Sunday, November 8, 2015

ဗိုလ်ကြီးထွန်းအုံသို့တမ်းချင်း (မင်းဒင်)


(၁)
၁၉၉၂ခုနှစ်။အပူချိန်ပြင်းထန်သောနွေနေ့လည်တခုတွင်ဖြစ်၍ ပဲခူးတိုင်းငြိမ်ဝပ်ပိပြားမှုတည်ဆောက်ရေး အဖွဲ့ ရုံးအဆောက်အဦးအပေါ်ထပ်၏ဝဲဖက်အစွန်ဆုံးအခန်း
၊တောင်ပိုင်းတိုင်းစစ်ဌာနချုပ်စစ်တိုင်းမှူး၏၊ရုံးခန်းရှေ့
တွင်ဖြစ်လေသည်။

“ဗိုလ်ကြီးခင်ဗျာ။ကျွန်တော်တိုင်းမှူးနဲ့တွေ့ဖို့ချိန်းထားလို့ပါ”
“ဟုတ်ကဲ့။ကျွန်တော်ခင်ဗျားကိုသိနေပါတယ်။ခဏစောင့်ပါဗျာ။

ကျွန်တော်အဘကိုစာဖတ်ခိုင်းထားလို့ပါ”
“ဗျာ”
သူ့အဖြေကြောင့်ကျွန်တော့်နှုတ်မှဗျာကနဲအာမေဋိတ်သံ
ထွက်သွားသော်ငြား၊သူ့မျက်နှာကမူပကတိ တည်ကြည်လျက်ရှိ၏။ကျွန်တော်သူ့ကိုတအံ့တသြ
ငေးစိုက်ကြည့်နေမိသည်။သူသည်အသားညို၏။
အသက်သုံးဆယ်ဝန်းကျင်ဖြစ်၍အရပ်အမောင်းအားဖြင့်
မြင့်သည်ဟုမဆိုနိုင်သော်လည်းအနေတော်ဖြစ်၏။၊
စစ်ဝတ်စုံဖြင့်ကြည့်ကောင်းသည်။စစ်ဗိုလ်ဂိုက်ဆိုက်အပြည့်ရှိ၏။
တည်ငြိမ်စူးရှသောမျက်လုံးများရှိ၍၊တင်းတင်းစေ့ထားသည့်
ပိရိသောနှုတ်ခမ်းတို့မှာ အပိုစကားမဆိုတတ်သော သဘောကိုဖော်ပြလျက်ရှိသည်။သို့သော်စိတ်သ ဘောထား တင်းမာ သူမဟုတ်ကြောင်း၊ကျွန်တော်တအံ့တသြဖြစ်နေရခြင်းအတွက်
သူကငြင်သာစွာပေး လာသည့်နောက် ဆက်တွဲ အဖြေစကားကသက်သေခံလျက်ရှိသည်။
“အဘကအလုပ်တွေသိပ်များတော့၊တိုင်းပြည်မှာ
ဘာတွေဖြစ်နေတယ်ဆိုတာသိပ်မသိရှာဘူး။အဘတစ်ယောက်တည်း
တင်မဟုတ်ပါဘူး။ဒီခေတ်တပ်မတော်ခေါင်းဆောင်
တော်တော်များများဟာ၊စာဖတ်အားနည်းကြတယ်။
တကယ်ဆိုပြည်တွင်းပြည်ပမှာနေ့စဉ်နဲ့အမျှဘာတွေဖြစ်နေတာကို၊
တိုင်းပြည်ခေါင်းဆောင်နေတဲ့သူတွေအမြဲတမ်းသိနေသင့်တာပေါ့။
ဒါကြောင့်ကျွန်တော့်အဘကိုတစ်နေ့တနာရီစာဖတ်ခိုင်းထားတာပါ”
ခံယူချက်ထူးခြားသောစစ်ဗိုလ်ပါတကား။စီးပွားရေးသမားဖြစ်သော်ငြား
၊စာဖတ်ခြင်းကိုမြတ်နိုးသောကျွန်တော်သည်၊အာဂစစ်ဗိုလ်နှင့်
တွေ့နေပါပကောဟုစိတ်တွင်ကျိတ်၍မှတ်ချက်ပြုမိ၏။ထိုသူကား၊
ထိုစဉ်ကတောင်ပိုင်းတိုင်းစစ်ဌာနချုပ်တိုင်းမှူး၊ပဲခူးတိုင်းငြိမ်ဝပ်ပိပြားမှု
တည်ဆောက်ရေးအဖွဲ့ဥက္ကဋ္ဌ၏ကိုယ်ရေးအရာရှိအသစ်
ဗိုလ်ကြီးထွန်းအုံဖြစ်လေသည်။
(၂)
