Sunday, May 1, 2016

ပြည်သူတွေပိုင်တဲ့နေရာကို အစိုးရဌာနတွေက ကျူးကျော်ထားတာ အများကြီးပဲ || ထက်ခေါင်လင်း / Myanmar Now ||

The Ladies News Journal

အများပြည်သူနှင့် သက်ဆိုင်သည့် နေရာအများအပြားကို အစိုးရက ကျူးကျော်ထားသည်ဟု ရန်ကုန်တိုင်းဒေသကြီး လွှတ်တော်ကိုယ်စားလှယ် ဦးနေမျိုးကျော်ကပြောသည်။ ဦးနေမျိုးကျော်သည် နိုင်ငံရေးအကျဉ်းသားဟောင်း ဘလော်ဂါ နေဘုန်းလတ်အဖြစ် ပိုမိုလူသိများသူ ဖြစ်သည်။ မကြာသေးမီက Myanmar Now နှင့် တွေ့ဆုံစဉ် ဦးနေမျိုးကျော်က ယာဉ်ကြောပိတ်ဆို့မှု၊ ကျူးကျော်ရပ်ကွက်၊ လမ်းဘေးဈေးသည်၊ ရန်ကုန်လူထု၏ လူနေမှုဘဝများ အကြောင်း ပြောပြထားသည်။

မေး - လွှတ်တော်မှာ ပထမဆုံးရတဲ့ အတွေ့အကြုံတွေက ဘာတွေ ဖြစ်မလဲ။
ဖြေ - လွှတ်တော်တက်ပြီး သိပ်မကြာခင်မှာပဲ ပထမဆုံးလုပ်ရတဲ့ အလုပ်က ပြီးခဲ့တဲ့ အစိုးရက ရေးဆွဲခဲ့တဲ့၂ဝ၁၆ - ၂ဝ၁၇ ဘဏ္ဍာငွေ ရသုံးမှန်းခြေ ဥပဒေစိစစ်ရတဲ့ ကိစ္စပဲ။ နောက်နှစ်အတွက် သုံးမယ့်ဟာကိုလည်း စိစစ်ပြီးအတည်ပြုရတယ်။ အဲဒီမှာလွှတ်တော်ရဲ့ အခန်းကဏ္ဍက တော်တော်လေး အရေးကြီးတယ်ဆိုတာ သဘောပေါက်သွားတယ်။ စီးတဲ့ရေ ဆည်တဲ့ကန်သင်း ဖြစ်ဖို့ လိုတယ်။ အစိုးရက အခွန်တွေကောက်တယ်၊ ပိုက်ဆံတွေရှိတယ်။ အဲဒါကို ဘယ်မှာသုံးမလဲကို လွှတ်တော်က စိစစ်အတည်ပြုပေးမှသာလျှင် အစိုးရကသုံးလို့ရတဲ့ အနေအထားမျိုး။ ဘဏ္ဍာငွေအများကြီး သုံးထားတဲ့ ခုံးကျော်တံတား ၂ ခု စီမံကိန်းကိုဖျက်ပြီးတော့ ရန်ကုန်စည်ပင်နယ်နိမိတ် ပြင်ပက ကျေးလက်တွေ ဖွံ့ဖြိုးရေးမှာသုံးဖို့ကို ပြင်လိုက်နိုင်တယ်။
မေး - ၂ဝ၁၅- ၂ဝ၁၆ ဘဏ္ဍာငွေ ရသုံးမှန်းခြေကိုကော စိစစ်မှုတွေလုပ်ဖြစ်သလား။ ထူးခြားတာ ဘာများတွေ့မိသေးလဲ။
