Thursday, January 21, 2016

ဒီနေ့ ဗုိုလ်ချုပ်မြ မွေးနေ့ အမှတ်တရ ၀တ်ပြုဆုတောင်းပွဲတက်ရင်း ပြန်လည်ကြားယောင် သတိတယ မှတ်သားထားမိတဲ့စကားတချို့ 

Kyaw Kyaw Nyein Chan


၁။ ငါတုို့ တော်လှန်ရေးလုပ်နေတာဟာ ကရင်တမျိုးသားထဲ လွတ်လပ်ဖုို့ မဟုတ်ဘူး ....
တပြည်လုံးမှာရှိတဲ့ အဖိနှိပ်ခံ တုိုင်းရင်းသားလူမျိုးပေါင်းစုံအားလုံးလွတ်လပ်ဖုို့ ...။
၂။ လက်နက်ကုိုင်တော်လှန်ရေးလုပ်တယ်ဆုိုတာ အဖိနှိပ်ခံတွေအတွက် ညာလက်နဲ့ တုိုက်ပွဲဝင်တာပဲ ...။ တပြည်လုံးငြိမ်းချမ်းရေးအတွက် စားပွဲဝုိုင်းပေါ်မှာ ဆွေးနွေးတယ်ဆုိုတာဟာ ဘယ်လက်နဲ့ တုိုက်ပွဲဝင်တာပဲ ..။ တပြည်လုံးလွတ်မြောက်ဖုို့ဆုိုတာ ဘယ်နဲ့ညာ ဟန်ချက်ညီညီ တုိုက်ဖုို့ လုိုတယ် ...။

၃။ အပစ်အခတ်ရပ်စဲရေး၊ ငြိမ်းချမ်းရေး ဆွေးနွေးတယ်ဆုိုတာဟာ လက်နက်ချ အညံ့ခံဖုို့ မဟုတ်ဘူး .. တုိုင်းရင်းသားပေါင်းစုံ လူထုကြီးတရပ်လုံးရဲ့  အနာဂါတ်လှပဖုို့ သတ္တိရှိရှိ
လူကြီး လူကောင်းပီပီ ဆွေးနွေးအဖြေရှာတာပဲ ...။ စစ်တုိုက်တာ သတ္တိရှိဖုို့၊ ဇွဲရှိဖုို့ လုိုသလုို
ငြိမ်းချမ်းရေးအတွက် တုိုက်ပွဲဝင်တာ ပုိုပြီး သတ္တိရှိဖုို့၊ ဇွဲ ရှိဖုို့ လုိုတယ် ...။
၎။ တချိန်က ဗုိုလ်ချုပ်မြနဲ့ ဗုိုလ်ခင်ညွန့် တွေ့ တုန်းက ဗုိုလ်ခင်ညွန့်က ဗုိုလ်ချုပ်မြကုို ရင်ဘတ်မှာ စာတမ်းပါတဲ့ ကရင်သင်တုိုင်း တထည် လက်ဆောင်ပေးရင်း သူကုိုယ်တုိုင်ဝတ်ပေး တယ် ..။
မျက်စိလျင်တဲ့ ဗုိုလ်ချုပ်မြက .. "ဟေ့ .. ဖုိုးဒုို(ငါ့တူ) .. သင်တုိုင်းပေါ်မှာ ဘာရေးထားလဲ" .. လုို့ ဗိုလ်ခင်ညွန့်ကုိုမေးတယ် ..။
ဗုိုလ်ခင်ညွန့်က .. "ငြိမ်းချမ်းရေးဆီသုို့ .. လုို့ ရေးထားပါတယ် ဖထီး" .. လုို့ ပြန်ဖြေတယ် ..။ ဗုိုလ်ချုပ်မြက ချက်ခြင်း ပြန်ပြောတယ် ....။ "ဖုိုးဒုိုတုို့ဟာက မပြည့်စုံဘူး .... စစ်မှန်သောငြိမ်းချမ်းရေးဆီသုို့" .. လုို့ ပြောမှ မှန်မယ်" .... လုို့ ဒက်ခနဲ ပြန်ပြောတယ် ...။
ဗုိုလ်ချုပ်မြက ဗုိုလ်ခင်ညွန့်လောက် မြန်မာစကား မတတ်ပါဘူး ... ဒါပေမဲ့ ဗုိုလ်ခင်ညွန့်၊ ဗုိုလ်သန်းရွှေတုို့ထက် နုိုင်ငံရေး နားလည်တယ် ... တုိုင်းပြည်အပေါ် လူထုအပေါ် စေတနာ ထားတယ်။
၅။ ဗုိုလ်ချုပ်မြ ငြိမ်းချမ်းရေးဆွေးနွေးပွဲအတွက် ရန်ကုန်ရောက်နေတဲ့အချိန် သူ့မွေးနေ့ နဲ့
တုိုက်ဆုိုင်နေလုို့ ဗုိုလ်ခင်ညွန့်က မွေးနေ့ပွဲလုပ်ပေးတယ် ...။ (အမှန်က တမင် အချိန်ကုိုက် ခေါ်တာပါ)။
အဲဒီပွဲလာတက်တဲ့ ပြည်တွင်းက ကရင်လူကြီးတချို့ က မျက်နှာ မကြည်မသာနဲ့ ဗုိုလ်ချုပ်မြကုို "နင် .. ဘာလာလုပ်တာလဲ.." လုို့ မေးတယ် ..။
ဗုိုလ်ချုပ်မြက ... "ငါ ..တောထဲမှာ တုိုက် လာတာကြာပြီ .. ခု မြို့ ပေါ်မှာ လာ တုိုက်တာ" .. လုို့ တုံးတိတိ ဖြေတယ် ...။
"မြို့ ပေါ်မှာ တုိုက်လုို့ မရရင်ကော" ... လုို့ ပြည်တွင်းက လူကြီးတချို့ က ပြန်မေးတယ် ....။
"အဲဒါဆုို .. နင်တုို့ မြို့ ပေါ်မှာ ဆက်တုိုက်ကြ ... ငါလဲ တောထဲပြန်ပြီး ဆက်တုိုက်မယ်" .. လုို့ မဆုိုင်းမတွ ပြန်ဖြေသတဲ့ ...။
ကျန်တာတွေတော့ နောက်များမှပေါ့ ...။

No comments:

Post a Comment

Related Posts Plugin for WordPress, Blogger...