အထက်ဖော်ပြပါဖြစ်ရပ်သည်၊ဗိုလ်ကြီးထွန်းအုံနှင့်
ကျွန်တော်ပထမဆုံးအကြိမ်တွေ့ဆုံခဲ့ရစဉ်က၊အတွေ့ အကြုံဖြစ်၍၊ဒုတိယအကြိမ်အဖြစ်သူနေထိုင်ရာသုဝဏ္ဏမြို့နယ်ရှိ
သူ့နေအိမ်တွင်ထပ်မံတွေ့ဆုံကြပြန်ရာ၊ယနေ့ထက်တိုင်
မမေ့တဲ့နိုင်အောင်ဖြစ်ရပြန်ပါသည်။
သူ့နေအိမ်သည်သာမန်အုတ်ညှပ်နှစ်ထပ်အိမ်ဖြစ်၏။
သူအိမ်ထောင်ကျခါစဖြစ်ဟန်ရှိပြီးသူ့မိဘများနှင့်အတူနေသည်။
ကျွန်တော်အိမ်ထဲသို့ဝင်လာသည်ကိုသူကြိုတင်မြင်တွေ့ထားပုံရသည်။
။နှုတ်ဆက်ပုံမှာလှိုက်လှိုက်လှဲလှဲမရှိလှ။ကျွန်တော်လာရင်းကိစ္စမှာ၊
ပဲခူးမြို့မှတည်ဆောက်ရေးလုပ်ငန်းအတွက်၊တိုင်းမှူးအား
ဂါရဝပြုရန်ဖြစ်သည်။တိတိကျကျဆိုရသော်တံစိုးလက်ဆောင်
ခွံ့ရန်ဖြစ်လေသည်။
စင်စစ်ကျွန်တော်သည်တိုင်းမှူးသာမက၊တိုင်းမှူးမိသားစုနှင့်ပါ
ရင်းနှီးကျွမ်းဝင်နေသူဖြစ်၏။ထိုပြင်ထိုတိုင်းမှူး၏ကိုယ်ရေးအရာရှိ
အဆက်ဆက်နှင့်ပါခင်မင်ခဲ့သူဖြစ်သည်။
အလုပ်ထုံးစံအရကိစ္စရပ်အတော်များများကိုကိုယ်ရေးအရာရှိမှတဆင့်
ဆက်သွယ်ရသည်ဖြစ်၍သူ့အိမ်သို့ကျွန်တော်ရောက်ခဲ့ခြင်းဖြစ်၏။
ဧည့်ခန်းစားပွဲတွင်ကျွန်တော်ထိုင်လိုက်ချိန်၌အေးစက်စက်ဖြစ်နေသော
သူ့မျက်နှာသည်အတန်ငယ်တင်းမာနေ သယောင် ထင်ရသဖြင့်၊ကျွန်တော့်ပြုဖွယ်ကိစ္စကိုလေပြေဖြင့်
တက်သုတ်ရိုက်လိုက်ရသည်။
“ဗိုလ်ကြီးခင်ဗျာ။ဒီလက်ဆောင်ခြင်းလေးကို၊အဘဆီပို့ပေးပါဗျာ။
ဒါကဗိုလ်ကြီးအတွက်ပါ”
ကျွန်တော့်စကားအဆုံးတွင်သူသည်မှုန်တေတေမျက်နှာထားဖြင့်
၊ပြတ်သားတိကျစွာတုန့်ပြန်သည်။
“ခင်ဗျားအဘကြီးတို့မိသားစုနဲ့ခင်မင်တယ်ဆိုတာလည်း
ကျွန်တော်သိတယ်။ဒါမျိုးတွေကိုအမကြီးသဘောကျမယ်
ဆိုတာလည်းကျွန်တော်သဘောပေါက်တယ်။
အဘကြီးအတွက်ပစ္စည်းကိုတော့ကျွန်တော်ပေးလိုက်ပါ့မယ်။
ကျွန်တော်နဲ့ခင်ဗျားအခင်မင်မပျက်ချင်ဘူးဆိုရင်၊
ဒါဟာနောက်ဆုံးအကြိမ်ဖြစ်ပါစေ။ကျွန်တော့်အတွက်ဆိုတဲ့ဟာကို
ပြန်ယူသွားပါ”
ဤသို့လျှင်ကျွန်တော်သည်အံ့သြခြင်းမျှသာမက၊
ရှက်ရွံ့ခြင်းဝေဒနာပါရောထွေးခံစားရင်း၊သူ့အိမ်မှ
တပ်ဆုတ်ခဲ့ရပြန်သည်။
(၃)
ကျွန်တော်၏စီးပွားရေးလုပ်ငန်းရှင်ဘဝတလျှောက်လုံးတွင်
တပ်မတော်အရာရှိပေါင်းများစွာကိုထိတွေ့ဆက်ဆံခဲ့ ဖူးသော်ငြားဗိုလ်ကြီးထွန်းအုံလိုလူမျိုးကားရှာမှရှားလှသည်။
အစကနဦးကသော်ကျွန်တော်သည်လောဘတရားမကင်းနိုင်သူဖြစ်၍
သူ့တုံ့ပြန်မှုတို့အတွက်၊ရုတ်တရက်အားဖြင့်မကျေမချမ်း
ခံစားရသော်လည်းစေ့စေ့တွေးလေ၊သူ့ကိုလေးစားလေဖြစ်ရသည်။
သည်ဖြစ်ရပ်တို့နောက်ပိုင်းတွင်၊တွေ့ထိဆက်ဆံမိလေသမျှ
တပ်မတော်အရာရှိတို့၏ စိတ်ထားခံယူချက်မှာ ဗိုလ်ကြီးထွန်းအုံနှင့်နှိုင်းစာလျှင်ဆီနှင့်ရေပမာကွာခြားလှ၏။
ဂုဏ်သိက္ခာကိုမထောက်၊ကိုယ် ကျိုးအတွက် စိတ်အားထက်သန်နေကြသူများကိုသာတွေ့မြင်ခဲ့ရသည်။
ထိုသို့တွေ့ရလေဗိုလ်ကြီးထွန်းအုံကိုသတိရလေဖြစ်ရသည်။
ခါးသီးလှသောဘဝအတွေ့အကြုံများကြောင့်၊ကျွန်တော့်အနေဖြင့်
ကိုယ့်ကိုယ်ကိုပြန်လည်ဆင်ခြင်လာနိုင်ချိန်၊တတိုင်းတပြည်လုံး
ဆင်းရဲတွင်းနက်သထက်နက်လာချိန်တွင်ဗိုလ်ကြီးထွန်းအုံကို
ပို၍အောက်မေ့ရသည်။
ထိုအချိန်များတွင်ဗိုလ်ကြီးထွန်းအုံလိုလူမျိုးစစ်တပ်ထဲမှာကြာရှည်
ခံနိုင်ပါ့မလား။ထိုက်တန်သောနေရာရနိုင်ပါ့မလားဟူသော
အတွေးမျိုးမကြာခဏဝင်ရောက်လာတတ်သည်။
ကျွန်တော့်အတွေးမမှားပါ။မကြာသေးမီက၊ဖူးခက်သို့အလည်ရောက်
လာသည့်ကျွန်တော့်မိတ်ဆွေဟောင်း(အဆိုပါတိုင်းမှူးဟောင်း၏
ကိုယ်ရေးအရာရှိဟောင်း)ဗိုလ်ကြီး(ငြိမ်း)ကျော်ဇော၏အဆိုအရ
ဗိုလ်ကြီးထွန်းအုံတစ်ယောက်၊ဒုတိယဗိုလ်မှူးကြီးအဆင့်ဖြင့်
အရပ်ဖက်ဌာနတစ်ခုသို့ပြောင်းရွေ့သွားပြီဟုဆိုပါသည်။
အဆိုပါတိုင်းမှူးဝန်ကြီးဘဝတွင်၊တောင်ကိုးရီးယားနိုင်ငံသို့ပထမဆုံးအ ကြိမ်အဖြစ်မန်မာအလုပ်သမားများစေလွှတ်နိုင်ခဲ့ရာ၊အဆိုပါလုပ်ငန်းစဉ်တွင်ဗိုလ်ကြီးထွန်းအုံ၏အခန်းကဏ္ဍမှာ အထူးအရေးပါခဲ့သည် ဟုလည်း၊ဂုဏ်ပြုစကားဆိုပါသည်။
ခေတ်ဆိုးစနစ်ဆိုးကြီး၏သင်ကြားမှုကြောင့်၊ဌာနဆိုင်ရာတိုင်းလိုလို
အကျင့်ပျက်လာဘ်စားမှုတို့လွှမ်းမိုးနေချိန်တွင်ဗိုလ်ကြီးထွန်းအုံ
သို့မဟုတ်ကိုထွန်းအုံတစ်ယောက်၊မည်သို့မည်ပုံ
စခန်းသွားနေပါလေသနည်း။
(၄)
ဗိုလ်ကြီးထွန်းအုံနှင့်ကျွန်တော်မဆုံတွေ့ဖြစ်ခဲ့သည်မှာနှစ်ပေါင်းနှစ်ဆယ်
နီးပါးမျှကြာညောင်းခဲ့လေ ပြီ။ အထူး သဖြင့်ယခုအချိန်ကဲ့သို့ (၂၀၁၅)အထွေထွေရွေးကောက်ပွဲနီးလာချိန်တွင်
ကိုထွန်းအုံကိုကျွန်တော်ပို၍ သတိရ မိသည်။
