Wednesday, February 10, 2016

... နိုင်ငံတကာရောက် မြန်မာပြည်သားများအတွက် ၀မ်းသာစရာ ....

Henry Maung Thant


အမေရိကန်အပါဝင် နိုင်ငံပေါင်း ၁၁ နီုင်ငံက မြန်မာသံမှုတွေကို ပြန်ခေါ်ပြီး
အစိုးရသစ်ရဲ့ သံမှုအသစ်တွေပြန်လှည်ခန့်အပ်ဖို့ ဒေါ်အောင်ဆန်းစုကြည်က
ဦးသိန်းစိန်ကို ပြောထားပါတယ်တဲ့ .....

ကမ္ဘာအရပ်ရပ်မှာရှိတဲ့ မြန်မာပြည်သံရုံးဆိုတာ မြန်မာပြည်သူတွေအတွက်
အသက်ဝင်လာပြီး - မြန်မာပြည်သူတွေအတွက်အားကိုးစရာဖြစ်လာတော့မယ် ....

... ဒေါ်အောင်ဆန်းစုကြည်နှင့် သမ္မတ ဦးသိန်းစိန် ဆွေးနွေးစဉ်က နိုင်ငံပေါင်း ၁၁နိုင်ငံမှ လက်ရှိအစိုးရ ခန့်အပ်ထားသော သံအမတ်ကြီးများ နေရာတွင် အစိုးရသစ်မှ စိတ်ကြိုက်ခန့်ထားနိုင်ရန် အတွက် အဆိုပါ သံအမတ်ကြီးများကို ယခုအစိုးရ လက်ထက်တွင် ဖယ်ရှားပြောင်းရွှေ့ပေးထားစေလိုကြောင်း တောင်းဆိုခဲ့သည်ဟု အမျိုးသား ဒီမိုကရေစီ အဖွဲ့ချုပ်နှင့် နီးစပ်သူများထံမှ သတင်းများ ထွက်ပေါ်လျက်ရှိသည်။အဆိုပါ နိုင်ငံများမှာ အမေရိကန်၊ ဗြိတိန်၊ ပြင်သစ်၊ ဂျာမနီ၊ စင်ကာပူ၊ ထိုင်း၊ မလေးရှား၊ တောင်ကိုရီးယား၊ သြစတြေးလျ၊ တရုတ်နှင့် ဂျပန်တို့ဖြစ်ကြောင်း သိရသည်။ ထိုနိုင်ငံများသည် သံတမန် အဆင့်အတန်းတွင် ဂရိတ်အေအဆင့် နိုင်ငံများ ဖြစ်ကြောင်းလည်း သိရသည်။လက်ရှိတွင် အမေရိကန်နိုင်ငံဆိုင်ရာ မြန်မာသံအမတ်ကြီးနှင့် ဗြိတိန်နိုင်ငံဆိုင်ရာ မြန်မာသံအမတ်ကြီးများကို မြန်မာနိုင်ငံသို့ ပြန်လည်ခေါ်ယူထားသည်။ထိုသို့ဖယ်ရှားရန် တောင်းဆိုသည့် နိုင်ငံ ၁၁နိုင်ငံ၏ သံအမတ်ကြီး အများစုမှာ တပ်မတော်မှ နိုင်ငံခြားရေး ၀န်ကြီးဌာနသို့ ပြောင်းရွှေ့တာဝန် ထမ်းဆောင်နေသည့် တပ်မတော် အရာရှိများ ဖြစ်ကြောင်းလည်း သိရသည်။မြန်မာနိုင်ငံသည် နိုင်ငံပေါင်း ၉၇နိုင်ငံနှင့် သံတမန်အဆက်အသွယ် ရှိသော်လည်း နိုင်ငံပေါင်း ၄၆ နိုင်ငံတွင်သာ သံရုံးရှိပြီး ကောင်စစ်ဝန်ရုံးများမှာလည်း ခြောက်ခုသာရှိသည်။ နောက်ဆုံးဖွင့်လှစ်ခဲ့သည့် သံရုံးနှစ်ရုံးမှာ သြစတြီးယားနိုင်ငံ ဗီယင်နာမြို့နှင့် နော်ဝေနိုင်ငံ အော်စလိုမြို့တို့တွင်ဖြစ်ပြီး အသစ်ဖွင့်လှစ်လိုက်သည့် ကောင်စစ်ဝန် ရုံးနှစ်ရုံးမှာ ထိုင်းနိုင်ငံ ချင်းမိုင်နှင့် အမေရိကန်နိုင်ငံ လော့စ်အိန်ဂျယ်လိစ် မြို့များတွင်ဖြစ်သည်။လက်ရှိဖယ်ရှားမည့် သံအမတ်ကြီးများကို အခြားနိုင်ငံများသို့ ပြောင်းရွှေ့ခန့်ထားရန်မှာလည်း နိုင်ငံခြားရေး ၀န်ကြီးဌာနတွင် သံရုံးများ အသစ်ဖွင့်လှစ်ရန် ဘတ်ဂျက်မရှိသဖြင့် အဆိုပါ သံအမတ်ကြီးများ အနေဖြင့် ရာထူးမှ အနားယူရန် အခြေအနေများနေကြောင်းလည်း နိုင်ငံခြားရေး ၀န်ကြီးဌာန အကြီးတန်း အရာရှိတစ်ဦးက Tomorrow ဂျာနယ်သို့ ပြောပြခဲ့သည်။

No comments:

Post a Comment

Related Posts Plugin for WordPress, Blogger...