Tuesday, November 17, 2015

အိပ်ရေးပျက်လို့ပါ။ ။

မင်း ဒင်

၁။ ဘာတွေလဲဗျာ။
ဆန္ဒမဲအစစ်တွေနဲ့အရွေးခံထားတဲ့၊
အနိုင်ရပါတီလွှတ်တော်ကိုယ်စားလှယ်တွေကို၊
အစိုးရအဖွဲ့တောင်မဖွဲ့ရသေးခင်မှာ၊

၂။ အတွေ့အကြုံမရှိဘူး၊
မသန်စွမ်းတွေပါတယ်၊

သမ္မတအဖြစ်ရွေးမဲ့သူကိုကြေညာတော့လေ၊
လစာတစ်ပြားမှမယူပဲလုပ်ပါလား၊
ပညာမတတ်ဘူး၊
ဘာဘူးညာဘူးဆိုပြီး၊
ရွှေဥာဏ်တော်စူးပြီး
ဝိုင်းထောက်နေလိုက်ကြတာ..၊
၃။ နေပါဦး။ပြီးခဲ့တဲ့မဲရွေးတုန်းက
မဲခိုးပြီးတက်လာတဲ့အစိုးရအဖွဲ့ထဲက
ဘယ်နှစ်ယောက်ဟာဒီမိုကရေစီလွှတ်တော်ရဲ့အတွေ့အကြုံရှိသတုန်း။
တိုင်းပြည်နဲ့လူထုအကျိုးအတွက်ဘာတွေများစွမ်းစွမ်းတမံလုပ်ခဲ့သတုန်း။
ခိုးတဲ့ပညာကလွဲလို့တိုင်းပြည်ကိုအကျိုးပြုတဲ့ဘာပညာတတ်သတုန်း။
ကိုယ်ကျိုးချည်းနင်းကြည့်တာကမှ၊ဥာဏ်မျက်စိကန်းနေတဲ့၊
တကဲ့ဒုက္ခိတအစစ်လဟ။
၎။ မသေမချင်းမှတ်။
အမရပူရမဟာဂန္ဓာရုံကျောင်းရဲ့အဓိပတိဟောင်း၊
မဟာဂန္ဓာရုံဆရာတော်ရဲ့စာသင်တိုက်စည်းကမ်းမှာတောင်
စိတ်ကောင်းရှိဖို့ပထမ။
စာတတ်ဖို့က အမှတ်စဉ်တစ်ဆယ်မှာခင်ဗျ။
၅။ အခုလာမဲ့လွှတ်တော်ထဲက၊အနိုင်ရပါတီရဲ့
အမတ်အားလုံးထဲမှာ…။
ပိုင်ဆိုင်မှုမကြေညာရဲတဲ့သူတစ်ယောက်မှမပါဘူး။
တိုင်းပြည်ဘဏ္ဍာကိုခိုးဝှက်ဖူးတဲ့
သူခိုးတစ်ယောက်မှမပါဘူး။
သံဃာတော်တွေကိုမီးလောင်ဗုံးနဲ့ခွင်းတဲ့သူ
တစ်ယောက်မှမပါဘူး။
အပြစ်မဲ့ကျောင်းသားတွေကိုရိုက်နှက်ဖမ်းဆီး၊
ထောင်ချဖူးတဲ့သူတစ်ယောက်မှမပါဘူး။
တောင်သူလယ်သမားတွေရဲ့မြေယာတွေကို
ဇွတ်သိမ်းတဲ့အပြင်တောင်သူတွေကို
သေနတ်နဲ့ပစ်သတ်တဲ့သူတစ်ယောက်မှမပါဘူး။
မဲလိမ်မဲခိုးပြီးတက်လာတဲ့သူ
တစ်ယောက်မှမပါဘူး။
၆။ ငါ့စကားနွားရ၊မစားရတဲ့အမဲသဲနဲ့ပက်နေသူတွေ
ရပ်တန်းကရပ်ရင်ကောင်းမယ်။
လူတွေအိပ်ရေးပျက်လှပြီ။

No comments:

Post a Comment

Related Posts Plugin for WordPress, Blogger...