Wednesday, November 18, 2015

မစားရတဲ့အမဲ သဲနဲ့ပက်ပြီ

Tin Nyunt

ရွေးကောက်ပွဲမှာ အမတ်တစ်နေရာမှမရ၊ ပြည်သူက သောက်ဂရုပြုခြင်းလည်းမခံရ၊ အရှက်ဗြန်းဗြန်းကွဲခဲ့ရတဲ့ “အမျိုးသားကွန်ဂရက်ပါတီ” က ဥက္ကဋ္ဌတာဝန်ယူထားရတဲ့ “ကောင်းမြတ်ထွဋ်” ကလည်း မစားရတဲ့အမဲ သဲနဲ့ ပက်ပြီး သမ္မတကို အာဏာသိမ်းပါတော့လို့ ပြောလိုက်ပြီဗျ။
မြန်မာ့ ဒီမိုကရေစီအရေးမှာ ဒေါ်အောင်ဆန်းစုကြည်ရဲ့ NLD ပါတီ အနိုင်ရချိန်မှာ ပြည်သူတွေ ဒဏ်ခတ်လို့ အရေးမလှတဲ့ ပါတီတွေဟာ တစ်ဖွဲ့ပြီးတစ်ဖွဲ့ နည်းမျိုးစုံနဲ့ တိုက်ခိုက်လာတာတွေ့ရပါတယ်။ ပြည်သူတွေက တခဲနက် ရွေးကောက်ပြီး NLD နဲ့ စိတ်တူကိုယ်တူဖြစ်နေချိန်မှာ ပြည်သူတွေကို စော်ကားတဲ့ နောက် ဒေဝဒတ် တစ်ယောက် ထပ်ပေါ်လာပြန်ပြီဗျ။
နိုဝင်ဘာ ၁၅ ရက်နေ့က သမ္မတနဲ့ နိုင်ငံရေးပါတီတွေ တွေ့ဆုံပွဲမှာ ကောင်းမြတ်ထွဋ်က
“ယခုအခါ စာရင်းအင်းတက်လာသော ရွေးကောက်ပွဲ ရလဒ်များအရ အစိုးရတရပ်ဖွဲ့နိုင်ရန် အလားလာရှိနေ သည့် အမျိုးသားဒီမိုကရေစီအဖွဲ့ချုပ် ဥက္ကဋ္ဌ၏ ရွေးကောက်ပွဲမတိုင်မီ နှင့် ရွေးကောက်ပွဲအပြီး ပြည်တွင်းနှင့် နိုင်ငံတကာသို့ သမ္မတအထက်တွင် ၄င်းက တည်ရှိနေမည့် နိုင်ငံကို ဦးဆောင်သွားမည်။
မြန်မာနိုင်ငံတွင် ၄င်းတို့ တင်မြှောက်မည့် သမ္မတသည် အာဏာတစုံတရာ မရှိဘဲ ၎င်းကသာ ညွှန်ကြားစေခိုင်းမည်၊ စသော သဘော အဓိပ္ပါယ်ရသည့် အချက်များကို ထပ်ခါထပ်ခါ ရည်ရွယ်ချက်ရှိရှိ ဦးတည်ပြော ကြားနေကြောင်း တွေ့ရပါသည်။ တိုအပြင် ရွေးကောက်ပွဲ မတိုင်မှီ ငြီမ်းချမ်းရေး လက်မှတ်ထိုးမှုကို ရှောင်လွှဲခဲ့သည့် ဝ အဖွဲ့က အမျိုးသားဒီမိုကရေစီအဖွဲ့ချုပ် ဥက္ကဋ္ဌအား ကမ်းလှမ်းခဲ့မှုသည်လည်းကောင်း၊ ရွေးကောက်ပွဲပြီးကာစ ၎င်းတို့၏ မဟာမိတ် SSPP/SSA တို့က ပြင်းထန်သော တိုက်ပွဲများ စတင်လာခြင်းသည်လည်းကောင်း ဆက်စပ် တွေ့ရှိရပါသည်။ အထက်ဖော်ပြပါ အချက်နှစ်ချက်နှင့် လက်ရှိနိုင်ငံရေး အခင်းအကျင်းကို ယှဉ်တွဲ စဉ်းစားမည်ဆိုလျှင် ပြည်တောင်စု မြန်မာနိုင်ငံတော်၏ ဖွဲ့စည်းပုံ အခြေခံဥပဒေနှင့် အချုပ်အခြာ အာဏာပိုင်မှုကို (၁) နိုင်ငံရေးအရ (၂) စစ်ရေးအရ ထိပါးစော်ကားမှုများ ရှိနေပြီဟု မြန်မာအမျိုးသား ကွန်ဂရက်ပါတီက မှတ်ယူပါတယ်။ သို့ပါ၍ နိုင်ငံအကြီးအကဲဖြစ်သော နိုင်ငံတော် သမ္မတကြီးအနေဖြင့် တည်ငြိမ်အေးချမ်းစွာ နေထိုင် လိုသော မြန်မာနိုင်ငံသားများအပေါ် ရင်ဝယ်သားကဲ့သို့ သက်ညှာ စောင့်ရှောက်သော အားဖြင့် နိုင်ငံတော်ဖွဲ့စည်းပုံ အခြေခံဥပဒေပါ အချက်များနှင့်အညီ အမျိုးသား ကာကွယ်ရေးနဲ့ လုံခြုံရေးကောင်စီနှင့် ညှိနှိုင်းကာ ဖြစ်သင့်ဖြစ်ထိုက် သည်များ ဆောင်ရွက်သင့် ဆောင်ရွက်ထိုက်သည်များကို စတင်နိုင်ပါရန် ရိုသေလေးစားစွာ ပန်ကြားအပ်ပါသည်” တဲ့ဗျာ။
ကဲ … သွယ်ဝိုက်ပြီးတော့ သမ္မတနဲ့ အမျိုးသားကာကွယ်ရေးနဲ့ လုံခြုံရေးကောင်စီပူးပေါင်းပြီးတော့ အာဏာသိမ်း ပါလို့ ပြေားလိုက်တဲ့စကားဟာ ပြည်သူအားလုံးရဲ့ ၂၀၁၅ ရွေးကောက်ပွဲ ရလဒ်ကို ပြောင်ပြောင်တင်းတင်း စော်ကားလိုက်တာပဲလို့ မြင်ပါသဗျာ။
ကောင်းမြတ်ထွဋ်ရေ ပက်စက်လိုက်တာကွာ …
၁၇.၁၁.၂၀၁၅

No comments:

Post a Comment

Related Posts Plugin for WordPress, Blogger...