Saturday, October 24, 2015

့ လူ့အခွင့်အရေးနှင့် ဒီမိုကရေစီ ဂျာနယ် နိုဝင်ဘာလ ထုတ် ဒီမိုကရေစီ နှင့် ပရော်ဖက်ရှင်နယ်လစ်ဇင် ( professionalism ) အတွက် အမှာ -


အမှာ
သိပ်မကြာသေးခင်ကာလက ဆရာဝန်တွေကနေ စတင်ပြီး ယခုအခါ ရှေ့နေ ၊ကျောင်းဆရာဆရာမ ၊ လျှပ်စစ်ဝန်ကြီးဌာနက အင်္ဂျီနီယာတွေဟာ ယခင်စစ်အစိုးရဘက်က စစ်တပ်အရာရှိတွေ သူတို့ရဲ့ ဌာနတွေမှာ ၀င်ရောက် ချုပ်ကိုင်ဖို့ ဆက်လက်ကြိုးနေတာကို ဖဲကြိုးတွေ ၀တ်ဆင်ပြီး အကြမ်းမဖက်ငြိမ်းချမ်းစွာ ဆန့်ကျင်ဆန္ဒပြခဲ့ကြပါတယ်။ သင်္ကေတအခြေခံ အကြမ်း မဖက်ဆန့်ကျင်မှု ( symbolic non-violent ) မျိုးလို့ဆိုရပါမယ်။
အသိပညာတတ်တွေရဲ့ ဒီလို အကြမ်းမဖက်ဆန့်ကျင်ရေးဟာ တကယ့် ဒီမိုကရေစီ နိုင်ငံတိုင်းရဲ့ အဓိက လိုအပ်ချက်ကြီးတစ်ခုအတွက် အုတ်မြစ်ချလိုက်ခြင်းဖြစ်တယ် ။ ဒဿနပညာရှင် မီရှယ်ဖူးကိုး ပြောသလိုပဲ ၊ အသိပညာတတ်တွေရဲ့ တာဝန်ကသူတို့အပေါ် လွှမ်းမိုး ထိန်းချုပ်ထားတဲ့ အင်စတီကျူးတွေရဲ့ လည်ပတ်အလုပ်လုပ်ပုံကို ထုတ်ဖော်ဖို့ လိုအပ်တယ်ဆိုတဲ့ အတိုင်း တာဝန်ကျေပွန်စွာ လုပ်ကိုင်လိုက်ခြင်းဖြစ်တယ် ။ အသိပညာတတ်တွေရဲ့ သင်္ကေတာ ဆိုင်ရာ အကြမ်းမဖက်ဆန့်ကျင်မှု ကြည့်ရင် သူတို့ဟာ သူတို့ရဲ့ သက်ဆိုင်ရာ ၀န်ကြီးဌာန ဒါမှမဟုတ် အင်စတီကျူးရှင်းအတွင်းမှာ အသိပညာတတ်တွေရဲ့ တာဝန်ကို ဥာဏ်ပညာရှိရှိယူခွင့်မရဘဲ လွှမ်းမိုးချုပ်ကိုင်ခြယ်လှယ်ခံနေရတာကို အဓိကဦတည်းထားတာဖြစ်တယ်။။ ဒီလိုပဲ အသိပညာတတ်တွေရဲ့ ဆန္ဒပြမှုက သူတို့ရဲ့ Professionalism သူတို့ဘယ်လောက်ထိ တန်ဖိုးထားသလဲ ဆိုတာကိုလည်း ထုတ်ဖော်ပြလိုက်တာကိုတွေ့ရမယ်။ တကယ်လို့များ ဒီမိုကရေစီစနစ်ဖွံ့ဖြိုးတိုးတက်ဖို့အတွက် အရေးကြီးတဲ့ ဒေါက်တိုင်တွေထဲက တစ်ခုဟာ ပရော်ဖက်ရှင်နယ် တွေကို သူတို့ရဲ့ ပရော်ဖက်ရှင်အပေါ်လွတ်လွတ်လပ်လပ်လုပ်ပိုင်ခွင့် ၊ သူတို့ရဲ့ အခွင့်အရေးနဲ့ တာဝန်ယူမှုကို တန်ဖိုး ထား လေးစားခြင်းရယ်လို့ ယုံကြည်မယ်ဆိုရင် ယခုလို ဆန္ဒပြမှုမှာ မြန်မာပြည်ရဲ့ အသိပညာတတ်တွေဟာလည်း သူတို့ရဲ့ အသိပညာနဲ့ ပရော်ဖက်ရှင်နယ်အပေါ်အခြေပြုပြီး ဒီမိုကရေစနစ်တည်ထောင်မှုမှာ သူတို့ရဲ့ အခန်းကဏ္ဍတစ်ရပ်ကို တိတိကျကျတည်ဆောက်လာခဲ့ပြီး ဆိုတာ ကိုတွေ့ရမယ်။ ယခင်အာဏာရှင်စနစ်မှာ ပရော်ဖက်ရှင်နယ်မှန်သမျှဟာ စစ်တပ်အရာရှိတွေရဲ့ ချုပ်ကိုင်မှု အောက်မှ ပြားပြား ၀ပ်ခဲ့ရတယ်။ တစ်ဖက်မှာလည်း စစ်တပ်အရာရှိတွေဟာ သူတို့ရဲ့ ပရော်ဖက်ရှင်နယ်ထက်ကျော်လွန်ပြီး တခြားပရော်ဖက်ရှင်နယ် တွေကို ပါ ထိန်းချုပ်ခဲ့ကြတယ်။ ဒါဟာလည်း တနည်းအားဖြင့်် သူတို့ဟာ သူတို့ရဲ့ ပရော်ဖက်ရှင် နယ်ကို ချိုးဖောက်လိုက်ခြင်းပဲ ။ ပရော်ဖက်ရှင်နယ်သမားတွေ ၊ အသိပညာတတ်တွေဟာ သူတို့ရဲ့ ပရော်ဖက်ရှင်နယ်ကို သူတို့ ချိုးဖောက်ပြစ်တာ ၊ ပရော်ဖက်ရှင်နယ် မှန်သမျှဟာ အာဏာရှိသူတွေရဲ့ ချုပ်ကိုင်မှုအောက် ခံရတာလောက် တိုင်းပြည် ဆုတ်ယုတ်ပျက်စီးနစ်နာစေတာ မရှိပါဘူး ။ ဒါဟာ လူသားအားလုံးရဲ့ ဂုဏ်သိက္ခာမှန်သမျှကို ရိုက်ချိုးပျက်စီး စေခြင်းလည်းဖြစ်တယ်။ တကယ်တော့ ယနေ့ အသိပညာတတ်တွေ ၀ါ ပရော်ဖက်ရှင်နယ်တွေရဲ့ ဆန္ဒပြမှုဟာ ပရော်ဖက်ရှင်နယ် အပေါ် လေးစားတန်ဖိုးထားလာဖို့ အုတ်မြစ်ချကြဖို့ သမိုင်းကြောင်းရဲ့ အစပါပဲ။ ဒါဟာ ဒီမိုကရေစီစနစ်ရဲ့ အသက်သွေးကြော လည်းဖြစ်ပါတယ် ။ ပြီးတော့ပရောက်ဖက်ရှင်နယ်လစ်ဇင်ဟာ တစ်သီးပုဂ္ဂလလူသား တစ်ဦး သက်သက်နဲ့ဆိုင်နဲ့ အရာမဟုတ်ဘူး။ သူ့ရဲ့ ပရော်ဖက်ရှင် လို့ ကင်းပွန်းတပ်ရတဲ့ အရာဟာ အင်စတီကျူးရှင်းနဲ့ ဆိုင်တဲ့ အရာဖြစ်သလို ၊ အများပြည်သူဆိုင်ရာ ကောင်းကျိုးတွေနဲ့လည်းဆက်စပ်နေတယ် ။ ဆရာဝန်တစ်ယောက်ဟာ ဆရာဝန်တစ်ယောက် ဆိုပေမယ့် ဆရာဝန်ဖြစ်မှု ဆရာဝန်ဆိုင်ရာ အင်စတီကျူးရှင်းတွေနဲ့ ပတ်သတ်နေတဲ့အရာလည်းဖြစ်တယ်။ အသိပညာ တတ်တွေရဲ့ အဓိကတာဝန်က သူတို့အပေါ်မှာ လွှမ်းမိုးထားတဲ့ အင်စတီကျူးရှင်တွေကို ဝေဖန် ဖို့ ၊ သူတို့ရဲ့ ပရော်ဖက်ရှင် နယ် အင်စတီကျူးရှင်းတွေဟာ ဂုဏ်သိက္ခာပြည့်ဝပြီး လွတ်လပ်မှု အပြည့်အ၀ ရှိဖို့ ရုန်းကန် ကြိုးစားရမှာဖြစ်တယ်။ ခုတော့ ဖြင့် မြန်မာပြည်မှာ အသိပညာတတ်တွေဟာ သူတို့အပေါ် အထက်အောက်ဖိစည်းမှု လုပ်ဖို့ကြိုးစားနေတာကို တာဝန်ရှိရှိ ထုတ်ပြဝေဖန်လာခဲ့ကြပြီ လို့ဆိုရမယ်။ ဒါဟာ ဒီမိုကရေစီအရေးအတွက် ကြိုးစားကြသလိုမျိုးထက် မနိမ့်ကျတဲ့ ပရောက်ဖက်ရှင်နယ် ပီသမှု ၊ လွတ်လပ်မှု နဲ့ အသိပညာတတ်တို့ရဲ့ တာဝန်ယူမှု လည်းပဲ ဖြစ်တယ်။

No comments:

Post a Comment

Related Posts Plugin for WordPress, Blogger...