Friday, May 27, 2016

ကျွန်ုပ်၊ဝန်ကြီးပဒေသရာဇာနှင့်မြူထသောနွေဦး (မင်းဒင်)

မင်း ဒင်

(တစ်)
“ဟာ၊ငတို့ဆြာ၊ခါးတောင်ကိုမြောင်နေအောင်ကျိုက်လိုက်တော့
၊ပေါင်လုံးကြီးတွေက၊ကောက်ညှင်းကျည်တောက် လောက်ကိုရှိသဟေ့”
“အေးကွ။တင်ပါးမှာလည်းပွေးကွက်တွေမနည်းပါလား”

“နှင်းခူအခြောက်တွေထင်တယ်နော်၊ဒါမျိုးက လိမ်းဆေးနဲ့
မရလောက်တော့ဘူး”
ရွှေပင်ရွာအရှေ့တံခါးနှင့်မလှမ်းမကမ်းတွင် “အခြေခံပညာမူလတန်းကျောင်း(ရွှေပင်) ”ဟူသောသစ်လွင်ခန့်နား လှသည့်ဆိုင်းဘုတ်ကြီးတစ်ခုကိုအဝေးကပင်မြင်နိုင်လေသည်။
ကျောင်းပရဝုဏ်၏အကျယ်ကားဧကအားဖြင့်နှစ်ဧကနီးပါးခန့်ရှိပြီး၊
ယင်း၏မြောက်ဖက်အစပ်တွင်စေတနာရှင်များ၏ကောင်းမှုဖြစ်သော အသစ်စက်စက် ခေတ်မီ ကျောင်းဆောင်ကြီးသည်
ကိုင်းတောခြောက်ကြားတွင်ရပ်ထားသည့်မာစီးဒီးကားကြီးနှင့်
အလားသဏ္ဌန်တူလှလေသည်။ထိုကျောင်း၏ရှေ့
အလံတိုင်အောက်တွင်မူသဲသဲရုတ်ရုတ်လူအုပ်ကြီးသည်၊
အလွန်ပူပြင်းလှပါသည်ဆိုသောအယ်လ်နီညို၏ပြင်းထန်သည့်
အပူဒဏ်ကိုကြံ့ကြံ့ခံကာ၊မျောက်ပွဲရှုံးလောက်အောင်
ကြက်ပျံဘဲပျံမကျ စည်ကား လျက်ရှိလေ၏။
မင်းပရိသတ်တို့ကားလူစုံတက်စုံရှိလှ၏။ရွှေပင်မူလတန်းကျောင်း၏
ကျောင်းအုပ်ဆရာမကြီးအပါအဝင်ဆရာ၊ဆ ရာမများသာမက၊ရွာရှိလူကုန်ဆိုနိုင်၏။နှပ်ချေးဗလဗျစ်
၊ဂွေးတန်းလန်းနှင့်ရွှေပင်၏အနာဂတ်ခေါင်းဆောင်လောင်း လျာတို့လည်းပါဝင်ချေသည်။
ထိုလူအုပ်ကြီး၏အလယ်တွင်၊အညာတဘက်အကွက်ကျဲကျဲကြီးကို
ဦးခေါင်းတွင်ပတ်လျက်၊ခါးတောင်းမြောင် အောင်ကျိုက်ကာ
၊ကျောပြောင်ကြီးနှင့်ဝါရင့်ထန်းတက်သမားတစ်ဦးပမာ
တင့်တယ်စွာရပ်နေသူကားအခြားသူမဟုတ်။ရွှေပင်ရွာချက်မြှုပ်၊
မတစ်ထောင်တစ်ကောင်ဖွား၊အာဂယောက်ျားကျွန်ုပ်ဆြာဒင်ပေတည်း။
(နှစ်)
