Friday, November 27, 2015

သမ္မတရှာပုံတော် [သရ၀ဏ်(ပြည်)]

News Watch(စောင့်ကြည့်သတင်းဂျာနယ်)

မြန်မာနိုင်ငံမှာ လူတော်တွေပေါသည်။ သို့သော် စနစ်ကိုက မရှုပ်မရှင်းစနစ်ဖြစ်နေသောကြောင့် သမ္မတရှာပုံ တော်ဖွင့်ရာတွင် ထိုမျှ ရှုပ်ထွေးနေရခြင်းဖြစ်သည်။ မြန်မာနိုင်ငံတွင် လူတယောက်သည်မည်မျှတော်သော် လည်း နံပါတ်(၁) တပ်မတော်မှထောက်ခံသူ၊ (၂) ပြည်ထောင် စုကြံ့ခိုင်ရေးနှင့် ဖွံ့ဖြိုးရေးပါတီမှထောက်ခံသူ၊ (၃) အမျိုးသားဒီမိုကရေစီအဖွဲ့ချုပ် (NLD) မှ ထောက်ခံသူတဦးဦးမဟုတ်ခဲ့လျှင် သမ္မတမဖြစ်နိုင်ပါ။
သမ္မတ ဖြစ်မည့်သူသည် အထက်ပါအဖွဲ့သုံးဖွဲ့အနက် တဖွဲ့ဖွဲ့၏အပြတ် အသတ်ထောက်ခံမှုကို လိုပါသေးသည်။ ပြီးတော့ အသက်(၄၅)နှစ် ပြည့်ပြီးသူ၊ တဆက်တစပ်တည်း အနည်းဆုံးအနှစ်(၂၀) မြန်မာနိုင်ငံတွင် အခြေချ နေထိုင်နိုင်ရမည် (ဤကန့်သတ်ချက်ကြောင့် အာဇာနည်ခေါင်းဆောင်ကြီး ဦးဘ၀င်း၏သား၊ ဒေါ်အောင်ဆန်း စုကြည်၏ မောင်ဝမ်းကွဲ ဒေါက်တာစိန်ဝင်း သမ္မတမဖြစ်နိုင်ပါ)၊ မိမိနှင့်မိမိ မိဘနှစ်ပါးလုံး နိုင်ငံတော်၏ အာဏာပိုက်နက်အတွင်း၌ မွေးဖွားသော တိုင်းရင်းသားမှဖြစ်သည့် မြန်မာနိုင်ငံသားဖြစ်ရမည် (ဤအချက်မှာ အတော်ပင်ရှုပ်ထွေးသည်၊ မြန်မာ့ပိုင်နက်တွင် မွေးဖွားသူဖြစ်ရမည်ဆိုသဖြင့် အမေရိကန်တို့၊ စင်ကာပူ တို့မှာ မွေးသော မြန်မာများ သမ္မတဖြစ်ခွင့်မရှိသလို ဖြစ်နေ၏)၊ နိုင်ငံရေး၊ အုပ်ချုပ်ရေး၊ စီးပွားရေး၊ စစ်ရေးအမြင် များရှိရမည် (အတော်ကို ယေဘုယျဆန်သော သတ်မှတ်ချက်ဖြစ်သည်၊ အမြင် Vision ဆိုသည်မှာ ကိုယ် အလေးချိန်လို၊ အရပ်အမြင့်လိုတိုင်းတာ၍ ရကောင်းသော အရာမဟုတ်ချေ။ လက်ရှိ သမ္မတဦးသိန်းစိန်ပင် ဤပေတံနှင့်တိုင်းလျှင် နိုင်ငံရေးအမြင်၊ စီးပွားရေးအမြင်ရှိရဲ့လားဟု မေးခွန်းထုတ်စရာရှိသည်။ လက်တွေ့တွင် တိုင်းတာ၍မရသောကြောင့် အမြင်ရှိမရှိ ဘယ်သူမှ သက်သေမပြနိုင်)၊ မိမိကိုယ်တိုင်လည်း နိုင်ငံခြားသား မဖြစ်ရ၊ သားသမီး၊ ဇနီး၊ ခင်ပွန်း၊ ချွေးမ၊ သမက်ပင် နိုင်ငံခြားသားမဖြစ်စေရ (ဒေါ်အောင်ဆန်းစုကြည်ကို ဤပုဒ်မဖြင့် ချည်နှောင်ထားသည်)။ သမ္မတရာထူးတာဝန် ထမ်းဆောင်မည့်သူတယောက်ကို ရှာရဖွေရတာ အတော်ပင် ခေါင်းရှုပ်စရာကောင်းလှသည်။ ကြံ့ခိုင်ရေးပါတီရွေးကောက်ပွဲမှာ နိုင်ခဲ့လျှင်တော့ ဒီလောက်ရှုပ်မည် မဟုတ်။ လက်ရှိ သမ္မတဦးသိန်းစိန်ကိုပဲ သမ္မတတာဝန် ဆက်လက်ပေးမည်ဟု ပြည်ခိုင်ဖြိုးခေါင်းဆောင်ပိုင်းက ကြေညာခဲ့သည်။ သို့သော် ဤအဆိုကိုပင် ဒီမိုကရေစီမကျသော အဆိုအဖြစ် ဖြူးမြို့နယ်မှ ၀င်ပြိုင်သော လွှတ်တော်ကိုယ်စားလှယ် သူရဦးရွှေမန်းက ဆိုခဲ့သည်။ ပါတီတခုကို ကိုယ်စားပြုမည့်သမ္မတဆိုသည်မှာ ဒီမိုက ရေစီနည်းကျအများ ဆန္ဒဖြင့် ရွေးချယ်ရမည်။
ပါတီခေါင်းဆောင်တစု၏သဘောဖြင့် လက် ကျိတ်ထိုးဆုံးဖြတ်လို့ မရဟု ဦးရွှေမန်းက ထောက်ပြသည်။ သူပြောသည်မှာ သဘောတရားအရမှန်နေသဖြင့် ပြည်ခိုင်ဖြိုးခေါင်း ဆောင်များ ဘာမှပြန်လည်ဖြေရှင်းတာမကြားရ။ သို့သော် သူတို့ရွေးကောက်ပွဲမှာနိုင်ခဲ့လျှင် ဦးသိန်းစိန်ကို ပွဲထုတ်မည်ဟု အားခဲထားကြဟန်ရှိသည်။ အကယ်၍ ဦးသိန်းစိန်ခြေချော်လက်ချော် တာဝန်မယူနိုင်ဘူးဟု ဆိုလာခဲ့လျှင် လက်ရှိ ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင်လည်း သမ္မတဖြစ် လာနိုင်သေး သည်။ ဗိုလ်ချုပ်မှူးကြီးကလည်း မီဒီယာများက မေးမြန်းတိုင်း သမ္မတလုပ်ဖို့မလုပ်ဖို့ ယတိပြတ် ငြင်းဆိုခြင်းမရှိ။ အခြေအနေအရ လိုအပ်ခဲ့လျှင် ထမ်းဆောင်ကောင်းထမ်းဆောင်နိုင်သည်ဟု မယုတ်မလွန် ပြောထားသည်။ အဓိကကတော့ ၂၀၁၅ နိုဝင်ဘာ ၈ ရက် ရွေးကောက်ပွဲ၏ ရလဒ်ကိုစောင့်ပြီးမှ အပြီးသတ် ဆုံးဖြတ်ချက်ချမှတ် လိုဟန်ရှိသည်။
တပ်မတော်သည် သမ္မတရွေးချယ်ပွဲတွင် သမ္မတလောင်းတဦး အမည်စာရင်းတင်သွင်းခွင့် မူပိုင် တနေရာရထားသည်။ ထို့ပြင် ပြည်ထောင်စုလွှတ်တော်တွင် ကိုယ်စားလှယ်နေရာ ၁၆၆ ဦး မူသေရထားပြီးဖြစ် သည်။ ယင်းအပြင် တပ်မတော်နှင့် ပြည်ခိုင်ဖြိုးပါတီသည်လည်း တအူထုံ့ဆင်းညီအစ်ကိုရင်းများသဖွယ် လားရာ အရပ်တူသော၊ ရည်မှန်းချက်တူသော မဟာမိတ်အဖွဲ့နှစ်ဖွဲ့ဖြစ်သည်။ ထိုအခင်းအကျင်းများက ပြဋ္ဌာန်း လိုက်သောအခြေအနေမှာ ပြည်ခိုင်ဖြိုးသည် ရွေးကောက်ပွဲ၌ ၁၆၃ ဦးနိုင်ခဲ့လျှင် တပ်မတော်သားမူသေ ၁၆၆ ယောက်ှနှင့်ပေါင်းကာ ၃၂၉ မဲဖြင့် လွှတ်တော်ကိုယ်စားလှယ်အားလုံး၏ ထက်ဝက်ကျော်ဆန္ဒမဲကို ရယူကာ သူတို့အဆိုပြုသောသမ္မတလောင်းသည် နိုင်ငံတော်သမ္မတဖြစ်ခွင့်ရှိမည်ဖြစ်သည်။ ထိုအချက်ကို ဘာသာပြန် ရလျှင် ကြံ့ခိုင်ရေးပါတီက အမတ်လောင်း ၁၆၃ ဦးနိုင်ခဲ့လျှင် တပ်မတော်အစုအဖွဲ့က