ဖြေ - လုပ်ခဲ့ပါတယ်။ အဲဒီမှာ ဘတ်ဂျက်တွေယူထားပြီးတော့ မသုံးထားတာတွေလည်း တွေ့ရတယ်။ ပြသ၁နာက အခုတက်လာတဲ့သူတွေက ဝန်ကြီးအသစ်တွေဆိုတော့ လာမယ့်နှစ်ဟာကိုပဲ တာဝန်ယူတယ်။ ဆင်းသွားတဲ့ ဝန်ကြီးတွေကလည်း တာဝန်မယူခဲ့ဘူး။ ဒီတော့ လွှတ်တော်ကိုယ်စားလှယ်တွေက တင်ပြရုံသာ လုပ်နိုင်ခဲ့ပြီးတော့ မှတ်တမ်းအနေနဲ့ပဲ အဖတ်တင်တဲ့ သဘောမျိုး ဖြစ်နေတယ်။ တာဝန်ခံပြီး ဖြေရှင်းမယ့်သူ ဘယ်သူမှမရှိဘူး။ ငွေကြေးကွာဟမှုတွေ ရှိနေတယ်။
မေး - တိုင်းဒေသကြီးလွှတ်တော်က ဘယ်လောက်အထိ လုပ်ပိုင်ခွင့်ရှိတယ်လို့ ယူဆလဲ။
ဖြေ - ဒီနှစ်ဘတ်ဂျက်က အရင်အစိုးရက ရေးဆွဲပြီးသား။ ဒါကိုလွှတ်တော်အနေနဲ့ လုပ်ပိုင်ခွင့်ရှိတာက ဘဏ္ဍာငွေရသုံးမှန်းခြေကို သဘောတူရင် အတည်ပြုလိုက်လို့ရတယ်။ တချို့ဟာတွေတော့ မလိုအပ်ဘူးဆိုပြီး ငြင်းပယ်လိုက်လို့ ရတယ်။ တချို့ပိုက်ဆံ ပိုတင်ထားတဲ့ဟာတွေကို လျှော့ပြီးခွင့်ပြုလို့ ရတယ်။ အဓိကလုပ်ရတာကတော့ အုပ်ချုပ်ရေး၊ တရားစီရင်ရေးတို့ကို ထိန်းကျောင်းရတာပေါ့။ နည်းလမ်းအနေနဲ့က အဆိုတင်တာ၊ အစိုးရဌာနကလုပ်နေတာ မလျော်ကန်လာရင် မေးခွန်းထုတ်တာ၊ နောက်ဆုံးအဆင့်က ဥပဒေပြုလို့ရတာပေါ့။ ဥပဒေပြုတာမှာ ရှိရင်းစွဲမလျော်ညီတဲ့ ဥပဒေကိုပယ်ဖျက်၊ လိုအပ်ရင် ပြင်ဆင်ဖြည့်စွက်၊ အသစ်ပြဋ္ဌာန်း။ နောက်တစ်ခုရှိသေးတာက အစိုးရနဲ့ ပူးပေါင်းဆောင်ရွက်တာပေါ့။ လွှတ်တော်နဲ့ အစိုးရက ရန်သူမဟုတ်ဘူးလေ။ အမြဲတမ်း သံသယနဲ့စောင့်ကြည့်ပြီး အပြစ်ပြောနေဖို့ မဟုတ်ဘူး။
မေး - အရင်က လွှတ်တော်မှာ သတင်းမီဒီယာတွေ တင်ပြလိုက်တဲ့အပေါ်မှာပဲ မေးခွန်းထုတ်၊ အဆိုတွေတင်တာ အများအပြားတွေ့ရတယ်။ အစိုးရဆီကနေ သတင်း၊အချက်အလက်ရဖို့ အင်မတန်ခက်ခဲပါတယ်။
ဖြေ - အဲဒီဟာက ဥပဒေအရကို တောင်းပိုင်ခွင့်ရှိတယ်။ နိုင်ငံတော် လျှို့ဝှက်ချက်ဆိုတာမျိုးတွေက လွဲလို့ပေါ့။ မီဒီယာကိုအားကိုးနေရတယ် ဆိုကတည်းက မဟုတ်ဘူး။ လွှတ်တော်က မီဒီယာထက် အဆင့်တစ်ဆင့်ပိုမြင့်တယ်၊ လွှတ်တော်နဲ့ အစိုးရဆိုတာ ဟိုဘက်ဒီဘက် တောက်လျှောက်မြင်နေရမယ်လေ။ အချက်အလက်တွေကို တောင်းခွင့်ကရှိပြီးသား။ မပေးရင်လည်း ဥပဒေနဲ့ပဲ ပြန်ကိုင်တွယ်ရမှာပဲ။ လွှတ်တော်နဲ့ အစိုးရကြားမှာ အချက်အလက်တွေ လွယ်လွယ်ကူကူ ဖြတ်သန်းစီးဆင်းနိုင်တဲ့ လမ်းကြောင်းတွေ လိုသလို လွှတ်တော်နဲ့မီဒီယာ၊ မီဒီယာနဲ့အစိုးရကြားမှာလည်း လွယ်လွယ်နဲ့ မြန်မြန် ဖြတ်သန်းစီးနိုင်တဲ့ လမ်းကြောင်းတွေ လိုပါတယ်။ ကောလာဟလတွေ၊ မခိုင်မာတဲ့ အချက်လက်တွေနဲ့ဆို နှစ်ဖက်စလုံးအတွက် မကောင်းတဲ့ရလဒ်တွေပဲရမှာ။ အရာရာကို ကန့်သတ်၊ လျှို့ဝှက် လုပ်လို့မရဘူး။
မေး - ဆန္ဒပြမှု၊ ကျူးကျော်နေထိုင်မှုတွေကို ခပ်ကြမ်းကြမ်း ကိုင်တွယ်ဖြေရှင်းတဲ့အခါ လွှတ်တော်က အစိုးရကို မေးခွန်းထုတ်တာ အားနည်းခဲ့တယ်။ အစိုးရသစ်လက်ထက် ဒီပြသ၁နာမျိုးတွေ ထပ်ဖြစ်ရင် ဘယ်လိုတုံ့ပြန်မလဲ။
ဖြေ - အဲဒီလိုကိုင်တွယ်မှုမျိုးတွေ ရှိလာရင်တော့ ပြင်းပြင်းထန်ထန် ဝေဖန်မှာပါ။ နေစရာမရှိလို့ ကျူးကျော်တာလား၊ နေစရာရှိလျက်သားနဲ့ ကျူးကျော်တဲ့ကိစ္စကိုပဲ စီးပွားဖြစ် လုပ်နေတာလား၊ ဒါကိုခွဲခြားဖို့တော့ လိုတယ်။ တကယ်နေစရာမရှိတဲ့ လူတွေဆို တန်ဖိုးနည်းအိမ်ရာလိုမျိုးနဲ့ တစ်မျိုးစဉ်းစားရမယ်။ ပြည်သူတွေ နေစရာအိမ်မရှိဘူးဆိုရင် အစိုးရညံ့လို့ပဲ။ နေစရာမရှိတဲ့သူတွေကို ဘူဒိုဇာနဲ့ထိုးပြီး သွားချင်တဲ့နေရာ သွားနေဆိုတဲ့ ဖြေရှင်းမှုမျိုးမဟုတ်ဘဲနဲ့ နေစရာရှိအောင် ဘယ်လိုစီမံဖန်တီးမလဲ ဆိုတာ စဉ်းစားဖို့ လွှတ်တော်ကလည်း တိုက်တွန်းမယ်။ ဆန္ဒပြတာကို အကြမ်းဖက်နှိမ်နင်းတဲ့ ကိစ္စတွေကလည်း ကျွန်တော်တို့ လွှတ်တော်ကိုယ်စားလှယ်တွေ၊ အစိုးရအဖွဲ့ထဲ ဝင်သွားတဲ့သူတွေ တော်တော်များများက နိုင်ငံရေးအကျဉ်းသားဟောင်းတွေ များပါတယ်။ အရင်အစိုးရလက်ထက်ကလို အကြမ်းဖက်နှိမ်နင်းတာမျိုးတွေ မရှိသလောက် နည်းသွားမယ်လို့ ယုံကြည်မျှော်လင့်ပါတယ်။
