဘတ္ထရီကုန်သွားတော့
ရှိလာတဲ့အားတွေ အပြင် ၊ နဂိုက ရှိတဲ့ စိတ်အားတွေပါ
လျော့ပြီး ကုန်သွားပါတော့တယ်။
.
မလုံမလဲနဲ့ ကားသမားကို အကဲခတ်တော့လည်း ဦးထုပ်ငိုက်ငိုက်
အောက် မျက်နှာက လှောင်ပြုံးပြုံးနေသယောင်ယောင်။
တခုခုဖြစ်လာရင် ဘာလုပ်ရမလဲလို့ အရေးပေါ် ဥာဏ်ထုတ်
တော့လည်း အားငယ်စိတ်ကို မကျော်နိုင်ရှာပါဘူး။
အားသွင်းဖို့ ကြိုးရှိလားလို့ မေးတော့လည်း မရှိဘူးလို့
ဖြေတာကိုက စိုးရိမ်စိတ်ကို ပိုကြီးထွားစေတော့တာပါပဲ။
.
မှောင်ရိပ်ကြီးစိုးတဲ့ နေရာတခုအရောက် ကားသမားရဲ့
လက်ဟာ ဒတ်ရ်ှဘုတ်(Dash Board) ပေါ်ရောက်သွားပြီး
တစုံတရာကို ဆွဲယူလိုက်တာ အထိတ်တလန့် တွေ့လိုက်
ရပါတယ်။ ကားသမားဟာ ထိုအရာကို လက်တဖက်နဲ့
ကိုင်ပြီး ဆွဲမလိုက်တာနဲ့ မိန်းမပျိုဟာ သတိအနေအထားနဲ့
တံခါးလက်ကိုင်ကို လက်ရောက်သွားတော့တာပါပဲ။
ပါးစပ်ကလည်း ဘယ်လိုအော်ရမလဲဆိုတာ ဟန်ပြင်
လိုက်တော့တာပေါ့။
.
“ သမီး...ကျူရှင်က ပြန်ပြီလား။ အဖော်ပါရဲ့လား။ အဖေ
စိတ်ပူနေတယ်။ အဖေလည်း ဒီမှာခရီးသည်တယောက်ကို
ပို့ပြီးရင် ပြန်လာခဲ့တော့မယ်။ အမေ့ကို လမ်းထိပ်ထွက်
ကြိုခိုင်းဖို့ မမှာထားဖူးလား။ ”
ကားသမားရဲ့ ဖုန်းဆက်သံကြားမှ မိန်းမပျိုဟာ သက်ပြင်း
မောကြီး ချနိုင်ပါတော့တယ်။
.
-------*----------*-------------*------------*
.
ကားသမားက ရှင်းပြပါတယ်။ ခရီးသည်ဟန်ဆောင်ပြီး
ကားကို လုယက်မှုတွေရှိနေလို့ ညည့်နက်လူပြတ်တဲ့
လမ်းတွေကို မလိုက်ရဲကြောင်း။ လုယက်သူတွေဟာ
ယောက်ျားတွေပဲ ဖြစ်လိမ့်မယ်လို့ မှတ်ထားရင်တောင်
မပြည့်စုံသေးကြောင်း။ အမျိုးသမီး တဦး ( တချို့ဆို
ကလေးတယောက်တောင်ပါသေး ။ ) ငှားတယ်ဆိုပြီး
လျှော့တွက်လို့မရ ။ လူပြတ်ရာရောက်မှ ရပ်ခိုင်းပြီး
သစ်ပင်အကွယ်က ထွက်လာတဲ့ လက်နက်ကိုင်လုယက်
သူတွေနဲ့ ချိန်းချက်ထားတဲ့ ကြံစည်မှုမျိုးတွေ ရှိဖူးကြောင်း
ပြောပြပါတယ်။
“ အဲဒါကြောင့် ကျနော်တို့ ကားသမားတွေက ဘော်ဒါ
တယောက် ညဘက်ဆို အပိုခေါ်လာရတာဗျ။ ”