ဦးသိန်းစိန်ကိုဖြစ်စေ၊ ဦးမင်းအောင်လှိုင်ကိုဖြစ်စေ သမ္မတလောင်းအဖြစ် ပြည်ထောင်စု လွှတ်တော် သမ္မတရွေးပွဲသို့ဆွဲသွင်းလာရန် ဖြစ်သည်။ မဲခွဲရာတွင်နိုင်မည်ဟု တ၀က်ကျော်သေချာမှ ဦးသိန်းစိန် (သို့မဟုတ်) ဦးမင်းအောင်လှိုင် သမ္မတ လောင်းအဖြစ်ထွက်ပေါ်လာမည် ဖြစ်သည်။ ထိုသို့မဟုတ်ဘဲ အမတ်နေရာ ၁၀၀ ကျော်ခန့်နိုင်ခဲ့လျှင်ပင် လိုအပ် နေသေးသော ၆၃ မဲကို တသီးပုဂ္ဂလအမတ်အချို့၊ ပါတီငယ်အချို့၊ တိုင်းရင်းသားပါတီအချို့ကို အသည်းအသန် ကိုယ့်ဘက်ပါအောင် နည်းမျိုးစုံဖြင့် စည်းရုံး၍ ၁၀၀ + ၆၃+ ၁၆၆=၃၂၉ နည်းဖြင့် တပ်မတော်မှ တင်မြှောက် သူတဦး သမ္မတဖြစ် ခွင့်ရှိနေပေသေး၏။
တပ်မတော်ခေါင်းဆောင်များနှင့် ပြည်ခိုင်ဖြိုးခေါင်းဆောင်များသည် ထိုအခြေအနေကို မျှော်လင့်စောင့်စားရင်း လိုအပ်သည်များကို ပြင်ဆင်နေခဲ့ပုံပေါ်၏။သို့သော် မထင်မှတ်သောရလဒ် (လူထုကထင်ထားပြီးရလဒ်)ဖြင့် NLD အပြတ်အသတ်အနိုင်ရလိုက်ခြင်းက ပြည်ခိုင်ဖြိုးနှင့် တပ်မတော် ခေါင်းဆောင်တို့၏အစီအစဉ်များ အကောင်အထည်ဖော်ခွင့်မသာ ဖြစ်သွားပေ သည်။ လက်ရှိ သမ္မတဦးသိန်းစိန်ကိုလည်းကောင်း၊ သက်ပြည့်ပင်စင်နီးလာပြီဖြစ်သော ဗိုလ်ချုပ်မှူးကြီးမင်း အောင်လှိုင်အားသော်လည်း ကောင်းတပ်မတော်အစုအဖွဲ့မှ တင်မြှောက်သော သမ္မတလောင်းတဦးအဖြစ် အမည်စာရင်းတင်သွင်းရန် အတော်ကိုမဖြစ်နိုင်တော့သည့်အခြေသို့ ဆိုက်ရောက်သွားသည်။ ပြည်ထောင်စု လွှတ်တော်တွင် လူဦးရေထက်ဝက်ကျော်ကို NLD မှ အနိုင်ရသွားသဖြင့် သမ္မတရွေးပွဲတွင် မဲခွဲသောအခါ NLD နိုင်မည်မှာ ကျိန်းသေနေပေသည်။ တပ်မတော်မှ တင်မြှောက်သော သမ္မတလောင်းသည် ဒုတိယသမ္မတရာထူး နှင့် ကျေနပ်ရတော့မှာ မြေကြီးလက်ခတ်မလွဲဖြစ်နေပေသည်။ ဤအခြေအနေတွင် ၀င်ရောက်ယှဉ်ပြိုင်ပါက တပ်မှလာသော ကိုယ်စားလှယ်သည် ဒုတိယသမ္မတသာဖြစ်နိုင်တော့မည့်အခြေအနေတွင် လက်ရှိ သမ္မတဦးသိန်းစိန် သည် မည်သို့မျှ ဒုတိယသမ္မတနေရာကိုဆင်း၍ နောက်သက်တမ်း ငါးနှစ် လုပ်ကိုင်လို တော့မည် မဟုတ်ချေ။ တပ်မတော်ကာကွယ်ရေးဦးစီးချုပ်ဆိုသော ရာထူးကိုရထားသူကလည်း ဒုတိယသမ္မတ ဆိုသော ရာထူးမှာ မက်လောက်ဖွယ်မရှိပေ။ အထူးသဖြင့် NLD မှ တင်သော သမ္မတလက်အောက်၌ ကာချုပ် ဖြစ်ဖူးသူ တယောက်ကဒုသမ္မတရာထူးလုပ်ရမည်ဆိုလျှင် အဆင့်နိမ့်သွားရာရောက်မည်။ ကျောင်းထိုင်ဆရာ တော်လုပ်ခဲ့သူက ကိုရင်ကြီးဘ၀သို့ ပြန်သွားချင်မည်မဟုတ်ပေ။ ထိုအခါ တပ်မတော်အစုအဖွဲ့မှ သမ္မတ လောင်းရွေးချယ်ရာတွင် ယခင်က နာမည်ပြေးနေသော ထိပ်ပိုင်းခေါင်းဆောင်များ ဖြစ်လာနိုင်တော့မည် မဟုတ်ချေ။ လက်ရှိ ဒုသမ္မတရာထူးထမ်းဆောင်နေသော ဦးဥာဏ်ထွန်းသည် အနားယူသွားသော ဦးသီဟ သူရတင်အောင်မြင့်ဦးနေရာတွင် တပ်မတော်အစုအဖွဲ့က ရွေးချယ်ထားခြင်းဖြစ်ရာ ယခုရွေးကောက်ပွဲ တွင်လည်း ခိုင်လုံမဲများဖြင့် ဇီးကုန်းမြို့နယ် မဲဆန္ဒနယ်တွင် အနိုင်ရလာသောကြောင့် သမ္မတလောင်းအဖြစ် သူ့ကိုပင် အမည်စာရင်းတင်သွင်းပါက ဒုသမ္မတပင်ပြန်ဖြစ်သည့်တိုင် အရှုံးမဖြစ်၊ နစ်နာစရာမရှိဟုယူဆရ ပါသည်။ ဤအချက်ကို ထောက်ချင့်လျှင် တပ်မတော်မှ တင်မြှောက်သော သမ္မတလောင်းတဦးမှာ ဦးဥာဏ် ထွန်းဖြစ်ဖွယ်ရာရှိပါ၏။ ဦးဥာဏ်ထွန်းကိုပင် အတွေ့အကြုံရှိပြီးသား ဒုသမ္မတရာထူးတွင် ဆက်ထားကာ NLD အစိုးရအဖွဲ့တွင် တပ်မတော်၏အတွင်း လူရှိနေစေမည်ဖြစ်သည်။ ထိုသို့မဟုတ်ဘဲ လွှတ်တော်ထဲတွင် ပြည်ခိုင်ဖြိုးအင်အားနည်းနေသည်ကို ထပ်မံလျော့ကျမသွားလိုလျှင်မူကား ရွေးကောက်ပွဲတွင် ရှုံးနိမ့်ခဲ့သော ဗိုလ်ချုပ်ကြီးဟောင်းအချို့အနက်တဦးအား ပွဲထုတ်လာနိုင်ပါသည်။
ရွေးကောက်ပွဲတွင်နိုင်ခဲ့သော ဗိုလ်ချုပ်ကြီး အချို့သည်လည်း အမည်စာရင်းအဆိုပြုခံရနိုင်ပါသေးသည်။ ကြံ့ခိုင်ရေးနှင့်တပ်မတော်အတွက် ရွေးချယ်စရာ ရာထူး အင်မတန်နည်းသွားသည့်သဘော ဖြစ်သည်။ ဒုသမ္မတလောင်းတဦး၊ ကာကွယ်ရေးဝန်ကြီးတဦး၊ ပြည်ထဲ ရေးဝန်ကြီးတဦး၊ နယ်စပ်ရေးရာဝန်ကြီးတဦး စုစုပေါင်း အရေးပါအရာရောက်သော နေရာလေးခုသာရတော့ မည်ဖြစ်ရာ လူဦးရေနှင့် ရာထူးနေရာပင် မလောက်ငသဖြင့် ဝေခြမ်းရခက်ပေဦးမည်။ ကာကွယ်ရေးဦးစီး ချုပ်ရာထူးသည် လောလောဆယ် အပြောင်းအလဲချက်ချင်းဖြစ်ဦးမည် မထင်ပေ။ ဗိုလ်ချုပ်မှူးကြီးမင်းအောင် လှိုင် သက်ပြည့်ပင်စင်ယူသော၂၀၁၆ နှစ်လယ်မှသာ ဖြစ်လာနိုင်ပေသည်။NLD အတွက်လည်း သမ္မတလောင်းရွေးချယ်ရသည့်အလုပ်မှာ ငှက်ပျောသီးအခွံနွှာစားသလောက် လွယ်ကူမည် မဟုတ်ပေ။ ယခုမဲနိုင်ထားသည့်အနေအထားအရ NLD သည် ပြည်သူ့လွှတ်တော်ကို ကိုယ်စားပြု၍ သမ္မတလောင်းတဦး၊ အမျိုးသားလွှတ်တော်ကို ကိုယ်စားပြု၍ သမ္မတလောင်းတဦး၊ စုစုပေါင်းသမ္မတလောင်း နှစ်ဦး ရွေးချယ်ခွင့်ရထားပြီး