ကျွန်ုပ်၏ခန္ဓာကိုယ်အချိုးအဆစ်နှင့်ကိုယ်နေဟန်ထားမှာ
ပုဂံရာဇဝင်တွင်ထင်ရှားကျော်ကြားခဲ့သောကျန်စစ်သား၊ ငထွေရူး၊ညောင်ဦးဖီး၊ငလုံးလက်ဖယ်အမည်ရှိလူစွမ်းကောင်း
လေးဦးအနက်ငထွေရူးမည်သသူအာဂလူအား
အရှင်လတ်လတ်မြင်တွေ့နေရသည့်နှယ်ပင်၊
ထင်မှတ်မှားလောက်ချေ၏။
သို့သော်ဟင်းမွှေသောယောင်းမသည်ဟင်း၏အရသာကို
မသိသကဲ့သို့၊ကျွန်ုပ်၏လက်စွဲတော်တပည့်ကျော်များ ကား၊ခန့်ငြားလှသောဆြာ့ဥပဓိရုပ်ကိုဥပက္ခာပြုလျက်၊
ဤစာ၏နိဒါန်းတွင်ဆိုခဲ့သည့်အတိုင်း၊မသိနိုးနားစကားသံများဖြင့်
မနာလိုဝန်တိုစိတ်ပွားနေကြခြင်းကိုကျွန်ုပ်အရေးမလုပ်နိုင်အားချေ။
လည်ချောင်းတွင်မှသလိပ်တို့ကိုဟက်ကနဲနေအောင်ရှင်းထုတ်လိုက်ရင်း
၊အောက်ပါထန်းတက်ဖွဲ့တံတျာချင်းကို ဥသြဘသောင်၊ပြည်လှဖေတို့ လက်မှိုင်ချလောက်သည့်အသံသြကြီးဖြင့်သီဆိုကျူးရင့်လိုက်လေသည်။
“နွေဦးကာလ၊မြူထသောခါ၊ရင်းထောင်ရင်းဆွဲ၊ဆောင်မြဲအိုးလွယ်ကာ၊
ဓားနှီးထက်စွာ၊ခါးမှာချပ်လျက်၊ထန်းပွင့် ထန်းခိုင်၊ရွှန်းမြိုင်မြိုင်၊ ကလိုင်သာလွယ်လို့၊တက်သည်နှင့်လေး၊ထန်းပင်ထန်းလက်၊
ထန်းရွက်ကယ်ဝေဝေ၊စင်အောင်ခုတ်ထစ်၊နုမြစ်ကယ် ထန်းဦးရေ၊ မယားငယ်ဆွေ၊ထန်းရေသိမ်းဆည်း၊သားမြေးဟစ်ကြော်
၊ခွေးဝက်ကယ်ခေါ်၊ ထန်းလျှော်သာ၊ယုန်ပိုက်စည်းငယ်နှင့်လေး”
ပရိသတ်၏တုန့်ပြန်မှုကားအားရစရာကောင်းလေစွ။တုတ်တုတ်မျှ
မလှုပ်ကြလေ။သည်တွင်အကွက်ကောင်းကိုချောင်းနေဟန်ရှိသည့်
တပည့်ကျော်တို့တစခန်းထလာပြန်လေတော့သည်။
“ဆြာရယ်၊သီချင်းဆိုပြမယ်ဆိုရင်လည်းလေးဖြူ
သီချင်းလေးလောက်တော့လုပ်ပါဆြာရဲ့”
“ဟုတ်သားပဲဆြာရယ်။တွံတေးသိန်းတန်တို့ဟင်္သာတထွန်းရင်
တို့လောက်ဆိုရင်လည်းမဆိုးပါဘူးလေ”
ကြာရွက်အောက်မှဖားသူငယ်တို့သည်ကြာဝတ်ကြာဆံ၏အရသာကို