မေး - မိကျောင်းကန်ဒေသ မြေပိုင်ဆိုင်မှု ပြသ၁နာလိုမျိုး ရန်ကုန်မှာ မပြီးပြတ်သေးတဲ့ မြေယာအငြင်းပွားမှုကို အစိုးရသစ်က ဘယ်လိုဆောင်ရွက်သင့်တယ်လို့ ထင်လဲ။
ဖြေ - ပါဝင်ပတ်သက်သူအားလုံးဆီကနေ အကြံဉာဏ်တွေ တောင်းခံမယ်၊ အချက်အလက်တွေစုမယ်၊ ဒါတွေပေါ် အခြေခံပြီး ဘယ်သူမှမထိခိုက် မနစ်နာတဲ့နည်းလမ်းနဲ့ ဖြေရှင်းမယ်ဆိုရင် ထိခိုက်နစ်နာမှုနည်းမယ်။ ဒါပေမဲ့ တချို့အမှန်တရားတွေက ခါးသီးတတ်တယ်။ နှစ်ဖက်အဆင်ပြေမယ့် ကြားလမ်းကြောင်း တစ်ခုကိုရှာတဲ့အခါမှာ ကိုယ်လိုချင်သလောက် မရတာမျိုးတွေ ဖြစ်နိုင်ပါတယ်။ ဒီမိုကရေစီမှာ လူ ၁ဝဝ လုံးကို ၁ဝဝ ရာခိုင်နှုန်း ပျော်ရွှင်စေတယ်ဆိုတာ ဘယ်နိုင်ငံမှာမှ မရှိပါဘူး။ ဒီလိုမျိုးကိစ္စတွေမှာ တစ်ဖက်နဲ့တစ်ဖက် နားလည်မှု၊ သည်းခံမှုတွေ ပျိုးထောင်ဖို့တော့ လိုပါတယ်။ တစ်ယောက်နဲ့ တစ်ယောက် အပြစ်ပြောနေကြတာနဲ့ ဒီမိုကရေစီယဉ်ကျေးမှုအသစ် မပေါ်ထွန်းတော့ဘဲ ဟိုးအရင်ရှိနေတဲ့ ယဉ်ကျေးမှုအဟောင်းတွေကိုပဲ ပြန်ရောက်သွားနိုင်ပါတယ်။
မေး - ရန်ကုန်ရဲ့ ယာဉ်ကြောပိတ်ဆို့မှုပြသ၁နာကို ပြီးခဲ့တဲ့အစိုးရက ခုံးကျော်တံတားတွေနဲ့ ဖြေရှင်းတယ်။
ဖြေ - ဌာနတစ်ခုတည်းက အဖြေရှာလို့ပြီးသွားမယ့် ကိစ္စမဟုတ်ဘူး။ အခုဖြေရှင်းနေတာက ဆောက်လုပ်ရေးကပဲ ခုံးကျော်တံတားတွေနဲ့ ဖြေရှင်းနေသလိုပဲ။ ဒီဟာကိုပြေလည်ဖို့ဆိုရင် ဆက်စပ်ပတ်သက်နေတဲ့ ဌာနပေါင်းစုံက စုဝေးညှိနှိုင်းပြီးတော့ စီမံကိန်းအကြီးကြီးချရမယ်။ စည်ပင်ကလည်း လမ်းဘေးဈေးသည်နဲ့ ကားရပ်နားရေးကို ဘယ်လိုစီမံမလဲ၊ လိုအပ်တဲ့လမ်းတွေကို ဘယ်လိုချဲ့မလဲ။ လျှပ်စစ်ဌာနနဲ့လည်း ဆက်စပ်နေတယ်၊ အခုပဲကြည့်၊ လမ်းတွေတော့ ဖောက်သွား၊ ချဲ့သွားတယ်၊ ဓာတ်တိုင်ကြီးတွေက လမ်းအလယ်မှာ ကျန်နေခဲ့တယ်။ ပြီးခဲ့တဲ့ကာလက ဌာနတစ်ခုနဲ့တစ်ခု ချိတ်ဆက်ဆောင်ရွက်မှု အားနည်းတဲ့အခါ အကောင်းဆုံးဖြစ်အောင် ဖန်တီးသွားခဲ့တဲ့ စီမံကိန်းမျိုးမတွေ့ရဘူး။ ဆောက်လုပ်ရေးကလည်း သူမှန်မယ်ထင်တာ လုပ်ချလိုက်တာပဲ။ စည်ပင်ကလည်း သူမှန်တယ်ထင်တာ လုပ်ချလိုက်တာပဲ။