ထိုနှစ်ဦးထဲမှတယောက်က သမ္မတ၊ တယောက်က ဒုသမ္မတဖြစ်လာတော့မည် ဖြစ်သည်။ ဒေါ်အောင်ဆန်းစုကြည်ကိုသာ ပိတ်ဆို့တားဆီးထားသည့် အခြေခံဥပဒေပုဒ်မ ၅၉(စ) မရှိဘူးဆိုလျှင် သမ္မတဒေါ်အောင်ဆန်းစုကြည်၊ ဒုသမ္မတအဖြစ် ဦးတင်ဦး(သို့မဟုတ်) NLD ထဲမှ အခြားငယ်ရွယ်သူတဦးကို ရွေးချယ်ရုံနှင့် ကိစ္စပြီးလေသည်။ သို့သော် ဒေါ်အောင်ဆန်းစုကြည် သမ္မတဖြစ်ခွင့်မရှိခြင်း၊ ယခုရွေးချယ်ရမည့် သမ္မတသည် စစ်အာဏာရှင်တို့ (၅၃)နှစ်တာအုပ်ချုပ်ခဲ့ရာမှ အရပ်သားတဦးက ပထမဆုံးအကြိမ် လက်လွှဲ ပြန်ယူရမည်ဖြစ်ခြင်းတို့ကြောင့် အတော်ပင်တာဝန်ကြီးသော ရွေးချယ်မှုဖြစ်လာခြင်းဖြစ်သည်။ အမေရိကန်ပြည် ထောင်စုလို အရပ်သားသမ္မတများ တယောက်ပြီးတယောက် တက်အုပ်ချုပ်နေသော နိုင်ငံဖြစ်လျှင် သမ္မတ ရွေးရသည်မှာ ဘာမှခက်မည်မဟုတ်ချေ။ သင့်တော် သူကိုရွေးလိုက်ရုံပဲဖြစ်သည်။ သို့သော် ယခုသမ္မတသည် စစ်တပ်နှင့်တွဲ၍ အလုပ်လုပ်ရမည့် ပထမဆုံး လူထုခေါင်းဆောင်ဖြစ်သဖြင့် တပ်မတော်က ရိုသေ လေးစားရသူဖြစ်ရန်လည်း လိုသေးသည်။ လက်ရှိတပ်မတော်ခေါင်း ဆောင်ဗိုလ်ချုပ်များကို ရှိန်မနေဘဲ သူတို့နှင့်ယှဉ်တွဲ အလုပ်လုပ်နိုင်သူ ဖြစ်သင့်ပေသည်။ သာမန်အားဖြင့် သမ္မတအဖြစ်အရွေးခံရရန် အရည် အချင်းရှိသော အရပ်သားများစွာရှိသော်လည်း
(၁) လူထုက ကျေနပ်လက်ခံသူ
(၂) နိုင်ငံရေးသမိုင်းကြောင်းကောင်းသူ
(၃) ဖွဲ့စည်းပုံအခြေခံဥပဒေပါ သမ္မတလောင်းအရည်အချင်းနှင့် ကိုက်ညီသူ
(၄) တပ်မတော်က လက်သင့်ခံနိုင်သူဖြစ်ဖို့ လိုသည်။
ဒေါ်အောင်ဆန်းစုကြည်သည် န၀တခေတ်က ဗိုလ်ချုပ်တဦးလုပ်သလို သူမ၏သားနှစ်ယောက်ကို သားအဖြစ်မှ စွန့်လွှတ်ကြောင်း သတင်းစာတွင် ကြေညာလိုက်လျှင် ပုဒ်မ ၅၉(စ)ကို ကျော်လွှားကာ သမ္မတဖြစ်နိုင်သော် လည်း ဒေါ်အောင်ဆန်းစုကြည်သည် ထိုသို့ဂုဏ်သိက္ခာမရှိသော အောင်မြင်မှုမျိုးကို လိုလားမည်မဟုတ်ချေ။NLD တွင် သူရဦးတင်ဦးရှိသည်။ သို့သော် သူကအသက်ကြီးလှပြီဖြစ်သည်။ ရုပ်ပြအနေဖြင့်လုပ်လျှင်တော့ ဖြစ်နိုင်ပါသေးသည်။ ထို့နောက် NLD CEC ထဲတွင် ဦးဥာဏ်ဝင်းရှိသည်၊ ဦးဝင်းထိန်ရှိသည်၊ ဦးဝင်းမြင့်ရှိသည်၊ အခြားလူများလည်း ရှိသေးသည်။ သူတို့တွေကိုရွေးလျှင်လည်းရသည်။ သို့သော် သာမန်ထက်ထူးထူးခြားခြား ထူးချွန်ထက်မြက်နေသော ခေါင်းဆောင်မျိုးတော့မဟုတ်ပေ။ လင်းတလောက်တော့ ငှက်တိုင်းလှသည်ဟူသော ပြောစကားအရ ထိုလူများထဲမှလည်းသမ္မတအဖြစ် တာဝန်ထမ်းဆောင်နိုင်စွမ်းရှိကြောင်း NLD ပါတီက ယုံကြည်ဟန်ရှိသည်။ ဟုတ်ခဲ့လျှင်လည်း ကန့်ကွက်စရာတော့မရှိ။ အရပ်သားပညာတတ်တယောက်၏ အရည်အချင်းသည် စစ်တိုက်တာကလွဲလျှင် နိုင်ငံရေး၊ စီးပွားရေး၊ အုပ်ချုပ်ရေးတွင် တပ်မတော်မှဗိုလ်ချုပ် များထက်တော့ မညံ့နိုင်။ အပြင်လူထဲမှစဉ်းစားလျှင် ၈၈ မျိုးဆက် ပွင့်လင်းလူ့အဖွဲ့အစည်းမှ ကိုကိုကြီးရှိသည်။ မင်းကိုနိုင် ရှိသည်။ SNLD ပါတီမှ ဦးခွန်ထွန်းဦးရှိသည်။ ANP ပါတီမှ ဦးအေးမောင်ရှိသည်။ကျွန်တော့်သဘောအရ စိတ်ကြိုက်ရွေးချယ်ရလျှင် သမ္မတနေရာတွင် သူရဦးတင်ဦးကိုထား၊ ဒုသမ္မတနေရာ တွင် ကိုကိုကြီး (သို့မဟုတ်) မင်းကိုနိုင်ကိုထားလိုက်မည်။ သူရဦးတင်ဦးကို တပ်မတော်နှင့် NLD ဆက်ဆံရေး ကောင်းရန် ကြားခံအဖြစ်သဘောထားပြီး ဒုသမ္မတကို တကယ်တက်ကြွစွာ အလုပ်လုပ်နိုင်သူကို ရွေးရမည်။ သမ္မတအဖြစ် အရွေးခံရသူသည် ကြေညာချက်ထုတ်ပြန်ပြီး သမ္မတအကြံပေးအဖွဲ့ကို ဖွဲ့စည်းရမည်။ ထိုအဖွဲ့ တွင် ဒေါ်အောင်ဆန်းစုကြည်ကို အရေးပါသော နေရာမှာထား၍ ဖွဲ့စည်းရမည်။ ထိုအခါ ဒေါ်အောင်ဆန်း စုကြည်သည် အစိုးရအဖွဲ့ကို တရားဝင်အကြံပေးခွင့်ရလာမည်ဖြစ်သည်။ သမ္မတက တရားဝင်အကြံပေးရာထူး မခန့်အပ်ဘဲ ဒေါ်အောင်ဆန်းစုကြည်သည် အစိုးရအဖွဲ့ကို နောက်ကွယ်မှကြိုးကိုင်ပါက ဖွဲ့စည်းပုံအခြေခံဥပဒေ ကို ချိုးဖောက်သည်ဟု အတိုက်အခံများက စွပ်စွဲပြစ်တင်ခြင်းကိုခံလာရနိုင်သည်။ ထို့ကြောင့် ဒေါ်အောင်ဆန်း စုကြည်သည် အစိုးရသစ်၏အကြံပေး ဥက္ကဋ္ဌအသွင်ဆောင်သော နေရာတခုကို သမ္မတသစ်က သူ၏လုပ်ပိုင်ခွင့် ဖြင့် တရားဝင်ကြေညာပေးဖို့လိုသည်။တဖက်တွင် ဒေါ်အောင်ဆန်းစုကြည်သည် လွှတ်တော်ဥက္ကဋ္ဌရာထူးကို လက်ခံယူမယူဆိုသော အချက်ကို ကြိုတင်ဆုံးဖြတ်ဖို့လိုသည်။ ပြည်သူ့လွှတ်တော်ဥက္ကဋ္ဌ၊ ပြည်ထောင်စုလွှတ်တော်နာယကဟူသော ရာထူးမှာ အချိန်တိုင်းလို လွှတ်တော်တာဝန်များနှင့် အချိန်ကုန် အလုပ်ပိနေသော နေရာဖြစ်သည်။ ထိုနေရာကို ရထားသူ သည်၊ သမ္မတအကြံပေးအဖြစ် အစိုးရကို ထိန်းကျောင်းမောင်းနှင်ဖို့ အလုပ်ချိန်နည်းသွားမည်ဖြစ်သည်။ လွှတ်တော်ဥက္ကဋ္ဌနှင့် သမ္မတအကြံပေးတာဝန်ကို ဟန်ချက်ညီညီ ထမ်းဆောင်ဖို့ဆိုလျှင် အစိုးရကိုမူဝါဒ ချမှတ်သောကိစ္စများမှာသာ ဒေါ်အောင်ဆန်းစုကြည်ပါဝင်ပြီး အသေးစိတ်ကိစ္စများမှာ နောက်ဆုတ်နေဖို့ လိုသည်။ အသေးစိတ်ညွှန်ကြားချင်သည်ဆိုလျှင်တော့ လွှတ်တော်တွင် စိတ်ချရသော ဒုဥက္ကဋ္ဌတဦးကို ရွေးထား ဖို့လိုသည်။