“ အာ...ဒါဆို ကျမတို့ ခရီးသည်တွေက ပိုတောင်
မသင်္ကာ သေးတယ်။ ”
“ အဲဒါပြောတာပေါ့ဗျာ။ တဖက်နဲ့တဖက် မယုံကြည်
မသင်္ကာတာနဲ့ပဲ .....။
.
-------*----------*-------------*------------*
.
ကျနော်တို့ လူ့အဖွဲ့အစည်းထဲမှာ ယုံကြည်မှုတွေ
ပျောက်ဆုံးပြီး သံသယတွေနဲ့ သတိကြီးကြီး
ဆက်ဆံနေရတာ ကြာပါပြီ။ သံသယဆိုတာမျိုးကလည်း
အတိတ်ဖြစ်ရပ်တွေအပေါ် အခြေခံကြသလို သတင်း
စကား အကြားတွေနဲ့လည်း မယုံမကြည် ဖြစ်ကြ
တာပါပဲ။
.
အချင်အတွယ်တွေကို မယုံတာ၊ အမျိုးအစားကို မယုံတာ၊
အရည်အသွေးကို မယုံတာတွေထက် အဆိုးဆုံးကတော့
လူကို မယုံတာပါပဲ။
ဆိုင်းဘုတ်တွေ အရောင်တွေ ကြည့်ပြီးတော့လဲ မသင်္ကာ
စိတ်တွေဖြစ်သလို၊
ကတိစကားတွေ ကြားပေမယ့် ကတိပျက်ကွက်တာများခဲ့
ဖူးတာမို့ မယုံနိုင်ကြပါဘူး။
ပြိုင်ဘက်ကို မယုံရတာ ဆိုးရွားသလို၊ ဒိုင်လူကြီးကိုပါ
မယုံရတဲ့အခြေအနေက ပိုပြီးတော့ လက်ခံချင်စရာ
မကောင်းတဲ့ အနေအထားပါ။
.
နားလည်ပေးလို့ရတဲ့သာမာန်လွဲချော်မှုတွေ လောက်နဲ့တော့
မယုံသင်္ကာစိတ်တွေ မကြီးထွားပါဘူး။ အစဉ်အလာ
ဆိုးကြောင့် မသင်္ကာတိုးရတဲ့သူတွေကို အပြစ်မမြင်သင့်ပါ။
ယုံကြည်စရာ ဘယ်လောက်ကောင်းသလဲဆိုတာ
ယုံလောက်အောင် သက်သေပြနိုင်ဖို့ပါပဲ။
.
လူ့အဖွဲ့အစည်းတစ်ခုဟာ မဟုတ်တာလုပ်တဲ့သူတွေကို
ဒဏ်ခတ်နိုင်မှ လူတွေဟာ ယုံကြည်မှုရအောင် ကျင့်ကြံ
ကြမှာပါ။ မဟုတ်တာလည်း လုပ်သေးတယ် ဒဏ်ခတ်
မခံရတဲ့အပြင် လုပ်ပိုင်ခွင့်(သို့မဟုတ်)တစုံတရာ
အရှိန်အ၀ါကြီးနေမြဲဆဲပဲ ရှိသေးတယ် ဆိုရင်တော့
လူတွေက မယုံကြည်တဲ့အပြင်၊ ရွံ့ရှာမုန်းတီးစိတ်ပါ
ပေါင်းပြီး အခွင့်ပေါ်တာနဲ့ ဆန့်ကျင်ကြမှာပါပဲ။
.
ကားသမားနဲ့ ခရီးသည် မသင်္ကာတာထက် ဆိုးတဲ့
ယုံကြည်မှုပျောက်ဆုံးနေတာ....ဘယ်သူနဲ့ဘယ်သူ
တွေလဲ ၊ ဘယ်နေရာမှာလဲဆိုတာ အားလုံးအသိပါ။
.
သံသယကင်းတဲ့လူ့အဖွဲ့အစည်းမှာ သက်ပျင်းမချ
ရဲတဲ့ဘ၀ လွန်မြောက်သင့်လှပါပြီ။

No comments:

Post a Comment

Related Posts Plugin for WordPress, Blogger...