မေး - ဦးနေမျိုးကျော်ရဲ့ သင်္ဃန်းကျွန်းမြို့နယ်မှာ အရေးတကြီးဖြေရှင်းသင့်တဲ့ ကိစ္စတွေရှိသလား။
ဖြေ - ကျွန်တော့်နယ်မှာ ကျူးကျော်ကိစ္စနဲ့ပဲ ဆက်စပ်ပြီးပြောချင်ပါတယ်။ ကျူးကျော်လို့ပြောရင် ပြည်သူတွေက ကျူးကျော်တယ်လို့ပဲ မျက်စိထဲတန်းမြင်ကြတယ်။ ဒါပေမဲ့ လက်တွေ့ကွင်းဆင်း ကြည့်တဲ့အခါမှာ ပြည်သူတွေပိုင်တဲ့နေရာကို အစိုးရဌာနတွေက ကျူးကျော်ထားတာ အများကြီးပဲ။ ပြည်သူပိုင်တဲ့ ပန်းခြံကို စည်ပင်က မြေကွက်ချပြီး ရောင်းပစ်တယ်၊ ပြည်သူပိုင်တဲ့ မြေနေရာကို ပါတီကြီးတစ်ခုက ပါတီရုံးကြီး ဝင်ဆောက်ထားတာ၊ ကျွန်တော်တို့ကို တချို့ရပ်ကွက်တွေက ကလေးတွေအတွက် ကစားကွင်းဆောက်ပေးပါလို့ တောင်းဆိုတာ၊ အကွက်ချပြီး ရောင်းခံလိုက်ရတဲ့ ဘောလုံးကွင်းလေး ပြန်ရအောင်လုပ်ပေးပါ ဆိုတာမျိုးတွေ၊ ကျွန်တော်လည်း ပြင်ဆင်နေပါတယ်၊ အစိုးရက ပြည်သူတွေဆီကနေ ကျူးကျော်ထားတာကို ဘယ်လိုပြန်တာဝန်ယူ ဆောင်ရွက်မလဲဆိုတဲ့ မေးခွန်းမျိုးတွေကို ကျွန်တော်မေးချင်ပါတယ်။ ပြည်သူက ကျူးကျော်တာကို ဘူဒိုဇာတွေက(ရှင်းလင်းဖယ်ရှားဖို့) ရောက်လာပြီး အစိုးရကျူးကျော်ထားတဲ့ ကိစ္စတွေကျတော့ မသိချင်ယောင်ဆောင်နေတာတွေ အများကြီးပါ။
မေး - တိုင်းလွှတ်တော်ရဲ့ လူမှုရေးကော်မတီထဲမှာ ဦးနေမျိုးကျော် တာဝန်ယူထားပြီဆိုတော့ ရန်ကုန် လမ်းဘေးဈေးသည်တွေ ကိစ္စကော ဘယ်လိုလုပ်မလဲ။
ဖြေ - ဘယ်ကိစ္စပဲလုပ်လုပ် တစ်ဖက်သတ် စဉ်းစားလို့မရဘူး။ လမ်းဘေးဈေးသည်တွေ ပလက်ဖောင်းပေါ် တက်ရောင်းတယ်၊ လူတွေက ကားလမ်းပေါ် လျှောက်ရတယ်၊ ကားတိုက်မှုတွေ၊ ကားပိတ်မှုတွေဖြစ်တယ်၊ ကားပါကင်တွေ နေရာမရှိတော့ဘူး။ လမ်းဘေးဈေးသည်တွေကို မရောင်းနဲ့တော့လို့ ဆိုရင်လည်း သူတို့ရဲ့ဘဝရပ်တည်မှုက ရှိပြန်ရော။ နည်းလမ်းတစ်ခုခု ရှာလိုက်ပြန်တော့လည်း လမ်းဘေးဈေးသည်တွေ အနေနဲ့ သူတို့လိုချင်သလောက် ရချင်မှရတော့မယ်၊ အရင်ကလောက် ရောင်းကောင်းချင်မှ ရောင်းကောင်းတော့မယ်။ ဒါတွေကို လူထုနားလည် လက်ခံလာအောင်လည်း အသိပညာမြှင့်တင်မှုတွေ လုပ်သင့်တယ်ထင်တယ်။ နစ်နာလွန်းရင်တော့ လူထုက ခံမှာမဟုတ်ဘူး။
မေး - ရန်ကုန်မှာ အစိုးရက ဘယ်ကိစ္စတွေကို မဖြစ်မနေဆောင်ရွက်ဖို့ လိုသလဲ။
ဖြေ - လုပ်ဖို့လိုတာတော့ အများကြီးပါ။ အစိုးရကို တိုင်းတာတဲ့အခါမှာ ရိုးရိုးလေးပြောရရင် ပြည်သူလူထု နေပျော်ရမယ်၊ သေပျော်ရမယ်။ အင်အားရှိသလောက် အလုပ်လုပ်မယ်၊ လုပ်လို့ရတဲ့ လုပ်ခလေးနဲ့ ခါးလှအောင်ဝတ်မယ်၊ ဝမ်းဝအောင်စားနိုင်မယ်၊ နေထိုင်စရာ တစ်နေရာရှိမယ်၊ ဒါဆို ကျွန်တော်တို့ နေပျော်တယ်။ ပြည်သူလူထု နေပျော်အောင် ဖန်တီးပေးဖို့က အစိုးရမှာတာဝန်ရှိတယ်။ မိသားစုတစ်ခုက ခါးလှအောင်ဆင်တာ၊ ဝမ်းဝအောင်စားတာ၊ နေစရာနေရာတို့ အပြင် စုဆောင်းငွေတို့၊ ဘဝနောင်ရေးတို့ ဆိုတာ ရှိတယ်။ ပြည်သူလူထု မနေပျော်သေးဘူးဆိုရင်တော့ အစိုးရမကောင်းသေးဘူး၊ ညံ့နေသေးတယ်။ အခုအစိုးရသစ်ကို ရရုံနဲ့မပြီးပါဘူး၊ အစိုးရကောင်းဖြစ်ဖို့ လိုသေးတယ်၊ အစိုးရကောင်းဖြစ်အောင် ဝိုင်းပြီးပူးပေါင်း ဆောင်ရွက်ရမယ်၊ လိုအပ်ရင် တွန်းအားပေးရမယ်။ အစိုးရကောင်းနေရုံနဲ့လည်း မပြီးဘူး၊ ပြည်သူကောင်းဖို့လည်း လိုတယ်။ ကောင်းမွန်တဲ့အုပ်ချုပ်မှုကို လိုချင်ရင် ပြည်သူဘက်ကလည်း ကောင်းမွန်တဲ့ နိုင်ငံသားဖြစ်ဖို့ ပြင်သင့်တာကို ပြင်ပြီး ညီညီညွတ်ညွတ်နဲ့ ပြောင်းလဲနိုင်ရင်တော့ ကျွန်တော်တို့နိုင်ငံဟာ အများကြီး အဆင်ပြေလာမှာပါ။
ထက်ခေါင်လင်း / Myanmar Now
The Ladies News

No comments:

Post a Comment

Related Posts Plugin for WordPress, Blogger...