မသိသည့်ဥပမာကိုရုတ်ခြည်းပြေး၍သတိရစရာကောင်းလှပါ၏။ တပည့်ကျော်တို့နှင့်ကျွန်ုပ်၏ဇာတိရွာသုိ့၊သည်တခေါက်ရောက်လာ
ရခြင်းမှာအလည်အပတ်သဘောမဟုတ်လေ။ကျွန်ုပ်၏
ဧရာမရည်ရွယ်ချက်ကြီးကို အားကြိုးမာန်တက် အကောင်အထည်ဖော်ရန်ဖြစ်ချေသည်။
ဖူးခက်မှသည် ရွှေပင်သို့အချိန်မီတက်သုတ်နှင်ခဲ့ရသည်ဖြစ်၍
သင်းတို့အား၊လာရင်းခြင်းရာ ကိစ္စအပေါ်ကြိုကြိုတင်တင် ရှင်းမပြ ဖြစ်ခဲ့သည်မှာလည်းကျွန်ုပ်ဖက်မှလိုအပ်ချက်ဖြစ်နိုင်၏။
ယခုသော်..၊ကျွန်ုပ်၏အပြုအမူအပေါ်ဗူးလုံးနားမထွင်း၊
နဝေတိမ်တောင်ဖြစ်နေကြရှာသောတပည့်ကျော်များနှင့်
မင်းပရိသတ်အား၊ဖွင့်ဆိုရှင်းလင်းရန်အချိန်တန်ခဲ့ချေပြီတမုံ့။
(သုံး)
“ကျောင်းအုပ်ဆရာမကြီးအမှူးပြုတဲ့ဂုဏ်သရေရှိရွှေပင်သားတို့ခင်ဗျာ။
အခုချိန်ဟာဆိုရင်ဖြင့်၊ပြည်သူကရွေးချယ်တဲ့ပြည်သူ့အစိုးရခေတ်ဆီကို
ချဉ်းနင်းဝင်ရောက်လာပြီဖြစ်တဲ့အတွက်အစိုးရသစ်ရဲ့မူဝါဒနဲ့
အညီရွှေပင်ရွာရဲ့ပညာ ရေးကိုမြှင့်တင်ပေးလိုတဲ့အတွက်
ကျွန်ုပ်ရောက်ရှိလာရခြင်းဖြစ်ပါတယ်ခင်ဗျာ။
ပညာရေးဆိုတာနိုင်ငံတခုအတွက် မရှိမဖြစ်လိုအပ်တဲ့ ရင်းနှီးမြှုပ်နှံမှုဖြစ်တဲ့အတွက်အခုအသစ်ပြဌာန်းလိုက်တဲ့
ပညာရေးစီမံချက်များအရ၊ကလေးငယ်များကိုပညာသင်ကြားရာမှာ
လက်တွေ့လူနေမှုဘဝနဲ့ထင်ဟပ်ပြီးသင်ကြားကြရမှာမို့…၊
ကျွန်ုပ်အနေနဲ့၊ရွှေပင်ရဲ့ ပညာရေးကိုတတပ်တအား
ပါဝင်မြှင့်တင်တဲ့ဖို့အတွက် ဝန်ကြီးပဒေသရာဇာရဲ့ထန်းတက်ဖွဲ့တျာချင်းကို၊ သရုပ်ပြ ရွတ်ဆိုနေခြင်းဖြစ်ပါတယ်ခင်ဗျာ”
“သြ..၊လက်စသတ်တော့ဂလိုကိုး။ဒါဆိုရင်လည်းဟစ်ဟော့
သီချင်းစတိုင်ဆိုရင်ပိုမကောင်းဘူးလားဆြာ”
“ဒါက ဒီလိုရှိတယ်မောင်ဖေကြည်ရဲ့။စာဆိုဝန်ကြီးပဒေသရာဇာ
ဟာကျေးလက်နေတောသူတောင်သားတွေရဲ့ နေ့စဉ်ဘဝကို