မိမိကိုယ်တိုင်မလုပ်နိုင်သောကိစ္စများကို ဒုဥက္ကဋ္ဌနှင့် လွှဲနိုင်သူဖြစ်သင့်သည်။ ဖြစ်သင့်သည်မှာ ဒေါ်အောင်ဆန်းစုကြည်သည် လွှတ်တော်ဥက္ကဋ္ဌအဖြစ် ပိုင်ပိုင်နိုင်နိုင် ရာထူးယူပြီး NLD ပါတီဥက္ကဋ္ဌအဖြစ် ပါတီ မူဝါဒများချမှတ်ပေးဖို့ ဖြစ်သင့်သည်။ အစိုးရအဖွဲ့တွင် သမ္မတသဖွယ်ပြုမူဖို့မသင့်ချေ။ လွှတ်တော် ဥက္ကဋ္ဌ၊ ပါတီ ဥက္ကဋ္ဌ၊ အစိုးရကိုထိန်းကျောင်းမောင်းနှင်သူဟူသော ထိတ်ထိတ်ကြဲ ရာထူးသုံးခုကို လူတယောက်တည်းက တာဝန်ကျေအောင် လုပ်နိုင်ဖို့ဆိုသည်မှာ အသက်(၇၀)ရှိပြီဖြစ်သော လူသားတယောက်အတွက် အလွန်ပင်ပန်း လွန်းသည်။ လိုတာထက်ပိုသော အလုပ်ဖိစီးမှုဒဏ် ဖြစ်ပေါ်ဖွယ်ရှိသည်။သမ္မတရွေးချယ်ရာတွင် NLD ရင်ဆိုင်ရနိုင်သော အခက်အခဲတခုမှာ ဒေါ်အောင်ဆန်းစုကြည်၏ နှုတ်ထွက် စကားတခုမှ လာသည်။ NLD အစိုးရ၏ သမ္မတအာဏာရှိလိမ့်မည်မဟုတ်ဟူသောစကားကို ဒေါ်အောင်ဆန်း စုကြည်ပြောခဲ့သည်။
၂၀၁၅ နိုဝင်ဘာ ၁၀ ရက်နေ့က စင်ကာပူအခြေစိုက် Channel News Asia ရုပ်သံနှင့် အင်တာဗျူးတွင် ဒေါ်အောင်ဆန်းစုကြည် ပြောကြားခဲ့ခြင်းဖြစ်သည်။ ထိုနေ့က BBC သတင်းဌာနနှင့် တွေ့ဆုံရာတွင်လည်း ရွေးကောက်ပွဲအနိုင်ရပါတီတရပ်၏ ခေါင်းဆောင်အနေဖြင့် ဆုံးဖြတ်ချက်မှန်သမျှ ချမှတ်နိုင်ခွင့်ကို ဖွဲ့စည်းပုံ အခြေခံဥပဒေပါ ပုဒ်မ ၅၉(စ)ဖြင့် တားဆီး၍ ရလိမ့်မည်မဟုတ်ကြောင်း၊ သမ္မတရာထူးကို နိုင်ငံရေးမိတ်ဖက် တဦးကရယူထားချိန်တွင် ဆုံးဖြတ်ချက်မှန်သမျှ ချမှတ်မည့်သူမှာ မိမိသာဖြစ်ကြောင်း ပြောကြားခဲ့ပါသည်။ ဤပြောကြားမှုသည် ကောင်းကျိုးထက်ဆိုးကျိုးဖြစ်နိုင်သော မှတ်ချက်စကားဖြစ်သည်။ ဤစကားကြောင့် NLD ၏ နိုင်ငံရေးမိတ်ဖက်များသည် သူတို့ကို သမ္မတနေရာကမ်းလှမ်းလာခဲ့လျှင် ဂုဏ်သိက္ခာမဲ့သော ကမ်းလှမ်းမှုဟု ယူဆသွားနိုင်စရာရှိသည်။ ဘာမှအာဏာမရှိသော ရုပ်ပြသမ္မတနေရာကိုတော့ ထူးချွန်ထက်မြက်သော မည်သည့်နိုင်ငံရေးသမားမှ တက်ရောက်နေရာယူချင်မည် မဟုတ်ပေ။