လာမည့်ရွေးကောက်ပွဲအတွက်စစ်ဗိုလ်ချုပ်ကြီးများ၊
တပ်မှထွက်၍ရွေးကောက်ပွဲဝင်ကြသည်။အနယ်နယ်အရပ်ရပ်မှာ
မဲဆွယ်စည်းရုံးဟောပြောကြသည်။တိုင်းပြည်၏ပကတိအခြေအနေကို
ထင်ဟပ်ခြင်းမရှိသော၊လူထု၏မျှော်လင့်ချက်နှင့်ကင်းကွာသော
၊ခေတ်ဆွေးခေတ်ဟောင်းစကားလုံးများဖြင့်၊ကြိုတင်ရေးသားလာသည့်
စာသားများကို ဖတ်ပြကြသည်။
လက်ရှိသမ္မတကြီး၏လူထုအကြားဟောပြောချက်ကိုထောက်ရှုလျှင်ပင်
ကွန်မြူနစ်စနစ်ဟူ သည်၊မည်သည့်စနစ်မျိုးဖြစ်ကြောင်း၊ သိရှာဟန်မတူချေ။နိုင်ငံတကာဗဟုတခေါင်းပါးလှကြောင်း
မြင်သာလွန်းသဖြင့်သူတို့ဟောပြောသမျှ၊လူထုအတွက်ပြက်လုံး
သဖွယ်ချည်းဖြစ်ရသည်။
မဲစာရင်းမှားရခြင်းအတွက်မီဒီယာများတွင်တာဝန်ရှိသည်။
မဲစာရင်းအမှားမှာကွန်ပြူတာကြောင့်ဖြစ်သည်။မဲစာရင်းမှာ
၃၀%သာမှန်နိုင်မည်။ဆန္ဒမဲလက်မှတ်တွင်အရောင်မှားနေခြင်းမှာ
အင်ဒိုနီးရှားစက္ကူကြောင့်ဖြစ်သည်။….. သည်။…..သည် ဟူသော၊ရွေးကောက်ပွဲ၏တာဝန်အရှိဆုံးပုဂ္ဂိုလ်ကော်မရှင်
ဥက္ကဋ္ဌကြီး၏တနေ့တမျိုးမရိုးနိုင်သောဆင်ခြေဆင်လက်များ
ကိုလည်းကြားနေရဆဲဖြစ်သည်။
အဆိုပါရာထူးနေရာများတွင်ဗိုလ်ကြီးထွန်းအုံကဲ့သို့သော
တပ်မတော်အရာရှိမျိုးချည်းသာဖြစ်ပါမူ၊အဘယ်မျှကောင်းလေမည်နည်း။
လက်ရှိအခြေအနေတွင်တပ်မတော်၏အခန်းကဏ္ဍသည်
အရေးပါဆဲဖြစ်၍တိုင်းပြည်နှင့်လူထုကောင်းစားရေးအတွက်၊
အကြားအမြင်ဗဟုသုတများသူပီပီဆွေးနွေးတိုင်ပင်သင့်သူနှင့်
တိုင်ပင်၊လက်တွဲသင့်သူနှင့်လက်တွဲပေလိမ့်မည်။
ထိုထိုသောပစ္စက္ခအခြေအနေများကြောင့်၊ယခုတလော
ဗိုလ်ကြီးထွန်းအုံကိုကျွန်တော်ပို၍သတိရမိခြင်းဖြစ်ပါသည်။
ယခုလတ်တလောစစ်ဗိုလ်ချုပ်ဟောင်းများ၏လုပ်ရပ်၊
အပြုအမူနှင့်၊စကားသံတို့ကိုဗိုလ်ကြီးထွန်းအုံမလွဲမသွေ ကြားသိနေပေလိမ့်မည်။
ထိုအချိန်တွင်သူသည်ထိုသူများကိုယ်စားရှက်စနိုးဖြစ်နေမည်လော။
သို့တည်းမဟုတ်။အဆိုပါစစ်ဗိုလ်ချုပ်များအား၊
တစ်နေ့လျှင်နှစ်ဆယ့်လေးနာရီစာဖတ်ခိုင်းထားလေမည်လော၊
ကျွန်တော်စောကြောတွေးတောနေမိလေသည်။ ။

၆ နိုဝင်ဘာ၊၂၀၁၅နေ့ထုတ်စောင့်ကြည့်ဂျာနယ်မှ။ ။

မင်းဒင်

No comments:

Post a Comment

Related Posts Plugin for WordPress, Blogger...