ထင်ဟပ်တဲ့ပျို့၊ကဗျာ၊တျာချင်းတွေကိုရေးစပ်ခဲ့သူဖြစ်လို့မို့၊
ငတို့ရွှေပင်လိုကျေးလက်စရိုက်နဲ့၊ထူးထူးခြားခြားအံကိုက်ဖြစ်နေတာမို့၊
သူ့တျာချင်းကိုရွတ်ပြရတာလကွဲ့”
“ပညာရေးကိုမြှင့်တယ်ဆိုတာကတော့ဟုတ်ပါပြီဆြာရယ်။
ဒါပေသိဗုံမပါဆိုင်းမပါဆြာ့အသံပြာတာတာနဲ့ ကတော့
သိပ်မဟန်လှဘူးဆြာ”
ထောက်လက်သီးကဲ့သို့ပြင်းထန်လှသည့်လေမင်းသား၏ခနဲ့တဲ့တဲ့
စကားသံကြောင့်ကျွန်ုပ်မဲ့ပြုံးပြုံးမိ၏။ဆြာစားတကွက်ချန်ထားသည်ကို
သင်းမသိလေ။
“အဟက်၊အဟက်၊သဟာဖြင့်လည်း မောင်တို့ဆြာရဲ့အစွမ်း
ကိုပြရသေးတာပေါ့ကွယ်။ဒီမယ်ကွဲ့။ကိုရင်ပေါ်အေးရဲ့။ သဏ္ဌန်လုပ်သရုပ်တူအောင်ကျုပ်ကိုယ်တိုင်ထန်းတက်ပြဖို့ရင်းတောင်၊
ရင်းစွဲ၊ကလိုင်နဲ့မြူအိုးတွေယူခဲ့စမ်းပါလကွယ်”
“ကြည့်လည်းလုပ်ပါဆြာရယ်။အိုကြီးအိုိမနဲ့ ထန်းပင်ပေါ်မရောက်ခင်၊ပြုတ်ကျပြီးမာလကီးယားမှ
ဟုတ်ပေ့ဖြစ်နေ ဦးမယ်”
သင်းစကားကိုကျွန်ုပ်ခွန်းတုံ့မပြန်နိုင်မီမှာပင်၊လူအုပ်ကြားထဲမှ
တုံချိတုံချိနှင့်ထွက်ပေါ်လာသူမှာ ကျွန်ုပ်နှင့်မီးဝင် မီးထွက်သက်တူရွယ်တူဖြစ်သူရွှေပင်သားပေါ်အေးပေတည်း။
သူ့အသံမှာအဘိုးကြီးအိုသံပေါက်နေလေသည်။
(လေး)
“တို့ကိုရင်ငဒင်လည်းရွာနဲ့အဆက်ပြတ်နေတော့၊
ရွာအကြောင်းဘာမှမသိတော့ပဲကိုး။ကျုပ်တို့ရွာမှာထန်းသမားတွေ
အားလုံးလိုလိုမလေးရှားမှာဆိုလား၊အုန်းပင်သွားတက်နေကြပြီဗျ။
ရင်းတောင်ရင်းစွဲ၊ကလိုင်တို့မြူအိုးတို့ဆိုတာဘယ်မှာလာရှာလို့
ရပါ့မတုန်း။နောက်ပြီး..၊ရွာနီးချုပ်စပ်မှာသစ်ကြီးဝါးကြီးတွေရှားလွန်းလို့
ထန်းပင်တွေကိုပျဉ်တိုက်ခွဲပြီး၊အိမ်ခင်းအိမ်ကာလုပ်ကြတာနဲ့
ထန်းတောတွေတောင်ပြောင်သလောက်ရှိနေပါပကော။
ကိုရင်ထန်းပင်ပေါ်တက်နိုင်မယ်ဆိုရင်တောင်ရာသီဥတုဖောက်ပြန်
လွန်းလို့ထန်းနို့တွေတောင်ခြောက်နေပြီမို့၊ဘယ်မှာလာ