ထို့အပြင် ဖွဲ့စည်းပုံအခြေခံဥပဒေပုဒ်မ ၅၈ ၌ နိုင်ငံတော်သမ္မတသည် ပြည်ထောင်စုသမ္မတမြန်မာနိုင်ငံတ၀န်းလုံးတွင် နိုင်ငံသားအားလုံး၏ အထွတ်အထိပ် နေရာရရှိသည်ဟု အတိအလင်းပါရှိသည်ဖြစ်ရာ မြန်မာသမ္မတသည် ပါလီမန်ဒီမိုကရေစီခေတ်ကကဲ့သို့ ရုပ်ပြသမ္မတစနစ်မဟုတ်ချေ။ မြန်မာ့ဆိုရှယ်လစ်လမ်းစဉ် ပါတီခေတ်ကလိုလည်း သမ္မတသည် ဟန်ပြ၊ ပါတီဥက္ကဋ္ဌသည် အာဏာပိုင်ဟု ဖွဲ့စည်းပုံဥပဒေကပြဋ္ဌာန်းမထားချေ။ ထို့ကြောင့် ဒေါ်အောင်ဆန်းစုကြည်သည် ထိုသို့ပြောဆိုနေခြင်းအား ပြန်လည်ရုပ်သိမ်းပြီး ဂုဏ်သိက္ခာရှိသော သမ္မတ တဦးနှင့် ဒုသမ္မတတဦးကို ရွေးချယ်ပြီး နောက်ကွယ်မှ Guide Line ချပေးသူ၊ Policy Maker၊ NLD ပါတီဥက္ကဋ္ဌနှင့် သမ္မတ၏ အကြံပေး အဖြစ်သာနေသင့်ပါသည်။ ယခုကဲ့သို့ သမ္မတ၏အထက်တွင် ရှိမည်ဟုပြောဆိုနေမှုသည် စစ်တိုက်ရာတွင် တပ်ဦးကျွံနေသလိုဖြစ်ရာ ကောင်းကျိုးထက် ဆိုးကျိုးများကာ ပညာရှိသတိဖြစ်ခဲဆိုသလို ဖြစ်နေပါသည်။ မြန်မာ စကားပုံတွင်လည်း သိသာသိစေမမြင်စေနဲ့ဟု ပြောလေ့ရှိပါသည်။ နှုတ်ကြောင့်သေ၊ လက်ကြောင့်ကြေဟူသော စကားပုံလည်းရှိပါသည်။ မပြီးခင် ဗမာမမြင်စေနဲ့ဟူသော ဆိုရိုးလည်းရှိ၏။ နိုင်ငံရေးတွင် မိမိဘာလုပ်မည်ဆို သည်ကို ၁၀၀ ရာခိုင်နှုန်း ရိုးသားပွင့်လင်းစွာ ပြောဖို့မလိုပါ။ လက်ထဲတွင် ၀ှက်ဖဲအဖြစ်ကိုင်ထားရသည့်အရာ များလည်း ရှိပါသည်။
ဒေါ်အောင်ဆန်းစုကြည်သည် အင်မတန်တော်သော နိုင်ငံတကာအဆင့်မီ လူထုခေါင်း ဆောင်တဦးဖြစ်ရာ ထိုအချက်ကို အနှေးနှင့်အမြန် သတိမူမိမည်ဟု ယုံကြည်ပါသည်။NLD ပါတီကို လူထုသည် ၁၉၉၀ ထက်ပင်ပို၍ ပုံအောမဲပေး လိုက်ခြင်းဖြစ်ရာ NLD ပါတီဥက္ကဋ္ဌကိုယုံ၍ ပုံအပ်ခဲ့ ကြခြင်းဖြစ်သည်။ ထို့ကြောင့် ပြည်သူက ယုံလို့ပုံအပ်ထားပြီးဖြစ်သဖြင့် ဒေါ်အောင်ဆန်းစုကြည် စိတ်ကြိုက် ပုံဖော်ကာ အစိုးရအဖွဲ့ဖွဲ့ပါ။ သို့သော် တက်လာမည့် သမ္မတလည်း သိက္ခာရှိအောင်၊ ဆန့်ကျင်ဘက် ဂိုဏ်းသား များ၏ အဝေဖန်လည်းလွတ်ကင်းအောင် မဇ္ဈိမပဋိပဒါနည်းလမ်းဖြင့် သွားသင့်ပါသည်။ ဘယ်သူပဲ တက်လာ တက်လာ လူကောင်းချည်းဖြစ်ရာ ပြည်သူလူထုကတော့ ကြိုဆိုနေမည်ဖြစ်ပါသည်။ ဘဘဦးတင်ဦးနှင့် NLD ၏ မဟာမိတ်တဦး သမ္မတဖြစ်လိမ့်မည်ဟု ယုံကြည်ပါသည်။
သရ၀ဏ်(ပြည်)

No comments:

Post a Comment

Related Posts Plugin for WordPress, Blogger...