ထန်းရည်ရနိုင်ပါ့မတုန်း”
“ကဲပါလေ။သဟာဖြင့်လည်း…“ခေါ်သံရိုက်ဟည်း၊လူလည်းကြော်ငြာ
၊ခွေးဟစ်လူဟစ်၊ခတ်ပစ်ကယ်ခြောက်သော ခါ၊ ပတတ်ကယ် ယုန်,ခါ၊ တောမှာရှိကြ၊ငုံး,ကြက်ကယ် ဖွတ်,မြွေ၊ဝံပုလွေ၊မနေ
ထွက်လာကြ သည်တည့်လေး။
ဝမ်းသာအားရ၊မယားကတသွယ်၊ဟင်းရွက်ဆိုးကောင်း
၊သောင်းပြောင်းရော၍လွယ်၊လင်ကတသွယ်၊ ယုန်ငယ်က စ၊တောသတ္တဝါ၊တွေ့တိုင်းကိုသာ၊အိတ်မှာသာယူ၍ချသည်နှင့်လေး”
ဆိုတဲ့အပိုဒ်ကိုသရုပ်ဖော်ရအောင်၊ကိုရင်ပေါ် အေးသာကလေးတွေခေါ်ပြီး၊တောခြောက်ဖို့နီးရာတောအုပ်ဆီလိုက်ခဲ့ကြပေတော့ဗျာ”
“ရော၊ခက်ပါဘိ။မြက်ပင်တောင်ကောင်းကောင်းမပေါက်
ချင်တော့တာ။တောအုပ်ဆိုဝေလာဝေးပေါ့။ဘယ်နှယ်..၊တောမရှိပဲ၊
ဖွတ်၊မြွေ၊ဝံပုလွေ၊ပတတ်၊ယုံ၊ခါတွေဆိုတာ ဘယ်မှာလာရှိပါ့မတုန်းဗျာ။ကိုရင်နဲ့တော့ခက်ချက်”
ကျွန်ုပ်အာစေးမိသကဲ့သို့ရှိ၏။
“သို့နှင့်ရောက်က၊ခဏအောင့်လျှင်၊တံစို့ထက်နှင့်၊ထန်းလျက်ဖိုမှာကင်၊
ဟင်းအိုးဆူလျှင်၊အကင်ခတ်ပြီး အိုးကင်း နှင့် လှော် ၊ရေနှင့်ကြော်၊မိုးမျှော်ငရုတ်သီးငယ်နှင့်လေး။နှီးဒေါင်းလန်းကြီး၊
ခူးပြီးသောခါ၊သမီးနှင့်သား၊များလို့ မဝင်သာ၊ ဒူးတဖက်သာ၊တွန်းကာဖယ်လျက်၊သူ့ထက်ငါလေ၊စားတော့မည်ဝေ၊
စပေသာလှအုန်းခွက်ကယ်နှင့် လေး”ဟူသောအပိုဒ်ကိုရှေ့ဆက်ရန်၊
ကျွန်ုပ်တွင်အင်အားမရှိတော့ချေ။ဝန်ကြီးပဒေသရာဇာ
၏နွေဦးကားမြူထလွန်းလှချေ၏။မောင်ဒင်လက်လျှော့နေလေတော့။
(ငါး)
မည်သို့ပင်ရှိစေကာမူကျေးလက်စာဆိုဝန်ကြီးပဒေသရာဇာကိုဖြင့်
၊ရွှေပင်၏အနာဂတ်ရင်သွေးငယ်များနှင့်လက်ပွန်းတတီး
ရှိစေချင်သည့်ကျွန်ုပ်သည်မဟာဇနက္ကထုံးနှလုံးမူလျက်နောက်ဆုံး
အားထုတ်မှုကိုပြုရတော့သည်။
“အင်း…၊ပြည်သူ့အစိုးရတက်လာပြီဆိုတော့၊ကျုပ်တို့ရွှေပင်မှာ
မကြာခင်တောတွေတောင်တွေနဲ့စိန်းလန်းလာတော့မှာပါလေ။
အဲဒီအခါမှာသာ ဆရာဆရာမတွေအနေနဲ့ တပည့်တွေကိုဝန်ကြီးပဒေသရာဇာနဲ့သေချာမိတ်ဆက်ပေး လိုက်ကြတော့ဗျာ။ဆရာ၊ဆရာမတို့ဝန်ကြီးပဒေသာရာဇာ
ကိုတော့သိပါတယ်နော်”
ကျွန်ုပ်မေးခွန်းအဆုံးတွင်ဆရာ၊ဆရာမတို့ထံမှမရဲတရဲအသံထွက်လာ၏။
“ဒီကျောင်းကိုတော့ဘယ်ဝန်ကြီးမှမလာဖူးပါဘူးဆြာဒင်ရယ်။နောက်ပြီး..၊
ပဒေသရာဇာဆိုတာပြုတ်သွားတဲ့ဝန်ကြီး လား၊အခုဝန်ကြီးအသစ်လားဆြာ”
စိတ်ပျက်ပျက်နှင့်ခေါင်းကိုတဗျင်းဗျင်းကုတ်မိရာ၊
ကျွန်ုပ်၏ခေါင်းမှဘောက်တို့ပင်တဖွားဖွားကျလာသည်အထိဖြစ်၏။
“ဒါဆိုကျောင်းအုပ်ဆရာမကြီးကိုပဲအားကိုးရတော့မှာပဲ။
ဆရာမကြီးကတော့၊ဝန်ကြီးပဒေသရာဇာကိုသိမှာပါနော်"
“ပေါက်ပေါက်ရှာရှာဆြာရယ်။ကျမဖြင့်အဲဒီနာမည်တခါမှမကြားဖူးပါဘူး”
“အာ၊ဆရာမကြီးကလည်း ဝန်ကြီးပဒေသရာဇာဆိုတာ
မှန်နန်းရာဇဝင်ကိုရေးတဲ့ ဦးကုလားနဲ့တခေတ်ထဲလေ”
“ဦးကုလားကော၊ဦးတရုတ်ကောကျမမသိပါဘူးရှင်။
ကျမကလူတကာကိုလိုက်ပြီးမိတ်ဆွေဖွဲ့နေရမလား။
ကျမကအပျိုကြီးရှင့်။ကဲပါဆြာရယ်။ဆြာရောကလေးတွေပါနေပူလှပြီ။
ကျမတို့ကလေးတွေကျောင်းအပ်တာလက်ခံရဦးမယ်ဆြာဒင်”
ခဲလေသမျှသဲရေကျရလေသောကျွန်ုပ်သည်၊စိတ်ပျက်ပျက်နှင့်
ဘယ်ဝယ်မြောက်တောင်သို့ဖွေယောင်မျှော်ကြည့်မိလေရာ
၊မြင်ရလေသမျှယာခင်းတို့မှာ တံလျှပ်တို့ဖြင့်ပြည့်နေ၏။
အညာနေကားပူလှသည်။ကျွန်ုပ်၏ကျောပြင်မှ စီးကျလာသောချွေးတို့ကြောင့်တကိုယ်လုံးယားယံသလိုလို
ခံစားလာရသည်။ထို့ထက်..၊ကျွန်ုပ်၏တင်ပါးမှာနှစ်ရှည်လများ
စွဲကပ်ခဲ့သောပွေးကွက်တို့ကပို၍ဆိုးဆိုးရွားရွား
ယားယံနေသည်ဟုသာထင်မိလေတော့၏။ ။

၃၁၊မေ၊၂၀၁၆နေ့ထုတ် စောင့်ကြည့်ဂျာနယ်မှ။ ။

No comments:

Post a Comment

Related Posts Plugin for WordPress, Blogger...